Càr Dăk Lăk yal 4 bơta măi mok sồ drơng gơnoar atbồ ƀòn lơgar 2 kâp in
Thứ sáu, 10:17, 11/07/2025
Cau mblàng: K'Duẩn/ VOV
Cau mblàng: K'Duẩn/ VOV
VOV4.K'Ho - Mho ngai 10/7, Mpồl sồr lơh bè bơtàu tơnguh jak chài, măi mok, tam gơl pa bơceh lơh mờ tam gơl sồ càr Dăk Lăk bơyai lơh dar pơrjum dơ̆ 1 mờ kung yal, sơn đờm ngui 4 bơta măi mok sồ kuơmàng drơng boă lơh đơng lam bơh broă lơh gơnoar atbồ ƀòn lơgar 2 kâp dê in.
Pơrjum geh tơrbŏ tơn mờ 102 sàh, sơnah ƀòn tàm gùt càr. 4 bơta măi mok sồ geh yal geh: măi mok sồ bơh bồ tơngoh jak kòn bơnus lơh gơs (AI) nàng kờñ dong kờl làng bol jòi jơnau tơnggit, tong sră pơ àr mờ jat sền tơngai bơsong sră nggal gơnoar atbồ dà lơgar; măi mok sồ drơng ala pờ tơlik tàm internet: dong làng bol git mờ lơh sră pơ àr gơnoar atbồ mhar, ƀuơn ƀuài; Dashboard đơng lam tơrgùm jơh, nàng kờñ dong tơrgùm, jat sền mờ dong kờl đơng lam kơnòl broă bơh kâp càr tus kâp sàh; mpồl dờp, bơsong jơnau đơs bơh mpồl bơtiàn dê nàng kờñ sac rơ wah, pơyua jơnau đơs làng bol dê nàng bơsong di tŭ.
Viết bình luận