Hlăm klei kƀĭn trông, phung bi ala Gia Lai hưn mdah lu mta phŭn djŏ tuôm hŏng bruă mkŏ mkra, êlan klông, klei hdĭp yang ƀuôn, msir hră mơar Knŭk kna, hdră đru kơ knuă druh nah gŭ, phung mbruă leh anăn êpul hgŭm bruă knhuah gru. Phung bi ala bi êdah klei uêñ mĭn kơ ai dưi gĭt gai mơ̆ng gưl să leh lŏ mâo thiăm klei dưi.

Blŭ hlăm klei kƀĭn, k’iăng khua Bruă Kbĭn ala Nguyễn Hồng Diên čih yap dŭm klei blŭ mguôp mơ̆ng phung bi ala, mbĭt anăn brei thâo Knŭk kna dôk ngă bruă khăt bi hrŏ hră mơar Knŭk kna ti gưl dlông čiăng mbha gưl ktang hĭn kơ alŭ wăl. Ñu mñă ktang să, ƀuôn hgŭm jing gưl bruă giăm hŏng mnuih ƀuôn sang hĭn, kyuanăn čiăng čŏng msir tŭ dưn dŭm boh klei klă klơ̆ng mơ̆ng mnuih ƀuôn sang.