Sir jos cov chinhr quyền cấp xar yiêz ntơưv Sơn La uô tâu truôx jông  hâux lưv zok muôz

            Txix 16 xar, thị trấn, huyện Mường La, Sơn La tâu kho đuô, ntov jông txos yuôr 5 xar, zos: Mường La, Mường Bú, Chiềng Lao, Chiềng Hoa thiêz Ngọc Chiến. Chiê chor xar uô tâu jông têx hâux lưv, huyện Mường La tưz bax jông têx tsưr ziv lok qơư uô hâux lưv, vax tsêr cxuô zav, lênhx nênhs, cxuô kror chiê chinhr quyền xar yiêz kriz uô siv têx hâux lưv…

            Txix têx phiv liv lok thax tsav, zoz thôngz… huyện Mường La lok six tsov cưv txos cxuô kror chiê uô hâux lưv nhoz tsênhv qơư hành chính công cấp xar yiêz, tiv zix zos sir zôngv công nghệ thôngz mông hâur huôx tôngv. Zơưv Nguyễn Văn Bắc, Bí thư huyện ủy Mường La, Sơn La hêik pâuz: “Txix xêir tsov lênhx nênhs uô hâux lưv nhoz chor qơư txêik jênhv thiêz muôz têx ntâuz ntơưr ntơưv chor xar, canr bôv muôx chênhz zênhv hâur txêik jênhv, uô têx ntâuz ntơưr hành chính; Ban thường vuv huyện ủy tưz chox kriê qênhz shuôk, uô cov tas nro chor jêx jok puôr lênhx muôx internet; txix co pêz kriê nzir trâu bí thư, tsar jok, đoanx hluôk nênhs kriz uô hêik pâuz têx ntâuz ntơưr hành chính nhoz trâu thênhv 4, paz zôngx ziv trâu pêx xênhv hâur hâux lưv uô têx ntâuz ntơưr hành chính sâuv tênhv qơư mạng, paz trâu pêx xênhv uô têx ntâuz ntơưr hành chính đros chor cơ quan têz qơưk tâu zôngx ziv đuô”.

           Lơưr tsưr ziv, txix hnuz 24/6, tas nro Sơn La li 75 xar, phường zuôr kriz uô siv hâux lưv thax tsav qơư chinhr quyền cấp xar yiêz; Đhâu co, ntâuk gri, sâu chênhz zênhv, hêik pâuz têx phiv liv hâur tsưr tsix, huôx tôngv cxiv luôs chinhr triv cấp xar đhâu kho đuô, nzor đơưk kho, uô cov bôv mêir uô tâu jông têx hâux lưv txix hnuz 1/7/2025. Tỉnh li 12 đoàn côngz xưv têx hnuz no cux tsênhv muk trâu cxuô thax tsav qơư qênhz yuôx têx hâux lưv kriz uô, bax chiê uô hâux lưv lơưr tsưr ziv yiêz, cov cxuô kror hâux lưv tâu uô jông, muôx tsơưr lươngv, huv zos lơưr tsưr ziv, Trung ương li chox kriê.

            Qênhz yuôx ntơưv huyện Mường La, zơưv Nguyễn Đức Thành, Trưởng Ban tsưr tsix Tỉnh ủy Sơn La hêik thax tsav qơư cê uô cov tâu cxuô kror hâux lưv, tsêx trung đơưk kho têx hâux lưv tsênhv yuôr, huôv xênhz txos thâuv suôv câuv cấp huyện; đros co, bax cov jông tiv zix trâu kriz uô siv thiêz uô ciês têx hâux lưv lơưr chinhr quyền cấp xar: “Chor nênhs hâur Ban Thường vụ tưz tuôx trâu xar chiê sêiz shuôk têx qơưk nox, nhoz, uô hâux lưv, têx trôngx tos, chuôz zênhx, ntâuz ntơưr… sê jông li chak; uô siv têx hâux lưv lơưr Ủy ban tỉnh tsưr ziv tso tơưv li cơưv Ban Chấp hành Đảng bôv, cơưv Ban Thường vụ Đảng ủy, cơưv ủy ban xar, cơưv thường trực Hôiv đồng, Mặt trận, txêik jênhv đơưk kho, uô têx ntâuz ntơưr, txêik jênhv xưv lik chor dịch vuv, kriz uô siv cấp ủy…”

               Ban Chấp hành Đảng bôv tỉnh, Ban Thường vụ Tỉnh ủy Sơn La tưz kết luận chủ trương suôv câuv 12 Đảng bôv cấp huyện li huôx tôngv; yênhx lix đảng bôv 75 xar, phường; Chiê nênhs uô Ban Chấp hành, uô Bí thư, Phưv Bí thư đảng ủy, Ủy ban qênhz yuôx Đảng ủy, yênhx lix Ủy ban Mặt trận têz qơưk Việt Nam nhoz 67 xar thiêz 8 phường. Hnuz 30/6, tỉnh Sơn La zuôr hêik pâuz piz kriz uô hâux lưv lơưr chinhr quyền xar yiêz txix hnuz 1/7/2025./.

