Tinh Ninh Thuan urak ini hu jaik 20.000 baoh sang urang Cam, ngan haong labaih 90.200 urang, meblah 12,3% kuhria abih rahra dalam tinh. Tukvak tapa, tinh Ninh Thuan biak sangka saong peih ngak rilo danak dak piah jhul patagok bhum urang bangsa Cam. Ong Trần Quốc Nam, Akaok UB Bhap bini tinh Ninh Thuan brei thau, kein lagaih ka co so ha tang, raidiuk rahra di mikva urang bangsa Cam dak harei dak hu pasiam saong patagok. Dom xa hu mikva urang bangsa Cam diuk rai lac dom xa palei pala bahrau.

Di var taom mbaok urang ngak praong di 40 xã, phuong, ong Duong Văn Trang , Bí thu Tinh uy Kon Tum mboh lac, bruk ba manuac mai ngak bruk, parabha bruk ngak ka urang jakar ngak praong di dom xa, phuong birau hu Mban Thuong vu Tinh uy brei kuhria caga tani tanat, palih ruah tui tanut chuan tapak hatai, dan chu, iek praong bruk ngak. Bi thu Tinh uy Kon Tum caong khin, urang ngak praong di 40 xã, phuong tui bruk ngak di drei ba tabiak bruk ngak, tacei pato, ngak bruk, khik iek piah xã, phuong cakrok patagok.

Danak dak Pabak prein bilan pakacah tamat THPT thun ini dalam negar (di harei 26, 27/6 anak tal) caik hatai sangka daong anek saih gaok kan kandah. Gah padang ngak hu pambuak haong rilo gah alin yaok rituh paok jien pachreih bac meng jien mbaok hu yaom labaih 3,5 ty dong saong jien pachreih bac sap bahsa Anh, ilamo hu yaom jaik 5 ty dong. Dom anek saih metui, jaoh jo, bhum atah bayah bhian gaok kan kandah ka jien padai jeng hu pasang iek piah daong hu dil samu, khik kajap oh hu adei halei brei klak mbang pakacah kayua kan kandah ka jien padai.

Di tỉnh Vĩnh Long hu labaih 11.730 anek saih tut angan tame pakacah tamat THPT di 30 labik pakacah. Tinh jak ba labaih 1.900 urang jakar, gru pato, urang ngak bruk ramik caga bruk pakacah hu siam mekre, njauk bruk saong njauk tui sarak ba tabiak. Labik pakacah, bruk pajeng ba, bruk khik piah kadha pakacah saong kadha pakacah blaoh njauk tui bruk ba tabiak di Mentri Pato megru. Piah padar pabak ilamo ka dom adei, dom harei tapa dom gru pato di dom sang bac hu peih bruk pato pakei ka yaok nyaom anek saih piah.

Jabat Bangsa saong Agama huyen Krông Ana, tinh Dak Lak pambuak Kongti Co phan Ê Đê Café padang harei jao brei ndap nda kaya ngak nong Danak dak Daong pambuak ngak mbang dalam bruk sangka saong pablei kaphe angaok bhum xa Dray Sáp. Danak dak daok 71 baoh sang rahra bangsa takik di mbon Kala, mbon Tuôr A, Tuôr B haong taong abih 69 ha taneh hu mbaok tame. Taong abih khak ngak nong jao brei ka dom baoh sang rahra lac 151 tan, daong parilo jien laba saong jien mek tame ka rahra.

Page ini, hadei tuk Tong thong My Donald Trump cih vak tagok angaok mang xa hoi di ong ka bruk Israel saong Iran njauk hatai padeih cuh salah saong abih gah, darak pasar Nhat Ban njauk hatai pachreih tui saong jien yen tagok yaom. Darak pasar jien ndo negar langiu Tokyo mboh urang pablei jien dola My - meda lac jien hu yaom glong dalam tuk kan kandah saong blei veik jien yen. Dalam tuk nan, yaom menyek tamo di darak pasar jeng trun.

         Page ini, Mentri Y te Campuchia hu ba tabiak pathau khan lac hu veik sa bruk njauk ruak kum menuk ada (H5N1) di sa urang kamei umo 41 thun di tinh Siem Reap. Tui Mentri Y te Campuchia, urang ruak daok dalam bruk ruak trak saong hu y te sangka tani tanat. Kuhria brei mboh, di sang urang njauk ruak saong sang mikva taphia nan rah tabiak bruk rilo menuk metai, saong urang ruak hu ngak ralaow dom menuk ruak, menuk metai jeng pandap mbang dahlau tuk tamuh ruak.

Hy Lap harei kabroi brei thau samar chip di kaoh pulao Chios di bhum gah Pur tasik Aegean kayua dom mbang apui khuah glai praong. Labaih 100 urang lin daong padam khuah gam 10 kapal ahaok saong 2 kapal ahaok padam khuah hu ba mai daong padam apui. Akok mentri Gah Langik sraw kadau saong Khik caga bhap bini Hy Lạp daok pacang caga, pambuak dom don vi saong tui iek bruk apui khuah glai daok rah tabiak samar./.