Sờh Broă lơh sa suơn sre mờ Tiah ơm kis càr Lâm Đồng geh 46 nă cau ơm rlô lơh broă jat broă dong kờl 178
Thứ sáu, 10:28, 11/07/2025
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Tàm bơta lơh ngan tơrmù di pal mpồl lơh broă, tŭ lơh jat broă tơmŭt bal ală mpồl lơh broă, Sờh Broă lơh sa suơn sre mờ Tiah ơm kis càr Lâm Đồng neh tơrmù geh 394 nă cau; gơmù 46 cơldŭ. Bơdìh mờ hơ̆ Sờh neh yal mờ Anih duh broă Làng bol càr Lâm Đồng bơsong jơnau kơ̆p kờñ ơm rlô lơh broă, ơm lơh broă jat Jơnau lơh nền bơh Cíñ phủ dê sồ 178 ai 46 nă kwang bàng in.
Bơh broă tơmŭt bal 6 anih lơh broă, gah broă lơh sa suơn sre mờ tiah ơm kis bơh 3 càr Dăk Nông, Bình Thuận mờ Lâm Đồng, Sờh pa tŭ do geh rlau 5 rơbô 150 nă kông cứk, viên cứk mờ cau lơh broă. Nàng mhar ngan bè ờs wơl mpồl lơh broă lơh broă niam mờ geh cồng nha, Anih duh broă Làng bol càr Lâm Đồng gam sền sơwì kĭ ală Jơnau lơh nền rơndăp tăp sèng wơl Sờh, tơnggơs ală mpồl lơh broă gơwèt Sờh; lơh jat ală sră pơ àr dờp kơnòl broă, cau lơh broă, phan bơna, priă jền geh gơrềng tơnơ̆ tơmŭt bal.
Sờh Broă lơh sa suơn sre mờ Tiah ơm kis càr Lâm Đồng geh gơnoar broă tă pơgồp jơnau đơs mờ Anih duh broă Làng bol càr Lâm Đồng atbồ Dà lơgar uă gah lă jòng bơh brê mù tus dà lềng.
Viết bình luận