Lê Hạnh-Lik Thox cxêik nhênhv

Lai Châu bax phax tir thêir đêx nas lok ntêr hnuz

            Lok nas hâur 2, 3 hnuz đhâu, tix lâus Trần Văn Quân, nhoz jok Cắng Đắng, xã San Thàng, TP Lai Châu lok six cxơưx, tsi so sox seiz njôngr têx mông heik pâuz lok nas chuô lox thiêz muk qênhz shuôs tus đêx Nậm Côn Din jê tsêr chiê muôx tsưr ziv phax tir thêir, txar jav zênhx max. Coz nas lox nhiv kruôr đhâu tưz uô nja vax trâus tơưs, đêx lok tsêr, cuôr yôngz tas 100 ntâu tus niêv buô thiêz buô grêix, zuôr xar iz cxênhz tus keiz, 2 luz pak njêl trâus tơưs, uô ruôr hiêv tas xar muôx iz tyv đeiv. Shông no ntux txơưr txar phiv liv, hâur hli 5 tưz lok nas lox, uô tix lâus Quân thiêz tsôngv pêx xênhv nhoz no tsuv chênhr phax, tsi tâu tso siêz. “Cur chuôz zis ntiêr meir, ntiêr yêz tuôx khơưz, thoz huk thiêz thâux ar, poz jêz chiê puôz uô njưs thêir đêx nas lox uô ntêx hâur cheix ntux nas no”.

             Đros thiêz zuôr xar 90 qơư nhoz têx cêr lox zôngx ziv trâus xưz poz, Sở cxiv tsa tỉnh Lai Châu tưz heik cxuô taz viv seiz car cêr nzor cxok fiêx ntơưv têx qơư co heik trâu sơưr đơưk pâuz, bax phênhz meir, têx yêz, lênhx nênhs cxiv kho sei đrơưv zos thâuv tưs muôx yưv tsi jông chiê taz por cêr muk lol đhâu. Zơưv Nguyễn Tâm Đức Trình, Phưv Giám đốc Sở Cxiv tsa tỉnh Lai Châu heik pâuz: “Sở Cxiv tsa tưz chox kriê cxuô taz viv seiz car tsi so qênhz shuôs têx cêr muk lol, qox, cưx đês, xav tinhv, pâuz tâu têx ntu zôngx ziv trâus xưz poz chiê bax meir, chuôz zênhx, yêz uz no cxiv kho zênhx max têx trâus puôk tsuôx, tsi jông cov yêz muk lol tâu thôngz. Pêz cux hux jos truôx đros cxuô ngênhx, ntơưv qơư phax tir thêir nas chuô, zok nriêr chơưv paz lênhx nênhs”.

             Txix hâur hlik hli 5 txos nhiv no, ntơưv Lai Châu tưz lok ntâu coz nas lox, đêx huôv hloz nzor đuô pir li cxiê shông. Ntux txơưr txar phiv liv uô ntâu lênhx nênhs cxơưx thiêz tsuv chênhr phax. Tix lâus Phàn A Páo, nhoz xã Hồ Thầu, huyện Tam Đường heik: “Đêx nas lox, têx chuôz zis tu zus njêl li pêz lok six cxơưx, nox tsiz kaz, pư tsi tsâus jos chiê seiz shuôs njôngr, viv pêk tsơưs nhiêx txiêx, côngz đas jos, chuôz zis phênhv sâu tâu puôr lênhx nhoz co hur si. Cheix ntux nas no, hâur jok puôr lênhx muôx heik lok ntux têx txơưr txar hâur niêx hnuz trâu sơưr đơưk pâuz đhâu zalo”.

              Txix ntux têx txơưr txar phiv liv, đros trâu bax cxuô faz tsưr ziv phax tir thêir, cxuô thax tsav qơư hâur tỉnh tox siêz Lai Châu tsuv tror sir jos cxiv kho têx côngz trênhx phax tar nas chuô, iz chas ntơư uô jông luôs hâux lưv njuôk xav, heik pâuz nzor lok đêx nas hloz, tox xưz poz chiê taz por truôx tuk, txar jav têx tsi jông muôx têx yưv siv./.

Thanh Thủy-Riê Lâux cxeik, nhênhv