VOV4.Bahnar - Tơring Cư Suê, apŭng Cư M’gar hrei ou đei hloh 220 ‘nu đang viên, lơ̆m ou đei 71 ‘nu đang viên bơngai kon kông. Lơ̆m dôm chi ƀô̆ tơ̆ tơring kon kông đei ƀar ‘nu drŏ kăn Ƀĭ thư bơngai Êđê ‘noh mŏ H’Đàn Niê  hăm H’Đao Êban. Đe sư ‘noh dôm bơngai drŏ kăn đei lui yom kơ yuơ bơ̆ jang hơgei, tơnăp păng pơm jŭk yŭk trong hơlou lơ̆m rim tơdrong jang. “Hơgei tơdrong ŭnh hnam, pơnam tơnăp tơdrong jang tơring” đe sư ‘noh dôm bơngai tơgop kơtang lơ̆m vei răk tơƀăk mong, atŏk tơ iung tơdrong oei sa joăt joe ‘lơ̆ng rŏ hơdrĕch hơdrung, atŏk tơ iung muk drăm-tơpôl tpơ̆ tơring.

VOV4.Bahnar – Lơ̆m tơdrong jang pơjing tơring tơrang 'nao, tơdrogn vei răk tơƀăk mong joh ayŏ kon kông hơnơ̆ng đei dêh char Gia Lai tơrĕk kăp gĭt. Tơ̆ pơlei O Ngol, xah Ia Vê, apŭng Chư Prông, jơva chĭng chêng, nơ̆r hơri tơdra hơri kră sơ̆ păng dôm khôi juăt adoi oeid dei vei răk tơƀăk mong păng pơlan să lơ̆m tơpôl pơlei pơla. Hăm tơdrong tơgŭm vang jang đơ̆ng kră pơlei, đe ngê̆ nhơ̆n păng đe sơnăm mơlôh, dôm kơjă joh ayŏ juăt jue tŏk bŏk đei vei răk yak hadoi hăm tơdrong hơtŏk tơ-iung, tơgop pơjing pơlei pơla roi năr roi hơtŏk pơdrŏng 'lơ̆ng, gơh hơgei păng ƀenh kơ um ai joh ayŏ kon kông.

VOV4.Bahnar – Jang kŏng nhơ̆n tơ̆ Kŏng ti Kơsu Chư Prông (dêh char Gia Lai), tơdăm Kpuih HMin (bơngai Jarai) hlôi hơdrin kơ-'nôh, jing Ƀĭ thư Chi đoan hơgei, bơngai jang hơgei păng jing um ai hơgei kơ đe hơdruh todăm kon kông hŏk pơhrăm păng pơm kiơ̆ nơ̆r Ƀok Hô. Hăm lơ tơdrong jang hơgei păng tơgop kăp gĭt ăn tơdrong jang Đoan, Kpuih HMin chơt hơ-iă jing minh lơ̆m 6 bơngai tang măt ăn Gia Lai đei rơih năm Hop akŏm Hơdruh tơdăm hơgei jang kiơ̆ nơ̆r Ƀok Hô lơ̆m jơ̆p teh đak 'măng mă 8, sơnăm 2025.

VOV4.Bahnar - Dêh char Gia Lai tŏk bŏk tŭn pran tơdrong jang kiơ̆ Tơdrong tơchơ̆t kơsô̆ 12 đơ̆ng Khŭl kơdră chĕp kơ̆l Đảng dêh char găh pơjing tơring tơrang ‘nao tơ̆ tơring kon pơlei kon kông.

VOV4.Bahnar - Dôm tơmam găh Tơdrong jang teh đak 1 xăh 1 tơmam (OCOP) khei ‘năr âu ki jing gơng tơroh bơngai Việt răt yoa tơmam Việt, atŭm hăm ‘nŏh jing jơhngâm pran ăn tơdrong jang mŭk drăm tơ̆ dôm tơring. Đơ̆ng rŏng hlŏh 6 sơnăm bơ̆ jang, tơdrong ‘lơ̆ng đơ̆ng tơmam OCOP roi tŏk, đơ̆ng jang kiơ̆ khoa hŏk kơmăy kơmŏk truh pơm kơƀi. Dôm tơmam OCOP đei tĕch mơdro tơ̆ jơ̆p tơring lơ̆m teh đak, đei bơngai răt, lui rơih răt.

