Tân Uyên uô tiêr luôs hâux lưv paz uô tsêr nhoz trâu têx chuôz zis pluôs, chuôz zis txov nhêv txix “5 tsênhz mênhx”

            Hâur hlik hli 10/2024, thâuv Thủ tướng Chính phủ tso tơưv Côngz tênhv sôr 102 lok sir jos fuô uô luôs hâux lưv paz uô tsêr nhoz trâu têx chuôz zis pluôs, chuôz zis zuôr xar pluôs, chuôz zis muôx côngz têz qơưk, huyện Tân Uyên, tỉnh Lai Châu tưz zênhx max qir têk fuô uô. Txos nhiv no, đhâu 8 luz hlik ntâu, đros thiêz sir jos, xar tơưv têx tsưr ziv jông, uô tsênhz mênhx, ntơưv qơư tưz jux juk paz uô tâu têx vax tsêr truôx khor trâu chor chuôz zis pluôs, chuôz zis txov nhêv nhoz. Zơưv Dương Đình Đức, Bí thư Huyện ủy Tân Uyên, tỉnh Lai Châu heik pâuz: Luôs hâux lưv paz uô tsêr nhoz trâu têx chuôz zis pluôs, chuôz zis txov nhêv ntơưv huyện Tân Uyên njiz trâus lok six ntâu phiv liv, thâuv ntâu chuôz zis tsi muôx ar nhoz, tsi tâu txeik pênhr, muôx tsi txâuk lênhx nênhs paz uô tsêr, têx chuôz laov cxiv tsa lok civ...... Chiê uô tiêr xar muôx 800 luz tsêr trâu têx chuôz zis pluôs, chuôz zis zuôr xar pluôs thiêz chuôz zis muôx côngz têz qơưk hâur thax tsav, ntơưv qơư tưz hu zâuv tsôngv lax pêx xênhv, cưr tix nênhx tsa sđ sik đros paz 6 cxênhz ntâu hnuz côngz, zuôr xar 900 tsov đeiv thiêz 30 ntâu tỷ đeiv kêr txeik pêx xênhv. “Huyện Tân Uyên Ban chox kriê paz uô tsêr nhoz trâu têx chuôz zis heik sâuv tưz xav tinhv, co zos iz hâux lưv uô jông, muôx liv viv li tas nro cxix luôs chính trị tsuv sik đros paz. Thiêz txix Huyện ủy cêr chox car, txos nhiv no tưz uô tiêr luôs hâux lưv paz uô tsêr nhoz trâu têx chuôz zis pluôs, chuôz zis txov nhêv hâur thax tsav huyện Tân Uyên tâu nzor đuô tsưr ziv tso tơưv”.

             Txix tsưr ziv “Lênhx tưs muôx đaz tsi paz đaz tsi, muôx li chas paz li ntơư”, sir jos siz paz uô cov tiêr, tsaz yênhx uô tsêr nhoz trâu têx chuôz zis pluôs, chuôz zis txov nhêv ntơưv huyện Tân Uyên tưz nthuôr uô đêz đar txos trâu cxuô jêx jok. Hâur co, thị trấn Tân Uyên zos thax tsav xuz thơưx uô tiêr luôs hâux lưv tso tơưv, cxiv uô yiêz thiêz kho đuô tâu zuôr xar 80 luz tsêr hâur shông no.

            Đros trâu thị trấn Tân Uyên, xã Nậm Cần cux zos qơư chi cax hâur huyện Tân Uyên uô tiêr luôs hâux lưv paz uô tsêr nhoz trâu têx chuôz zis pluôs, chuôz zis txov nhêv. Đhâu 2 hlik ntâu fuô uô, xã tưz uô tiêr 30 luz tsêr nhoz trâu têx chuôz zis pluôs, chuôz zis muôx côngz têz qơưk, tax 100% hâux lưv tso tơưv. Iz hâur chor tsêr uô kaz tâu ntơưv qơư choz trâu têx chuôz zis li heik sâuv nhoz zos zơưv Tòng Văn Khúm, nhoz jok Phiêng Lúc li luz tsêr yiêz. “Cur chuôz zis lok six jông siêz thiêz shir phaz thâuv tâu têz qơưk paz uô tsêr yiêz chiê nhoz. Muôx vax tsêr truôx khor nhoz lơưv, chuôz zis zuôr sir jos huôv tsar uô nox cov hla đhâu cêr pluôs”.

