MPồl dong kờl bơsram sră lơgar Việt Nam geh crơng gơs nhai 10 nam 1996. Tus tŭ do, Mpồl geh mờr 27 tơlăk nă cau, ai gơs mpồl lơh broă ơnàng, dong kờl broă dong kờl bơsram sră, dong kờl cau jăk, bơ̆t bơtàu mpồl bơtiàn bơsram sră ngai sơlơ bơtàu tơnguh. Tàm dơ̆ tìp măt, ala măt kwang đơng lam Đảng, Dà lơgar, Củ tịc lơgar ồng Lương Cường jờng rơ, đơs niam ală broă pơgồp bal niam mờ geh cồng nha bơh ala kwang bàng dong kờl bơsram sră.

Củ tịc lơgar đơs loh, bơh tŭ crơng gơs lơgar tus tu do, Đảng, Dà lơgar bal mờ Wa Hồ sùm sền gròi broă tơnguh uă bơta ngăc ngar làng bol, bơto cau lơh broă, bơtơl cau jăk. Sền Broă bơto bơtê là “broă lơh dà lơgar lài ngan”, là gùng dà lài kung bè tơnơ̆ mờ geh lơh sùm tàm broă bơ̆t bơtàu mờ bơtàu tơnguh dà lơgar dê. Broă bơ̆t bơtàu lơgar Việt Nam gơs lơgar bơsram sră, tàm hơ̆ tơl nă làng bol ndrờm geh dơ̆ nàng bơsram sră mờ geh pơlam bơsram sră ờ mìng là jơnau niam, mờ gam là jơnau kờñ pal geh nàng tơnguh uă bơta pràn tàm pơrlòng dà lơgar dê, bơtàu tơnguh cau jăk mờ tơnguh bơta pràn tàm dơlam is jơi bơtiàn dê nàng mŭt tàm rài pa.