Akŏ bruă anai lĕ črăn rơnuč jơlan rơdêh đuăi hmar Dầu Giây-Liên Khương, tơkuh nao rai jơlan ƀôn prong Hồ Chí Minh-Đồng Nai-Bảo Lộc-Đà Lạt glông giăm 74 km, abih tih prăk tuh pơ alin rơwang tal 1 rơbêh 17.700 klai prăk, hrơi mông man pơkra him lăng 30 blan. Tơdơi kơ pơgiong, jơlan rơdêh đuăi hmar amra mă yua, hăng amra mă prăk đuăi nao rai amăng 19 thun 30 blan.

Đĭ pơhiăp amăng mong ngă lơphet, Kơ-iăng Khua dêh čar ơi Nguyễn Hòa Bình lăi pơtong, akŏ bruă anai amra pơgôp pơsir hĭ bruă rơdêh đuăi nao rai kơniă đơi amăng jơlan mrô 20, pơtrut pơđĭ kyar plơi prong, logistics, ngă hmua yua boh thâo phrâo hăng tuai čuă ngui klă hloh brơi tơring čar Lâm Đông; rơkâo ƀon lan pơsit tong anai lĕ bruă jao phun, pơtrut tañ bruă pơhrui glăi lŏn rơbêh 600 ektar, pơhlôm brơi anih dŏ phrâo klă hloh brơi mơnuih ƀôn sang.