Ti anôk nao čuă mđup brei mnơ̆ng, Đại tướng Nguyễn Trọng Nghĩa bi mni kơ dŭm boh tŭ dưn čar Khánh Hòa hlăm klei iêo jak jih ai dưi duh mĭn kơ dŭm gŏ sang knŭk kna dlăng ba, kơ mnuih mâo bruă tŭ dưn hŏng cách mạng, đru bi lar ai tiê klei thâo bi đru “mnăm êa hdơr kơ hnoh”; čang hmăng anôk bruă Đảng, bruă sang čư̆ êa čar  Khánh Hòa lŏ dơ̆ng mlih mrâo, lehanăn mđĭ hĭn hdră êlan duh mĭn dlăng kriê mnuih mâo bruă tŭ dưn hŏng lăn čar, yap anei jing bruă čuăn ngă nanao hlăm jih bruă kđi čar.

Mbĭt anăn, čang hmăng kơ dŭm gŏ sang lŏ dơ̆ng gĭr hgao jih klei dleh dlan, mđĭ hĭn ai tiê cách mạng, klei thâo bi mguôp, kreh kruiñ mă bruă knuă čiăng ƀrư̆ ƀrư̆ bi hơĭt klei hdĭp mda. Wưng anei,  Đại tướng Nguyễn Trọng Nghĩa lehanăn êpul mă bruă mơ̆ng gưl dlông mđup brei leh truh 300 hnư mnơ̆ng kơ gŏ sang mâo bruă tŭ dưn hŏng cách mạng, gŏ sang knŭk kna dlăng ba lehanăn mnuih mă bruă mâo klei hdĭp dleh dlan./.