THAV TXOS TSƯƠZ X TSAZ

Txix tsênhv qơư xã Mường Nhé, muk đêz 20 ntâu cêik đhâu têx cêr nkhâuk lêv, pêz tưz txos trâu jok Huổi Cấu. Thâuv ntơư tưz tar su, thiếu tá Nzơưs Xênhv Muôk, chox pêz muk trơưk têx tơư trôngz, ndê trâu pêv têz-qơư Tsơưz Xênhv Tsaz tsênhv uô hâux lưv.

Tsơưz Xênhv Tsaz zos nênhs Hmôngz taz sik txơưx luk Choz Tsiz thiêz lok six đrơưv, khênhr luôs. Trơưk li Thượng tá Xoz Xênhv Vax-Phưv tsar phongx txiv ngaz đối nội, Công an tỉnh Điện Biên: Thâuv co, zơưv Tsơưz x Tsaz đros chor nênhs fêv tưx lênhk uô “Chủ tịch têz qơưk Hmôngz”, têx shông 2010-2011, Tsơưz Xênhv Tsaz cxiv sâu, uô ntâu ntơưr, seiz car ntâu jiês cơưv chiê chiê nziêk đas sơưr đơưk đros cxiv tsa têz qơưs Hmôngz ntơưv huyện Mường Nhé.  Đhâu thâuv khiêr trâu Lai Châu, Tsơưz tưz tsa iz paz nênhs uô têx hâux lưv tsi trơưk chei hâur thax tsav huyện Sìn Hồ thiêz tror hâuz zâuv, nziêk ntâu lênhx nênhs Hmôngz zôngx ziv njênhs thiêz uô trơưk chiê tsa iz luz têz qơưk Hmôngz: “Tsơưz Xênhv Tsaz zos iz hâur 12 lênhx tâu tso muk trâu saz Trung Quốc cơưv cxaz txux chi đros iz lênhx nênhs muôx bê hu uô Thênhz Vax chiê tâu kriê tsưr ziv cxiv tsa têz qơưk Hmôngz shông 2009. Tsơưz Xênhv Tsaz thâuv co zos lênhx muôx chei, vax huôv lox đuô hur si têz qơưk Hmôngz ntơư, Chủ tịch têz qơưk zos lox yax thiêz zos lênhx nênhs cxiv tsa, tso tơưv têx chei, cui tinhv lês uô hâux lưv thiêz xar tơưv têz qơưk suôz gâux, choz trâu iz lênhx nênhs txơưr đuô ntâuk trax, sênhr suôz heik”.

Co zos têx tsi jông, tsi truôx tuk hâur ntâu shông thâuv ntêx. Txơưv tưz trâus trâu txiv nhoz 7 shông tux, taz sik Tsơưz Xênhv Tsaz cêr pôngz pênhr lox yax cux zos chuôz zis puôk tsuôx, tơưs tas, luz nênhx tsi truôx njês. Thâuv Tsơưz tror lok ntơưv qơư nhoz, Tsơưz pox niêv tưz tso têk khiêr, chiê 4 lênhx mê nhuôv mê thiêz luz tsêr đaz tuôs, kâus kêz jik tsês trâu Tsơưz xưz. Thâuv luz nênhx txov nhêv njuôr, tsi muôx hâux lưv uô, Thượng tá Xoz Xênhv Vax thiêz Thiếu tá Nzơưs Xênhv Muôk-canr bôv txiv ngaz, Công an xã Mường Nhé tsi so tuôx seiz shuôs, tôngv zênhx, cxơưz cxiz thiêz kriê Tsơưz cêr uô nênhx jông, huôv tsar uô nox:  “Thâuv Tsơưz tơưv tsêr tux tror lok mak lok six txov nhêv cơưk. Pêz chor công an xã tưz kriê tsưr ziv trâu Tsơưz tiêk, luz cheix njuôs shôngz tuôx, muôx njuôs ntơư mak zuôr njuôs lok jiêz kra kruôr muôs trâu tuz luôv, ciêz đrôngs. Txos cheix khơưz sâu kok ntông mak cur chuôs njiz Tsơưz thiêz heik cov Tsơưz hu zâuv 2, 3 lênhs đros yưv pênhr zuôr kok ntông, txuôr jiêz pêv têx têz. Zos tsi muôx nhiêx, tuôx cur muôz kêr txeik chiê zuôr ntâuz tax. Thâuv tưs khưr uô tâu, muôs tas muôx nhiêx li thêv cur. Hâur ntu uô nênhx, khưr huôv tsar uô nox uô hnar, công an xã muôz jông cxuô six hơưv chiê sik tưr đros luôs lưv tus, jêx jok uô nox, iz chas ntơư yax kriê têz qơưk têx tsưr ziv, tsênhv chei trâu lênhx nênhs nhoz cêr cxâuv tas tror lok đros sơưr đơưk uô nênhx. Kriê Tsơưz tsưr ziv huôv tsar uô nox uô hâuk, Tsơưz cux tưz cxiv uô tâu iz luz tsêr truôx khor nhoz thiêz muôx luz nênhx truôx tuk jux juk”.

