Kuhria abih tih phun jien buh tame labaih 3.500 ti dong, TPHCM ngak salah 67 danak dak ilamo, padhih the thao dalam 5 thun tapa. Siam gheih abih lac 17 danak dak hu makna biak praong pahadar 50 harei yasa taneh ia. Langiu di nan, yaok thun TPHCM daok peih ngak labaih 150 adat harei roya saong bruk ngak ilamo, padhih the thao praong sit, pachreih hu rilo bhap bini saong tuai damuai yau: Roya uan raok thun birau, Pachip da-a Po Hùng, atau Adat ngak yang Nghinh Ông Cần Giờ. Njauk caik hatai lac, gah ngak kong nghiep ilamo di ban raya daok rik tame dak harei dak ralo dalam  abih tih kaya kan di ban.

Mban Jak ba urang halan hatian brei darah tinh Soc Trang birau peih bruk meyaom 205 urang halan hatian brei darah naih gheih thun 2025. Ini lac dom urang halan hatian yau kareih camin hadah kandi kandang min makna biak praong, lac dom “urang naih gheih dalam raidiuk” oh huac hagiat brei darah di drei piah daong ka urang karei  dalam tuk ruak trak, alin ka urang hatai caong khin diuk di lot ini,  pambak praong hatai ranam ka urang. Meng kaok thun mbiah tal ini, dalam tinh Soc Trang taduan labaih 4.220 don vi darah, khik hu 19 kalup kapol halan hatian brei darah.

Tỉnh Cà Mau meda peih bruk ngak iek dahlau xã, phường birau di 17 don vi  di harei 19 bilan 6 anak tal. Mbiah tal hare 28 - 29/6, kuhria pasang iek dom bruk ngak di pakat tinh, pakat xa; Peih bruk ginum biai iek veik, bac megru tapa bruk ngak nan piah peih ngak di abih labik daok veik meng harei 1 bilan 7. Asar kadha peih ngak iek pataom tame pandar phan mem He thong khik iek harak gal; bruk pasang iek harak ho so, harak hanh chinh di bhap bini; jalan nyaom biai Mban chap hanh Dang bo xa, phuong…

Kong an tinh Gia Lai brau peih ngak danak dak pataom mbaok 28 kamuan lac “anek raong”, “anek raong daong” di gah kong an. Dom kamuan nan umo ala 16 thun, lac anek di urang bol lin atau uranaih sang kathaot, metui medhar, uranaih bangsa takik, bhum atah bayah. Meng hu bruk dang, raong ba dom kamuan hu rilo lagaih gheih patagok dalam raidiuk saong bac megru; rilo kamuan bac naih joi. Dom bruk “Amaik raong daong”   saong “ Anek raong di kong an” hu peih ngakdi ralo don vi meng dom thun dahlau mai.

Yaom padai He thu di tinh Hau Giang trun veik dut saong bilan akaok saong tukvak ini thun dahlau. Urak ini padai OM 18, OM 5451 hu yaom ala 6.000 dong sa kilo. Yaom nan trun jaik 2.000 dong sa kilo dut saong thun dahlau. Urak ini tinh Hau Giang yuak hu jiak 1.600 ha padei He thu saong hu jaik 43.000 ha padai He thu daok tathak. Langik jhak gam hajan dui atah lavik harei yau urak ini, urang ngak nong gaok kan kandah tuk yuak kuak saong pablei padai brah.

Canh sat Han Quoc brei pakhang bruk pasang iek di dom labik jaik taphia negar hu makna praong - labik dom kapol nyaom prai ba-ar hu asar kadha ndem puac tal Trieu Tien. Bruk ba tabiak hadei mbang ginum biai puac adit tapa di Mentri Thong nhat Han Quoc haong dom jabat rajaei pambuak tal piah ginum biai ka dom bruk prai ba-ar hu asar kadha cagar veik Trieu Tien lac “ngak suan hukum”. Dahlau di nan, harei 14 bilan 6, sa nyom urang hu palao baoh blung prai ba-ar di kaoh pulao Ganghwa di Incheon tapa Triều Tiên, oh lac karja Han Quoc iew brei padeih bruk nan.

LHQ cakak trun biak ralo jien ngak pahala daong urang di dunya. Harak pathau khan nan di LHQ hu ba tabiak dalam tuk dom bruk daok kandah gauk  khang rah tabiak di ralo labik saong phun jien daong njauk cakak trun “ trak abih meng dahlau mai mbiah tal ini”. Meng akaok thun tal ini, LHQ birau taduan hu 5,6 ti USD, sumu 13% jien jak ba urang rik daong tuk camereip. Bruk jien rik tame daong ngak pahala njauk cakak trun  ba tal LHQ biak kan palih ruah parabha jien daong.

Lambaok dom but pajaih meng bang Nagaland di Ấn Độ daok ginum biai haong gilang khik piah di Anh ka bruk bayar talang mukkei urang Naga. Dom atau talang nan hu parang iek di negar Anh dalam dom pluh thun tapa. Tui dom urang gah sajarah dakrai lac, dom talang nan hu dom urang jakar lin negar Anh mek mai meng dom labik dar saong mblang mesruh  di bang Nagaland, labik  nan hu dom rituh thun dahlau, urang duah pataom akok manuac hu jeng adat mboh ralo. Dalam tuk nan, dom talang karei njauk urang taong paoh blah mek./.