Ti anôk bi kƀĭn, phung bi ala trông čhai, đru mguôp yuôm bhăn kơ klei mđĭ kyar bruă hiu čhưn ênguê hlăm grăp alŭ wăl, lehanăn mđĭ ai ktang mơ̆ng grăp krĭng pioh mjing klei găl kơ bruă hiu čhưn ênguê. Hlăm anăn, Phú Yên mâo hang ksĭ truh 189km, lu kdrăn mnei siam, wăl kplang jăk, mâo knhuah gru hƀuê ênuk ala čar mơ̆ng sui leh.

Daklak jiă hŏng knhuah hiu čhưn eneguê lăn mnga êa siam, kơ dhar kreh, hŏng dŭm đang kphê lă lia, drai êa kdrăm k’ah, lehanăn wăl čing čhar hing ang kơ lăn dap kngư. Leh bi mŭt mbĭt Phú Yên lehanăn Dfaklak jing sa, snăn bruă mkŏ ai ktang klei găl mơ̆ng êa ksĭ truh kơ dliê ƀai hĭn jing yuôm bhăn. Hồ Văn Tiến, Khua êpul hgŭm bruă hiu čhưn ênguê Phú Yên brei thâo, êjai  Phú Yên lehanăn Daklak dôk mprăp kơ klei bi mŭt mbĭt, bruă hiu čhưn ênguê 2 alŭ wăl ƀai hĭn gĭr jih ai tiê čiăng atăt bruă hiu čhưn ênguê jing bruă duh mkra knơ̆ng./.