Tinh Dong Nai tame padang ngak iek dahlau bruk karja pakat xa di 5 xa, phuong hadei ramik meng ini tal harei 20/6. Bruk ngak iek dahlau karja pakat xa piah xa ngak, salah blaoh dom banah, jalan ngak, bruk ngak dalam pato tacei, dui ba; bruk tok taduan, langyah, bayar harak gar karja di uy mban bhap bini saong urang jakar, cong chuc xa, phuong ngan haong menuac urang, kapul hu pandar langyah harak gar karja; khik kajap hu lagaih, sami samar, siam lagaih; jaik rahra saong duh rahra siam abih.

Salam uan Harei Dunya meyaom urang halan hatian brei darah, harei 14 bilan 6, Hoi Chu thap do tinh Binh Phuoc birau peih bruk halan hatian brei darah hu mbaok di urang jakar, bhap bini di tỉnh. Ini lac thun akok meti tinh Binh Phuoc peih bruk jak ba urang halan hatian brei darah pambak praong di grauk labik dalam negar. Tui bruk ba tabiak, tinh Binh Phuoc kham jaba hu 5.420 don vi darah dalam thun ini; jak ba  takik abih lac 5 ribau urang halan hatian di Kapol thap do hu mbaok tame ngak bruk pahala saong dak padang  kapol nyaom brei darah caga dahlau, urang hu darak takik manuac hu tuk halei jeng halan hatian tuk dom labik y te khin hu daong brei darak.

Kuhria bilan 10 anak tal, brah jaik 3 ribau tan hu mboah tangin ka tathuak nerah biar hu pablei tabiak darak pasar Australia sa dalam dom negar ndok glaong ka asar siam ndap nda kaya nong saong alam langik. Tui Mentri Ngak nong saong Moi truong, bruk pablei tabiak jak jeng brah tathuak nerak biar lac bruk slaih bruk pala tapa patagok karo kajap, pandar taneh riya siam lagaih, paglaong yaom kaom ka brah Viet. Asal kadha ini hu makna biak praong, peih tabiak jalan nao suai atah ka gah padai brah Viet Nam patagok tabiak darak pasar dunya.

Ruak padiak tabiak darak di TPHCM daok rah tabiak kan thau dahlau tuk birau tame akok bilan hajan mboh hu rilo urang ruak trak, abih di nyu nan lac urang lameh labaih kilo. Dalam adit tapa, Ban raya HCM hu 320 urang njom ruak pandiak tabiak darah. Kuhria abih tih dom urang ruak pandiak tabiak darak kuhria meng akaok thun  tal ini, urang ruak pandiak tabiak darah hu tal meteh dom urang ndih iek ruak. Njauk ndem tal lac tuk halei  jeng hu dom urang ruak pandiak tabiak darah trak taong ruak dalam khoa hoi suc tich cuc, ruak trak kan kandah saong njauk brei jru ruak tame dalam.

Tui So Ngak nong saong Moi truong tinh Ca Mau, hajan praong gam gam dalam dom harei jaik ini ngak ia dauk yaok ribau hecta taiy padai he thu di dom bhum palei dalam tinh. DI bhum yamen di huyen Trần Văn thời, tal tukvak ini taiy padai he thu hu trun pajaih jaik 29.000ha padai ye hu labaih 4.600ha padai gaok ia dauk…Mikva saong gah chuc nang Ca Mau daok kham merat taoh ia tabiak daong padai piah patrun khat lahik min daok gaok kan kandah kayua ia di kraong ribaong jeng daok ndik tagok glaong, ngak ka bruk njuk taoh ia meng hamu padai tabiak langiu oh hu siam lagaih.

Karja Tong thong My Donald Trump hu ba blah web tame pandar brei tut angan ngak sarak thi thuc “ the kanjik” 5 trieu USD. Urang hu the ini meda hu jeng bhap bini My, brei adat sarak daok veik negar My, harak ba-ar nao ngak bruk saong oh mek jien je. Blah web hu thaok binguk blah the kanjik katam, hu mbaok di Tong thong Trump. Urak ini birau hu bhap bini di 8 bhum taneh  lac chau Au, chau A, Bac MY, chau Đại Dương, Trung My, Nam My, Caribe saong chau Phi meda tut angan piah hu pasang iek mbaoh tangin.

Tui pathau khan bahrau di Kapul nao daok negar karei pakat Dunya, Haiti daok gaok kan kandah bruk nao daok negar karei biak kanjah jhak abih dalam sajarah tuk hu tal 1,3 trieu urang – samu 11% rahra, brei ka klak sang danaok kayua taong paoh gauk di dom kapul urang. Bruk ini tagok 24% dut hoang tukvak puac thun dahlau, brei mboh bruk taong paoh daok tagok rilo oh padeih di negar bhum Caribe ini. Tui kuhria di Kapul Lien hiep quoc di Haiti, dalam thun blaoh hu 5.600 urang metai kayua taong paoh gauk. Daok di 3 bilan akaok thun ini hu veik 1.600 urang.

Dom urang roh duah birau khan brei thau talang thu meng 6.000 thun di kabik  roh duah kaya kan Checua, di Colombia. Tapa langyah DNA brei mboh dom urang nan hu inem di truyen ta-eng, oh ka bhian mboh di dalam dom manuac halei di Chau My urak ini. Bruk duah mboh nan khin thau ka halau gha jengyau bruk lahik di dom urang nan. Tapa roh duah ngak brei cambaic laic bruk manuac sia tame daok di bhum Nam Mỹ./.