Jơnum min mơnuih ƀôn sang tơring čar Gia Lai phrâo hơmâo hră rơkâo kơ Ping gah Jơnum min mơnuih ƀôn sang tơring čar sem lăng, pơdah pơƀuh pơ Khul khua apăn bruă Ping gah tơring čar pơsit tơlơi črâo bruă kiăng Khul khua pơ ala mơnuih ƀôn sang tơring čar ngă hră pơtrun djru prăk ha wơ̆t kơ ƀing khua, mơnuih mă bruă gưl tơring čar nao mă bruă pơ anom bruă tơring čar phrâo tơdơi kơ pơmut hrŏm hăng tơring čar Bình Định.

Tui hăng tơlơi rơkâo, rim čô mơnuih amra hơmâo 23 klăk prăk dưm dưm hăng 10 blan prăk blan aset biă mă ñu. Abih bang mrô mơnuih dưi hơmâo prăk djru lĕ 1.844 čô mơnuih, hăng mrô prăk giăm 42,4 klai, mă mơ̆ng prăk tơring čar Gia Lai pơđom lui hlâo kơ pơmut hrŏm. Hơdră anai kiăng djru kơ mơnuih mă bruă hơmâo prăk či blơi gơnam yua pơ anih dŏ phrâo. Him lăng tơdơi kơ pơmut hrŏm, anih mă bruă phrâo mơ̆ng tơring čarg amra pơdong ƀơi tơring čar Bình Định ră anai, ataih mơ̆ng anih mă bruă hơđăp 165km./.