Lào Cai sir jos qênhz yuôx, yax kriê taz por truôx tuk vêv xênhz zav nox

Đros njiêz luk “taz por truôx tuk zav nox, phax tir thêir kâus tưx hâur nox hâuk thiêz zav nox zuôr muôs ntơưv têx ntus cêr”, luz hlik uô hâux lưv viv truôx tuk zav nox shông 2026 tsênhv tâu cxuô thax tsav qơư tỉnh Lào Cai fuô uô txix sir jos yax kriê, qênhz yuôx seiz kaz, phênhv ntâu zos ntơưv qơư zuôr muôs zav nox.

Nhoz xã tox siêz Trạm Tấu-qơư phênhv chôngz tsôngv box Hmôngz uô nênhx nhoz, hâu nov ntơưv qơư thiêz ngênhx muôx vax huôv tsênhv sir jos yax kriê txix luk Choz Tsiz thiêz luk Hmôngz sâuv loa nta suôz thiêz ntơưv têx jiês cơưv jêx jok. Tsênhv njiêz phênhv ntâu zos kriê lok sâuv jênhv pâuz têx zav nox truôx tuk, tsưr ziv por hưv zav nox hâur ntu cuz sor thiêz heik kriê lok têx zôngx ziv trâus kâus tưx txix têx jâuz kuk, jâuz har jôngr..... Zơưv Bùi Hồng Anh, Phưv Chủ tịch Ủy ban xã Trạm Tấu heik pâuz:“Xã yax kriê chiê pêx xênhv pâuz txos têx taz por truôx tuk zav nox thiêz tsưr ziv por hưv zav nox, lar heik zos zav nox nhôngk hâur hâur ntu, têx hnuz cuz sor ntơư. Iz chas co, xã sir jos yax kriê lok jênhv pâuz têx ndêz, jâuz har jôngr zôngx ziv tsi truôx tuk, nox tsi tâu, paz pêx xênhv bax phax txar”.

Tsi thôngx li tox siêz, nhoz têx thax tsav qơư kik, luôs hâux lưv seiz car phênhv ntâu ho lok trâu têx qơư uô jâuz mor nox trâu ntâu tus chôngz lênhx nênhs.

Ntơưv phường Âu Lâu, jênh sôr muôx 27 cxênhz lênhx nênhs, iz chas 8 luz tsêr cơưv uô jâuz mor trâu shux xênhz nox nhoz hâur tsêr cơưv, cơưv ntơưr, ntơưv qơư tsênhv yuôr 5 doanh nghiệp uô đreiv têx jâuz mor trâu 2.500-3 cxênhz lênhx nênhs nox iz hnuz. Chiê taz por truôx tuk vêv xênhz zav nox, hâur thax tsav qơư tưz sir jos qênhz yuôx têx qơư tsiv uô, zuôr muôs zav nox, ciêz lox zuôr muôs cxuô zav nox, thax tsav công nghiệp; heik cir ntơưr chos luk uô trơưk cui tinhv lok truôx tuk zav nox, iz chas ntơư seiz kaz, xưv bluô txos qơư têx lênhx nênhs thiêz qơư uô cxâuv. Iz chas têx li heik co, phường cux nzaz nzơưv têx qơư yax xa mông chiê kriê txos trâu pêx xênhv pâuz lok taz por truôx tuk vêv xênhz zav nox. Zơưv Nguyễn Quốc Huy, Phưv Chủ tịch Ủy ban phường Âu Lâu, tỉnh Lào Cai heik pâuz:“Phường tưz yax kriê đêz đar txix ntâu faz tsưr ziv li: Pheiz uô têx ntơưr yax kriê, tso sâuv nta suôz, thôngz đhâu cổng xor mông điện tử hâur phường thiêz yêz muk lol yax kriê txos trâu yênhx jêx jok, yênhx chuôz zis thâuv luz six hơưv tsôngv niêv txir lax pêx xênhv sơưr đơưk nhoz hâur tsêr”.

Zơưv Lục Hậu Giang, phưv Giám đốc Sở Y tế tỉnh Lào Cai heik pâuz, hâur luz hlik uô hâux lưv viv truôx tuk zav nox shông 2026, Lào Cai sir jos gra siêz hâu nov ntơưv qơư, doanh nghiệp thiêz pêx xênhv txux chi, tsưr ziv jênhv pâuz, txơưv jênhv uô trơưk chei têz qơưk cui tinhv lok truôx tuk zav nox. Têx hâux lưv zov chênhr zos: Sir jos qênhz yuôx, seiz kaz, xưv bluô têx uô cxâuv; yax kriê lok xeir, sir zôngv zav nox truôx tuk, paz txo grêk tsơưs têx txuz kâus tưx thiêz moz zôngx ziv siz cik tâu đhâu zav nox. Đros trâu têx li heik ntơư, cxuô cơ quan  muôx vax huôv cux sir jos đros phax tir thêir têx moz gênhk hâur cheix ntux cuz sor, bax seiz kaz, zênhx max qênhz pov thiêz đơưk uô têx tsi jông trâu côngv thôngx đas jos:“Chiê tsưx phưv truôx tuk đas jos trâu pêx xênhv, ngênhx y tế sir jos yax mông, kriê tsôngv niêv txir lax pêx xênhv uô jông vêv xênhz truôx tuk zav nox, cxiv tsa cêr cor cav nox hâuk huv đros. Thiêz pêx xênhv bax vêv xênhz, qêz suô, tu têx qơư nox nhoz hur si, đu lus, phax tar moz thiêz chox mê nhuôv muk cxax yuôx phax phôngz moz cxix cxuô trơưk cui tinhv-no zos tsưr ziv chiê phax tir thêir tâu jông moz gênhk”.