VOV4.Bahnar - Jang keh đang tơdrong jang tơ̆ kơdrăn tơblăh, brŏk vih hơrih sa hiôk hian nhen yan ou lơ̆m pơlei pơla, rim ƀô̆ đô̆i so oei tơ̆ apŭng Cư Kuin, dêh char Dak Lăk oei hơnơ̆ng atŏk kơtang jơhngơ̆m đon pơm jŭk yŭk trong hơlou tơgŭm djru dih băl jang sa. Kiơ̆ yok rok jơ̆ng jơhngơ̆m đon “Ƀô̆ đô̆i Ƀok Hô”, đe sư hơnơ̆ng tơbăt hơdăh jơhngơ̆m đon atŏk tơ iung mŭk drăm, pơm pơdrŏng ăn ŭnh hnam păng tơgop lơ̆m tơ iung pơjing pơlei pơla pơdrŏng ‘lơ̆ng liĕm hloh dơ̆ng.

VOV4.Bahnar - 50 sơnăm đơ̆ng rŏng năr tơring Pơbăh rơngei, vih hơlơ̆k dơ̆ng tơ̆ hơnih tơblăh păih Tu Tây Nguyên- Kon Tum dang ei ưh pă ƀôh dôm rơka krưp kĕnh đơ̆ng tơblăh vang bơih. Tơ̆ dôm tơring tơblăh Măng Bút, Măng Đen, Đăk Tô- Tân Cảnh, trong tơklăh 3 trong Trường Sơn… sơ̆, dang ei hlôi jing dôm tơring kon pơlei oei gip gap hăm ‘long kăp gĭt, ‘long sa plei, tơmang lăng pơvih pơvăn hơtŏk tơiung. Lơ̆m tơdrong chơt hơiă 50 sơnăm rơngei teh đak, bơ̆n vang truh ngôi tơ̆ tơring kăn kư̆ kach mang Đăk Ui, apŭng Đăk Hà, dêh char Kon Tum, hơnih đei lơ kon pơlei Xơ Đăng hởih sa, lăng ƀôh dôm tơdrong tơplih đơ̆ng tơring teh ‘nâu.

VOV4.Bahnar – Đơ̆ng tơring teh phui phang tơnang kŏ đơ̆ng rŏng kơ tơblah tơblŭng, gơnơm sơkơ̆t jang trŏ păng iŏk yua mŭk drăm tơmang pơhiơ̆, groi kông Măng Đen, apŭng Kon Plông, dêh char Kon Tum dang ei hlôi jing minh hơnih truh akŏm chă hơlen băt tơring Tây Nguyên bri kông đơ̆ng đe tơmoi hơtaih jê̆. 50 sơnăm đơ̆ng rŏng năr Tu – Pơbah đei akŏm minh hnam, tơring teh hăm kơdrăn tơblah hli kơtang Măng Bút, Măng Đen, hăm 7 dơnou 3 chơkơi đak ‘lơ̆ng rŏ, dang ei tŏk bŏk dơ̆ng ah trong hiôk yak lĕch tơ̆ đak dơsĭ să ah mă dêh char Quảng Ngãi păng Kon Tum đei Trung ương pơgơ̆r tơmơ̆t hơdai.

VOV4.Bahnar – Mă ah khei 3 – Khei hơdruh tơdăm iung pơm jang hlôi đĭ, mă lei dôm tơdrong jang tơgŭm kon pơlei, lơ̆m noh đei tơdrong jang pơjing tơring tơrang 'nao kơ Đoan hơdruh tơdăm dêh char Lâm Đồng adoi tŏk bŏk oei đei pơm jang, tơgop iŏk yua jơhngơ̆m pran kơ sơnăm mơlôh lơ̆m tơdrong jang hơtŏk – tơpôl, tơplih kơmăi kơsô̆.

VOV4.Bahnar – Xah Tà Nung, pơlei tơm Đà Lạt, dêh char Lâm Đồng, minh tơrign đei lơ kon pơlei kon kông hơrih jang xa, tŏk bŏk oei tơplih pran kơtang lơ̆m tơdrong jang pơjing tơring tơrang 'nao 'lơ̆ng hơƀăp. Hăm tơdrong atŭm jơhngơ̆m đơ̆ng tôm anih jang chĭnh trĭ păng kon pơlei, xah hlôi jang đei jơnei kăp gĭt, tơgop hơtŏk tơdrong hơrih ăn kon pơlei.