           Chiê tsôngv pêx xênhv muôx tâu vax tsêr truôx khor nhoz, tưz zos khov muôx Hội pox niêv, chor công an, tuz lênhv thiêz jênh quân, hluôk nênhs, tsôngv cưr tix nênhx tsa sơưr đơưk.....têx sir jos paz. Đại úy Hoàng Đức Trung, Tsar Công an huyện Nậm Cần, huyện Tân Uyên heik: “Uô lơưr Công an tỉnh Lai Châu luôs hâux lưv sir jos paz uô tsêr nhoz trâu têx chuôz zis pluôs, chuôz zis txov nhêv hâur 90 hnuz hmo, pêz lênhk nhav hâux lưv paz uô tsêr nhoz trâu 02 chuôz zis zos ziv chuôz zis pluôs. Công an xã tưz đros cxuô ngênhx đoanx thêv xã paz 102 hnuz côngz đas jos chiê paz pêx xênhv ruôr tsêr, khơưz kuô tsêr, cxiv puôz, đhok uô tsêr”.

           Luôs hâux lưv paz uô tsêr nhoz trâu têx chuôz zis pluôs, chuôz zis txov nhêv ntơưv huyện Tân Uyên, tỉnh Lai Châu chênhr zos sơưr đơưk têx cêr sik thôngx siêz, siz hluz siz paz, sik đros hla đhâu phiv liv, cêr txov. Txix tas nro cxix luôs chính trị têx sir jos, cxuô tsưr tsix, lênhx nênhs...sik côngv têk tưz paz uô tâu têx luz tsêr truôx khor, cux zos cxiv tsa iz luz nênhx tsâu sor đuô trâu têx chuôz zis pluôs, chuôz zis txov nhêv ntơưv qơư./.

Khắc Kiên-Riê Lâux cxeik, nhênhv

Ndar txos Đảng li Đại hội 14: Điện Biên sâu zuôr ziv chênhv lok dự thảo Pov cov chính trị trâu Đại hội Đảng bộ tỉnh jiês tiv 15, six cxiv 2025-2030

          Dự thảo pov cov chính trị tâu cxiv tsa jông, huv đros Trung ương li chinhz yênhx chox kriê thiêz tỉnh li qênhx shênhx tsênhv tsênhz. Pov cov xav tênhv tsênhz njiêz luv Đại hội zos “Tror muôz siêz Đảng bộ li pênhr xưv lênhs tov, phuôx huiz đas jos niêv côngv siêz mênhx cxưx; uô muôx chêx cuk têx muôx jông ntơưv qơư; cxơưz tiês huôv tsar KTXH; taz por côx phax-txiv ngaz; cxiv tsa tỉnh Điện Biên huôv tsar sei thiêz truôx vênhs”. Dự thảo Pov cov chính trị heik mênhx Đại hội li chinhz yênhx zos “Sik côngv siêz- uô trơưk-hlôngr yiêz-huôv tsar”.

          Bí thư Tỉnh ủy Điện Biên Trần Quốc Cường heik mênhx, no zos huôx tôngv zov chênhr chiê uô tiêr Ban chấp hành Đảng bộ tỉnh li dự thảo Pov cov chính trị đros tsơưr lươngv siêz tiv zix, jông tiv zix, uô ntêx thâuv thor ziv chênhv Trung ương lơưr tsưr ziv. Viv li, Ban thường vụ tỉnh ủy, tiểu ban văn kiện xar njôngr jênhv tâu têx lênhx nênhs thâuv ntêx huôx tôngv cơưx mênhv, kuz lênhs tov tỉnh, lênhx nênhs ziv chênhv cxaz chuôz, sik seiz lax, heik kriê chiê tror uô tiêr dự thảo pov cov chính trị.