Cxuô cấp hâu nov ntơưv qơư têx sir jos thiêz ngênhx y tế Lào Cai sik côngv têk tưz thiêz tsênhv tsưx phưv tâu truôx tuk đas jos trâu côngv thôngx. Taz sik, iz chas cơ quan muôx vax huôv têx sik đros paz li heik sâuv, tsôngv pêx xênhv sơưr đơư cux tsuv gra siêz tsưr ziv jênhv pâuz, xeir thiêz sir zôngv têx zav nox truôx tuk chiê tsưx phưv jông đas jos trâu zuk thiêz chuôz zis./.

                                                                                                                Thừa Xuân-Riê Lâux cxeik, nhênhv  

Phênhv nriêr pâuz chêi têz qơưk

 Tsar yêz mêir ngaz tuk: tsôngv px tsuv ndo njôngr

Chor yêz mêir, lok six zov chênhr paz trâu pêx xênhv Việt Nam muk lok yênhx hnuz. Taz sik, txiêz nanv zoz thôngz cik txos yêz mêir cux zos kror phiv liv lox trâu lênhx nênhs thiêz têx yêz. Chiê cxaz chuôz zoz thôngz ngaz tuk, cxuô lênhx nênhs tsar yêz mêir tsuv pâuz tsênhz txos chêi zoz thôngz cêr ar thiêz têx cui tênhv cik txos.

Tsar yêz mêir muk lok tâus cêr tsuv muôx txâuk têx li đrav kaz:

 Hnuz nhôngs: Nênhs txưv 16 shông tror sâur tâu ntơưr tsar yêz mêir (kik đuô 50 phân khối). Nênhs txưv 18 shông tror sâur tâu muôz ntơưr tsar yêz mêir cxuô zav txơưr (yêz mêir siêz đuô 50 phân khối).

Ntơưr tsar yêz: Nênhs tsar yêz mêir tsuv muôx ntơưr tsar yêz mêir huv đros cxuô zav yêz tsênhv tsar. Ntơưr tsar yêz tsuv yuôr six hơưv thiêz tsik trâus sau tsês. Nênhs tsar yêz mêir tsuv gra đros ntơưr tsar yêz thiêz muôz trâu cơ quan muôx vax huôv sêiz thâuv lơưr xar sêiz.

Têx ntơưr yêz: yêz mêir tsuv muôx đăngk cir thiêz cungz biển sôr trơưk chêi têz qơưk li cui tênhv. Ntơưr đăngk cir lok sik ntơưr cungz jênhv đăngk cir yêz tsênhv yuôr six hơưv. Nênhs tsar yêz mêir tsuv gra đros ntơưr đăngk cir yêz lok sik ntơưr cungz jênhv đăngk cir yêz thiêz muôz trâu cơ quan muôx vax huôv sêiz thâuv lơưr xar sêiz.

Ntông câuk mov por vêv tâuz hâu: Câuk mov por vêv tâuz hâu huv ploz tsênhr zos chuôz zênhx tsuv tâu ntông trâu tas nro nênhs tsar yêz thiêz nênhs jâuv tok kaz. Câuk mov tsuv tâu ntông cov huv đros, thêir vor tas nro luz tâuz hâu. Zos tsik ntông câuk mov por vêv tâuz hâu thâuv chêix yêz mêir zuôr trâus xưv bluô trơưk chêi têz qơưk cui tênhv.

Têx trâus txưr thâuv tsar yêz mêir.

Chiê ngaz tuk jông zoz thôngz, nênhs tsar yêz mêir tsik tsuv uô têx kror li đrav kaz:

Tsar yêz thâuv hâuk chơưr, bia, têx tsơưr muôx zênhk: Zuôr uô trâu nênhs tsar yêz tsik truôx tuk, uô muôx yưv txiêz nanv zoz thôngz.

Muk tsik zos saz cêr: Zuôr uô phiv liv trâu zuk thiêz chor nênhs muk lok sâuv cêr.

Muk lêv yêz trâu saz no, saz tor: zuôr uô tsik ngaz tuk zoz thôngz, zôngx ziv uô yêz siz yar, siz đrâu.

Tsik ntông câuk mov por vêv tâuz hâu: Zôngx ziv trâus saz tâuz hâu thâuv muôx yưv txiêz nanv.

Huôk cêr tsik zos, tsik muk trơưk têx tênhz liêz njuôz: Uô phiv liv trâu zuk thiêz chor nênhs muk lok sâuv cêr.

Mnôngs lok sik cor điện thoại thâuv tsar yêz: Zuôr tsar yêz muk tsik tâu jông thiêz tsar yêz tsik trơưk li zuk siêz xar.

Thâux ntâu hax huv: Uô trâu yêz lax tsar, zôngx ziv njiz trâus txiêz nanv.

Thâux chôngz nênhs: Cux uô trâu yêz lax tsar, zôngx ziv njiz trâus txiêz nanv.

Tsar yêz muk chênhr: Uô trâu yêz tsar yêz muk tsik trơưk siêz xar thiêz zôngx ziv njiz trâus txiêz nanv.

Tsar yêz thâuv gênhk, tsâus jos: Zuôr uô trâu yêz tsar tsik tâu jông trơưk siêz xar thiêz zôngx ziv njiz trâus txiêz nanv.

Sir zôngv zax zênhz: Uô trâu nênhs tsar yêz phênhz tsik mênhx, zôngx ziv njiz trâus txiêz nanv.

Tsuv tsar yêz mêir ngaz tuk thâuv cxaz chuôz zoz thôngz, viv ngaz tuk trâu zuk thiêz cxuô lênhx nênhs!

                                                                                                                 Bích Thủy-Lik Thox cxêik nhênhv