Brei panuac  dalam nyaom biai mbang ka 5 Mban Pato tacei Pakat negar peih ngak “Brei oh daok baoh sang taik tahak” di dalam taneh ia meng harei kabroi, Thu tuong Phạm Minh Chính taong yaom glaong dom mentri, dom gah, dom gah ngak mbang pablei salih peih dom danak dak. Thu tuong pandar brei dui katut tukvak salah blaoh bruk “brei oh daok baoh sang taik tahak” di dalam negar meng di harei 31/10/2025. Daok ngan haong “brei oh daok baoh sang taik tahak” ka urang hu ngak bruk katmang meng kal, kham merat tal harei 27/7 thun ini brei abih baoh sang oh daok taik tahak ka urang hu ngak bruk katmang meng kal, baoh sang urang thuong binh, liet si.

Ndang bo tinh Vinh Long hadei pagam tame 3 tinh: Bêen Tre, Viinh Long saong Tra Vinh hu 128 ndang bo. Kuhria abih tih urang ndang di Ndang bo tinh Vinh Long birau hu labaih 152.000 urang. Tui jalan dak ramik urang jakar, urang kong chuc, vien chuc di jabat, daong bruk, jabat ngak karja di Tinh uy ka bruk panduan ba urang jakar, cong chuc, vien chuc di dom jabat ngak bruk chuyen trach, daong bruk, jabat karja di Tinh uy urak ini. 

Baoh thanh long di tinh Tien Giang daok tagok yaom, ngak ka po bein chreih chrai. Tukvak ini, urang ikak kaiyblei baoh thanh long hatai bhong di huyen Chợ Gạo haong yaom jien jaik 40.000 dong/kg (janih 1), daok janih 2 saong janih 3 hu meng 25.000 tal labaih 30.000 dong/kg – tagok dua mbang dut haong bilan dahlau. Ngan haong yaom ini, yaok kg baoh thanh long, po bein meda hu laba labaih 15.000 dong. Kuhria labaih 1-2 bilan anak tal, dom bein thanh long meng yam tame mbang paik baoh.

      Kapol pachreih bac tinh Bac Lieu birau jao brei 140 paok jien bac, yaok paok 1 trieu dong ka anek saih di sang kathaot, jaik kathaot, anek saih hu raidiuk kan kandah tame pakacah tamat THPT thun 2025. Akok kapol pachreih bac tinh Bac Lieu Trần Hoàng Duyên khan lac, mbang ini Kapol hu jao brei abih tih 400 paok jien bac ka dom adei  dalam tinh. Paok jien bac ini hu meng Kadung jien bac Võ Văn Kiệt tinh Bcc Lieu.

        So Y te Ban raya Ho Chi Minh brei thau meng akaok thun 2025 tal ini, dom urang njauk ruak sởi dalam ban hu trun gam gam. Yaom lac bruk jit ruak sởi hu pacang caga tani tanat, min bruk jit ruak meda tamuh veik daok mbuan rah tabiak. Tal ini, taong abih 273 phuong, xa, ban sit hu kein lagaih piah brei thau abih jit ruak sởi, dalam nan 228 phuong, xa, ban sit hu UB Bhap bini Ban raya ba tabiak Sarak brei thau abih jit ruak saong 45 phuong, xa, ban sit daok veik daok ngak salah blaoh bruk harak gar.

Gah Mbuak bruk Hoi giao (OIC) harei kabroi khan lac Istanbul, ndem catang dom bruk taong tame jiak ini di Iarael tame Iran, Syria saong Lebanon, gam ieu bhap bini dunya ngak tui dom jalan pato padar. Panuac nan di Istanbul huy ndem puac ka bruk ngak di Israel lac bruk ngak suan hukum dunya saong meblah bruk ngak po, jeng yau an ninh di dom taneh ia gaok kan kandah pambak tame saong ieu Israel brei taduan bruk ngak nan di drei. 

Rajaei Japon bahrau ini mbaoh tangin ka bruk blei brah tame samar chip meng langiu negar piah srap gap ka dom bruk rah tabiak katuak yau bala langik dalam bruk brah khik piah takik. Yaok thun Japon blei tame labaih 770.000 tan brah oh mek jien je. Dalam nan, labaih 100.000 tan brei ngak pandap mbang ralo abih, daok veik ngak  kaya mbang ka gah raong glang saong ngak ndap nda.

8 urang metai hadei sa baoh khinh khi cau pajeng 21 tuai damuai, gam urang peih par, laik trun di tieu bang Santa Catarina, gah meraong Brazil. 13 urang daok diuk hu ba tame dom sang iek ruak jaik nan piah dut iek prein yava saong oh thei njuak hagait trak. Tong thong Santa Catarina khan lac karja dom bang daong dom gah bol lin bhum palei saong tieu bang ngak bruk nan./.