          Sâuv têx njiêz luv hâur dự thảo pov cov chính trị jiês 3 zos Phưv bí thư thường trực Tỉnh ủy Điện Biên Mùa A Sơn heik, têx teiv plor thôngx ziv đros dự thảo pov cov chính trị lok njiêz luv Đại hội. Têx teiv plor ntâuk grê siêz hâux lưv bax cxix cxuô, uô jông têx njiêz luv hâur pov cov tưz uô trơưk Trung ương, tỉnh li Nghị quyết; trơưk Trung ương li têx chủ trương, tsưr ziv yiêz.

          Đrâuv co, têx teiv plor tưz heik tơưv, ntâuk grê tsênhz mênhx đuô têx chêx cuk, chỉ tiêu, jênhv vưv muôx ziz njiêz coaz tsôngv sâuv têx vênhv thix kinh têr, vênhx huôv- xã hội; txiv ngaz- côx phax, côngz xưv cxiv tsa, hlôngr yiêz Đảng thiêz cxix luôk chính trị; têx vênhv thix yiêz, jông hâur six cxiv 2020-2025. Đrâuv co, iz cxiê teiv plor tưz cxaz chuôz gôngr ziv chênhv, cxaz nzir lok dự thảo pov cov chính trị têx tsưr ziv coaz tsôngv, têx chỉ tiêu thiêz jênhv vưv six cxiv 2025-2030.

          Lơưr zơưv Phạm Xuân Kôi, kuz Phưv chủ tịch UB tỉnh Điện Biên puz pâuz: “ Pov cov chính trị tsuv ntâuk grê jông têx luôk hâux lưv hâur six cxiv yiêz; cxaz nzir ntâuk grê tsênhz hâux lưv uô cux xưk li txu grês bộ meir, cxiv tsa chính quyênx tiv phaz 2 cấp; ntâuk grê tsênhz đuô lok huiz tôngv pênhr jos txix xã hội”.

          Kuz Phưv bí thư tỉnh ủy, Chủ tịch HĐ tỉnh Điện Biên Lò Văn Muôn xar li no: “ Dự thảo pov cov chính trị tsuv ntâuk grê qênhx shênhx, chêx cuk uô côngz xưv cxiv tsa chính quyênx 2 cấp lơưr Trung ương li chinhz yênhx chox kriê; đros co zos têx tsưr ziv ntu zuôr txos lok côngz xưv hlôngr yiêz chính quyênx 2 cấp. Pov cov cxaz nzir njiêz luv ntâuk grê lok hlôngr yiêz số, mạng viễn thông; njuôs xav huôv tsar KTXH”.

          Têx đồng chí thâuv ntêx huôx tôngv cơưx mênhv, kuz lênhs tov tỉnh xar tiêk, dự thảo Pov cov chính trị tsuv uô tsênhz mênhx tsưr ziv, jênhv vưv chiê chox tỉnh Điện Biên huôv tsar lok kinh têr, hâur co tsuv tsov cưv txos ju lix, ju lix tsuv uô jông uô, chiê phuôx huiz têx muôx jông nhoz hâur tỉnh, tiv zix zos di tích ntâuk zênhx Điện Biên Phủ, reik đros ju lix ntơưv têx qơư txơưr hâur tỉnh tưz tâu yưv pênhr nhiv kruôr đhâu. Đrâuv co, tsuv chuôz tsar côngz xưv kriê cxaz, thox cxov đảng viên cấp jêx jos; chuôz tsar đuô thiêz côngz xưv zaoz zux chính trị; thox cxov muôz siêz pênhr xưv txux chi trâu cán bộ công chức cấp xã, cấp jêx jos tuôv zênhv zoz qơưx jênhv vưv, tiv zix zos ntu zuôr txos huôx tôngv tsưr tsix chính quyênx tiv phaz 2 cấp./.

Bích Thủy-Txâur Vax cxeik nhênhv