Tàm dơ̆ wă, Củ tịc Quôk hội ồng Trần Thanh Mẫn sồr lơh pràn tàm pơgơl mpồl, tìp mat kwang bàng kấp dờng mờ ală kấp; sơlơ tơnguh tai lơh broă bal, tìp mat lơh kwèng, tam pà bal mờng chài rơ̆ ru đah 2 Anih lơh broă lơh adat boh lam 2 lơgar, ngan là đah ală Anih duh broă ờs mờng bơh Quôk hội dê, ală Mpồl Nghị sìh lơh bơyô bal, ală ùr Nghị sìh mờ Nghị sìh kơnòm să, ờ mìng tàm ală broă adat boh lam, kơrnoat boh lam lơm ờ mờ gam gơwèt mờ ală broă geh bơta gùt plai ù bè tam gơl sồ, gơguh tơlir, drơng mờ tam gơl nhơm trồ tiah.

Bàr gah ring bal pơn jat tai sơlơ tơnguh tai lơh broă bal, lơh kơ̆ kơl jăp tam klăc bal mờ gơnoar broă anih tờm bơh Asean dê, ngan là tàm ală broă tàm tiah do; pơgồp bal mờ dong kờl bal mờ gơ̆p tàm dơ̆ cribơyai tàm tiah do mờ ală lơgar, ngan là Asean; Liên hợp quôk; Srơh ală lơgar ờ ơm rềp bal; ală cribơyai Nghị viện uă gah bè Mpồl duh broă ală Nghị viện ală lơgar Asean (AIPA), Mpồl tam klăc Nghị viện dunia (IPU), Cribơyai Nghị viện câu Á - Thái Bình Dương (APPF).