Pơrjum bơyai lơh mờ broă lơh pờ tơlik tàm internet tàm anih pờ tơlik tơn tờm ngan là sơnah ƀòn Tuy Hòa mờ tơrbŏ tơn tus ală anih pờ tơlik gơ wèt ală sàh, sơnah ƀòn: Đông Hòa, Sông Cầu, Tuy An Bắc, Phú hòa 1, Tây Hòa, Sơn Hòa, Sông Hinh mờ Đồng Xuân. Tàm pơrjum, cau ala mat Quôk hội neh yal bè cồng nha pơrjum dơ̆ 9 pa do. Pơrjum neh ring bal uă broă lơh bơtàu tơnguh lơh sa cau nă să is, tam gơl sồ, jak chài măi mok, bơto bơsram, lơh sơnơm, gàr lơngăp lơngai rài kis mpồl bơtiàn, ai lài dong kờl tiah làng bol jơi bơtiàn dồ êt nă cau, tiah kơh bơnơm, tiah nhàr lơgar – tàm hơ̆ geh uă tơngume gơ rềng tơn tus Dăk Lăk. Ală cau tĕ khà cih dờp nùs nhơm geh kơnòl bơh Quôk hội dê, mờ kung kơp kờñ, Dăk Lăk gờñ geh gùng dà, broă rơndap lơh bơtàu tơnguh pa tơnơ̆ tŭ tơmut bal, ngui niam bơta niam chài Tây Nguyên ù tiah kơh bơnơm dờng ơning ơnàng, pơgồp bal mờ bơta pơn rơ is bơh tiah kềng gah dà lềng tàm gùl lơgar dê, nàng bơt bơtàu càr ngai sơlơ pas sơm, niam bơnĕ, rài kis làng bol ngai sơlơ niam rlau.