Page ini, Ban raya Ho Chi Minh brei thau tanut pakacah tame tal 10 ka labaih 76.000 uranaih thun 2025-2026. Sap bahsa Anh lac mon hu rilo abih anek mek hu tanut 10, ngan haong 488 anek saih. Kuhria di taong abih 3 mon, hu labaih 60% anek mek hu tanut angaok tanut 6,5. Mon hu rilo abih anek saih mek hu tanut angaok tanut 6,5  lac mon Ngu van, hu labaih 80%. Daok mon Toan, dom kadha pakacah mek hu tanut 10 hu trun ha sit dut haong thun 2024, ngan haong 36 tanut 10. Kuhria harei 26/6, Ban raya Ho Chi Minh brei thau tanut brei tame tal 10.

Dom sang bac THPT di tinh Tien Giang daok kuhria  caga tani tanat piah anek saih tal 12 tame pakacah tamat THPT hu siam mekre, njauk tui bruk ba tabiak. Tui So Pato megru tinh Tien Giang, mbang pakacah THPT thun ini, dalam tinh hu labaih 16.900 anek saih hu mboh harak tame pakacah di 32 labik. Mban Tacei ba Pakacah tinh Tien Giang hu parabha bruk cambaic laic ka yaok urang, pambuak tani tanat haong karja dom bhum palei piah pakacah hu jak jeng, salamat saong njauk bruk ba tabiak.

Tinh Ca Mau daok samar drah ngak salah blaoh dom banah bruk piah samu ba tame ngak bruk pakat tinh saong pakat xa gam gam saong siam lagaih meng harei 1/7 anak tal. Karja 64 xa, phuong bahrau di tinh Ca Mau hu pandar brei patui veik khik tani tanat bruk ba tame ngak iek piah hu bruk pasang iek dom tavak tavaity karei dalam luac bruk ngak iek, hu dom kadha, jalan langyah cambaih laih piah lagaih tuk hu dom bruk karei saong thau cambaih laih dom bruk brei ngak tui danak njauk caik ngak dahlau.

Akaok UBND tinh Hau Giang birau iew So Ngak nong saong Moi truog tinh peih bruk tui iek kuhria ka hajan hangin,  bala meng langik; tui kuhria, khan brei thau chip piah jabat karja saong bhap bini thau hu jalan pacang caga, trun khat lahik; tacei pato peih dom jalan pacang caga bala tui hukum ba tabiak; tacei ba jalan  ka dom bhum palei pasang iek, pabak khaw tin, ngak brei siam dom jalan pacang caga bala meng langik, khik siam bruk ngak mbang pala drak, danak dak ar ribong kraong, binek ia taba, lagaih haog karja palei dua pakat. 

Tinh Ba Ria – Vung Tau bahrau ba tabiak jalan ngak tabung glaong langyah siam lagaih bruk pacang taong mek kaya tasik suan hukum, oh khan brei thau saong oh ngak tui adat (IUU) tui sarak kakei dahlau ka “pakat the kanyik” di Uy mban chau Au (EC). Ong Đặng Văn Lương, Phaok Chi cuc Thuy san saong Kiem ngu tinh Ba Ria – Vung Tau brei thau: Ngan haong gilai khut tayah, karam, dom mentri dom gah brei jak ba rahra ngak harak gar taoh tayah bruk tut angan. Gilai halei oh ka tut angan saong harak brei adat abih tukvak brei pandar ye daong rahra tut angan, pasang iek, pabak vrik harak adat tui hukum.

Mentri Ngaoi giao negar Prang khan lac brei ba dom kapal ahaok praong A400M di negar ini piah pajeng ba rahra Prang tabiak truh Israel, hadei dom mbang rah tabiak saw kadau jaik ini di bhum taneh ini tuk Israel saong Mỹ taong tame Iran. Prang jeng pah dom kapal ahaok  par meg ban ine Amman di Jordan. Tui kuhria hu dua mbang par dalam dua harei, harei 23 saong harei 24 bilan 6 pajeng labaih 300 bhap bini Prang mai tal Paris.

Jaik abih dom amaik ame di Indonesia je lac uranaih me-in meda pasiam bruk anit ranam gauk dalam baoh sang saong daong tame bruk haniem phol. Langiu di nan, dom bruk hu makna ngan haong bruk jak jeng di uranaih yau bruk khang hatai, ndom puac, hadah krah, bruk pasiam saong langyah asal kadha brei hu jhul tagok tapa bruk me-in. kayua nan, dom baoh sang brei kein lagaih ka uranaih hu rilo tukvak ka bruk bui sambai me-in, njauk ndom lac dalam mbang padeih padei pandiak./.

Mbang langik pandiak catang rah tabiak di bhum Kreh saong bhum Pur  nagar Mỹ, meda ngak kan kandah tal 170 trieu urang kayua langik pandiak glong gam thu lagu saong ia harei catang. Pandiak meda tagok meng 32 tal 38 do C, hu dom labik meda tagok 38 do C. Nhiet do melam oh trun ala 27 do C, ba tal rup pabhap kan kajap gilac meyah oh hu mac jamraih ngak la-ar./.