Txix chor canr bôv công an ntơưv qơư têx sir jos paz, thiêz Tsơưz Xênhv Tsaz cêr gruôs khưr, sir jos hla đhâu phiv liv tưz paz Tsơưz thiêz chuôz zis hla đhâu ntu txov nhêv, yeiz pluôs. Txơưv phênhv sâu tâu txix jiêz kra kok ntông, muôs njuôs shôngz tsi ntâu, taz sik Tsơưz cux jông siêz, shir phaz viv co zos têx nhiêx txiêx khưr uô tâu txix zuk côngz đas jos. Ntơư cux zos têx mak Thiếu tá Nzơưs Xênhv Muôk thâuv tưs muk seiz shuôs tưz heik kriê Tsơưz.

Tsôngv box...! Nhiv no Tsơưz Xênhv Tsaz tưz muôx luz nênhx sor siêz đros lênhx pox niêv yiêz thiêz luz tsêr yiêz truôx khor. Moz siê khưr huôv tsar uô nox, txoz cxơưx trâu chuôz zis, Tsơưz tưz pâuz tsênhz co thiêx zos têx muôx grik thiêz zov chênhr hâur zuk luz nênhx: “Têx muôx đhâu lok tưz đhâu tas lơưv, nhiv no tsuôk yuôr 4 lênhx mê nhuôv, zuk khov trâu têx mê nhuôv chiê uô nênhx nhoz xưz. Muôx kênh jiês zuk pov zuk tsi yuôr đaz tsi, taz sik tsi zos li co, cur tsênhv muôx đas jos, tsênhv muôx tuz mê nhuôv, muôx niêv thiêz txir. Têx ntơư tưz zos muôx ntâu hênhr, chênhr viv li tsuv sir jos khưr huôv tsar uô nox, zos luôs lưv tus cov cur muk uô đaz tsi cxâuv chei mak cur zuôr tsi uô nzir lơưv. Têx nhiêx txiêx, zav tưs zuk khưr uô tâu thiêx zos zuk tus. Têz qơưk VN huôv tsar truôx jông, Đảng chox cêr, kriê huôv tsar uô nox, cxuô lênhx pêx xênhv puôr lênhx muôx luz nênhx tsâu sor, vav mênhx”.

CUI TÊNHV LOK NTÔNG MOV POR VÊV TÂUZ HÂU THÂUV CXAZ CHUÔZ ZAOZ THÔNGZ

          Nhoz jông iz tsôngv cưr tix fôngx zưs hmor yuô. Pox nhuôk cux tưz pâuz lok Chei zaoz thôngz cêr ar li cui tênhv zos tsuv ntông mov por vêv tâuz hâu thâuv muk yêz meir, yêz motô. Cui tênhv no cux tưz tâu uô txix kaz shôngk shông 2007, zos kuôk nor tưz muôx 19 shông. Taz sik, lơưr pêz li seiz shuôk, qênhx shênhx pox nhuôk tsi ntông mov por vêv tâuz hâu thâuv cxaz chuôz zaoz thôngz tsênhv six fênhx muôx yưv sâuv iz cxiê txox cêr muk lok, tiv zix zos têx cêr muk lok hâur têx xã, têx jêx jos thiêz phênhv ntâu zos chor hluôk nênhs tsi ntông.

          Pox nhuôk sđ tsuv ndo njôngr: Iz shông ntơưv VN muôx 33 cxênhz ntâu lênhx nênhs tuôs tiv txiêz nanv zaoz thôngz, phênhv ntâu zos trâus saz lok tâuz hâu. Ntông mov por vêv tâuz hâu lok six coaz tsôngv, paz por vêv thiêz txu grês têx trâus saz txos tâuz hâu, tiv zix zos cxa hâu, cxa chax kơz, txu grês têx trâus saz tiv txiêz nanv zaoz thôngz, txu grês têx nhiêx txiêx kho moz thiêz hôx phưx đhâu trâus txiêz nanv zaoz thôngz.

          Chei zaoz thôngz cêr ar tưz cui tênhv, ntông mov por vêv tâuz hâu zos tsuv uô thâuv tsar yêz, cheix yêz meir, yêz moto...Zos thâux mê nhuôk txix 6 shông hnuz nhôngs ndê muk taz sik tsi ntông mov por vêv, pox nhuôk zuôr trâus xưv bluô txix 400 txos 600 cxênhz đeiv. Phênhv xưv bluô no tâu uô trâu tas nro nênhs tsar yêz thiêz nênhs cheix yêz zos tsi ntông mov por vêv tâuz hâu, lok sik ntông taz sik ntông tsi trơưk cui tênhv. Txơưv mê nhuôk tsi tâu nto 6 shông hnuz nhôngs tsi zuôr ntông mov por vêv, taz sik chiê taz por đuô trâu mê nhuôk, pox nhuôk cux tsuv ntông mov por vêv trâu mê nhuôk thâuv cxaz chuôz zaoz thôngz.

          Tsôngv cưr ...yuô! Cêr muk lok nhoz tox siêz mak riêz nênhs đuô, zôngx ziv muôx yưv txiêz nanv zaoz thôngz, viv li tsôngv pox nhuôk sđ tsuv ndo njôngr thâuv tsar yêz meir, cheix yêz meir tsuv zuôr ntông mov por vêv trâu zuk, trâu zuk têx lênhx nênhs cxênhz jê chiê tsi trâus cảnh sát zaoz thôngz ntês thiêz xưv bluô niz zov!