Tơdơi kơ rơbêh hơpluh thun pok pơhai ngă tui hră pơtrun anun, hơmâo giăm 570.000 wơ̆t mơnuih djuai ƀiă mă bruă apah dưi djru prăk kăk hăng rơnoh prăk truh 1.270 klai. Lu jơlan hơdră djru anai, hơmâo pơgôp hrŏm pơsir bruă mă hơđong, pơđĭ tui boh tŭ yua pơtô hrăm tơlơi thâo mă bruă hăng pơtrut bruă bơwih ƀong huă mơnuih mơnam. Khă tui anun, ƀuh rơđah bruă pok pơhai ăt kah hăng tơlơi dŏ kơƀah, gun gan; ngă tui aka prong; rơnoh djru dŏ ƀiă, hrơi blan či ngă ăt ƀiă mơ̆n; bruă ngă hră pơar dŏ lu čăl, lu črăn anun ngă tơnap kơ sang bruă mơdrô hăng mơnuih ƀôn sang dưi tŭ mă tơlơi djru....

Ƀơi mông jơnum, ƀing pơ ala nao jơnum hơmâo lăi tơpă, pơgôp hiăp kiăng ngă pơgiong čih pơkra glăi Hră pơtrun anai pioh pơdah thâo kơ Khua dêh čar sem glăi hăng pơsit hĭ, čih pơkra jơlan hơdră sa hơnơ̆ng, ngă anŏ pơtrut pran jua gêh găl sui thun kơ sang bruă mơdrô mơnuih ƀôn sang ngă pô, sit apah mơnuih mă bruă lĕ djuai ƀiă laih anun pơđĭ kyar mrô mơnuih mă bruă thâo rơgơi amăng kual plơi pla djuai ƀiă hăng kual čư̆ siăng amăng rơnuk phrâo.