Lŏ dơ̆ng hdră mă bruă ti Gia Lai, aguah 28/4, Đại tướng Nguyễn Trọng Nghĩa, Khua hlăm Phŭn bruă kđi čar, Khua hlăm anôk dlăng bruă Đảng, Khua knơ̆ng bruă kđi čar lĭng kahan yang ƀuôn Việt Nam mbĭt hŏng êpul mă bruă Gưl dlông nao čuă, mđup brei mnơ̆ng kơ gŏ sang knŭk kna dlăng ba, mnuih mâo bruă tŭ dưn ƀri bi hdơr 51 thŭn Hruê mtlaih êngiê kwar Dhŭng hluh lir lăn čar.

Ti knăm anei, êpul jao leh 300 hnư mnơ̆ng kơ gŏ sang knŭk kna dlăng ba, mnuih ƀun, mnuih mă bruă dleh dlan. Đại tướng mñă, mđing kơ mnuih mâo bruă tŭ dưn jing bruă klam kđi čar phŭn mơ̆ng Đảng lehanăn Knŭk kna, bi êdah klei bhiăn “Mnăm êa hdơr kơ hnoh”. “Ƀơ̆ng boh hdơr kơ pô pla” mơ̆ng djuê ana. Mbĭt anăn, mtă kơ dŭm gưl bruă Đảng, bruă knŭk kna mđing kơ hdră hdơr knga tla ai, mđing kơ klei hdĭp mnơ̆ng dhơ̆ng, ai tiê klei mĭn kơ gŏ sang knŭk kna dlăng ba, đru bi kjăp klei đăo knang mơ̆ng mnuih ƀuôn sang, bi kjăp klei hgŭm mguôp djuê ana./.

Aguah mbrue 28/4, êpul ngă bruă mơ̆ng gưl dlông mâo Nguyễn Thanh Nghị, Khua kiă kriê hdră êlan gưl dlông ngă khua êpul nao čuă êmuh, mđup brei mnơ̆ng kơ dŭm gŏ sang knŭk kna dlăng ba, gŏ sang ƀun lehanăn mnuih mă bruă mâo klei hdĭp dleh dlan ti ƀuôn hgŭm Quảng Phú, čar Daklak. Êpul mđup brei leh 80 hnư mnơ̆ng, mđĭ ai phung dôk hlăm klei dleh dlan.

Ti anôk bi tuôm,  Nguyễn Thanh Nghị čuă êmuh klei suaih pral, êmuh kơ klei hdĭp mda mnuih ƀuôn sang, lehanăn mơĭt asăp mđĭ ai mơ̆ng phung khua kiă kriê Đảng lehanăn knŭk kna truh hŏng lu gŏ sang dôk hlăm klei dleh dlan. Ñu čang hmăng dŭm gŏ sang lŏ dơ̆ng mâo klei thâo bi mguôp, gĭr ktĭr hlăm klei mă bruă, ƀrư̆ ƀrư̆ bi hơĭt klei hdĭp mda. Mñă hdră êlan hlăm wưng tinăp ñu lač, dŭm gưl dhar bruă srăng lŏ ngă lu mta bruă tŭ dưn kơ klei hdĭp mda ala ƀuôn, rơ̆ng kơ jih jang mnuih ƀuôn sang dưi dưn jih jang boh mơ̆ng klei mđĭ kyar bruă duh mkra, amâo mâo mnuih lui kơ tluôn ôh./.