25 cxênhz têx hax huv txưr, hax huv chuôr trâus qênhz pov ntơưv Yên Bái

           Thôngz đhâu luôs hâux lưv qênhz yuôx thiêz sox seiz sâuv mạng xã hội, lưv lươngv muôx vax huôv qênhz pov Bùi Văn Khánh đros pox niêv zos Nguyễn Thị Thanh Hiên-Giám đốc Văn phongx Công ty cổ phần muôv muôs thiêz dịch vụ Healthy HKV ntơưv thị trấn Cổ Phúc, huyện Trấn Yên (Yên Bái) puôr lênhx nhoz uô cê ntơưv TP Việt Trì, tỉnh Phú Thọ-tưz siz tuôr tsưr ziv đros Công ty Yuôx Abi Pharma (nhoz xã Thọ An, huyện Đan Phượng, Hà Nội) tsiv uô 2 cxênhz poz yuôx Quân vương Nhất sinh đan paz đas jos, tsi muôx ntâuz ntơưr tso chei tsiv uô.

         Chor yuôx co tâu muôs hâur ciêz đrôngs chiê zuôr luôs lưv tus nhiêx txiêx tsi trơưk chei. Xav txos hnuz trâus qênhz yuôx pov, chor nênhs heik sâuv tưz muôs tâu 831 poz yuôx, sâu tâu muôx 264 tsov đeiv nhiêx. Trung tá Nguyễn Anh Tiến, Phưv Tsar phongx Cảnh sát qênhz yuôx nênhs fêv, nênhs uô cxâuv chei têz qơưk, zuôr muôs têx hax huv chuôr, hax huv tsi jông thiêz tênhx qơư Công an tỉnh Yên Bái heik pâuz: Co zos têx siz tuôr hâur uô cxâuv chei têz qơưk, zuôr muôs, muk lol nhoz ntâu thax tsav qơư đros thiêz tsưr ziv nziêk đas, sik thôngx siêz truôx uô têx hâux lưv tsi trơưk chei. Hax huv tâu tsiv uô nhoz iz tỉnh, taz sik ho tsês trâu iz tỉnh txơưr đuô thiêz muôs trâu lưv thax tsav qơư saz đrâuv. Đhâu thâuv xav tinhv, pâuz tsênhz, lưv lươngv Công an tưz sox seiz njôngr, qênhz shuôs truôx chor nênhs fêv heik sâuv hâux lưv uô chiê qênhz yuôx, yơưz phơưz, ruôr por tsês. “Hâur txuz nuv no, lưv lươngv Công an tưz iz cxix qênhz yuôx 3 qơư ntơưv Yên Bái, Phú Thọ thiêz Đan Phượng-Hà Nội, đhâu co ntêk tâu 2 lênhx nênhs cik txos tsiv uô, zuôr muôs hax huv txưr thiêz tror qênhz yuôx, uô tsênhz mênhx nzir”.

          Tror qênhz yuôx chiê uô tsênhz mênhx đuô, txos kaz hli 5 nhiv kruôr đhâu, lưv lươngv muôx vax huôv tưz qênhz yuôx Công ty Abi Pharma ntơưv huyện Đan Phượng (Hà Nội) qơư trâu hax huv. Nhoz co, tưz muôx zuôr xar 20 zav hax huv, yuôx nox cxaz đas jos đros trâu ntâu chuôz zênhx phưx vưv tsiv uô tưz trâus sâu tsês. Công an tỉnh Yên Bái tưz xưv bluô lok uô cxâuv, zuôr muôs hax huv txưr, iz chas ntơư muôz 02 lênhx nênhs cik txos tik cêr cxâuv trơưk chei têz qơưk cui tinhv.

          Ciês hâur têx hnuz hâur hlik hli 6, Cơ quan Cảnh sát qênhz yuôx Công an tỉnh Yên Bái tror xơưz xưv nzir iz txuz lok sâuv “tsiv uô têx hax huv txưr”. Lênhx nênhs trâus tik cêr cxâuv hâur txuz nuv no zos Vũ Quang Thuận-Giám đốc Công ty muôv muôs, tsiv uô, zuôr muôs têx yuôx nox, plênhr uô jông gâux. Hâur ntu txix hli 1/2024 txos hli 5/2025, lênhx nênhs co tưz sir zôngv zuk tsêr nhoz ntơưv phường Nam Cường, TP Yên Bái chiê tsiv uô 18 zav yuôx li heik sâuv, xav hur si muôx zuôr xar 23 cxênhz xiv huv chiê muôs trâu luôs lưv tus, xav tas nro tsiv gri muôx 8 tyv đeiv ntâu. Thiêz hur si chor hax huv ntơư puôr lênhx tsi tâu chei muôs hâur Việt Nam.

            Trơưk li thôngz sâu, txix hâur shôngk shông 2025 txos nhiv no, lưv lươngv Cảnh sát kinh tế Công an tỉnh Yên Bái tưz qênhz pov 59 txuz, 67 lênhx nênhs zuôr muôs, tsiv uô têx hax huv chuôr, hax huv txưr.... Ciês hâur luz hlik  uô đrux ntov luôs hâux lưv qênhz yuôx têx hax huv li heik sâuv, tưz muôx 2 txuz thiêz 03 lênhx nênhs trâus xơưz xưv, đros thiêz zuôr xar 25 cxênhz xiv huv txưr trâus sâu tsês, xav hur si tsiv gri muôx yênhx châuv tyv đeiv.

            Txix têx li heik sâuv, Công an tỉnh Yên Bái tsênhv tror sir jos uô truôx jông luôs hâux lưv qênhz yuôx, yơưz phơưz, tir thêir chor nênhs fêv, nênhs uô cxâuv cik txos hax huv chuôr, hax huv txưr. Trung tá Nguyễn Anh Tiến heik mênhx: “Trơưk li Đảng ủy chox kriê, Ban Giám đốc cux li têx lênhx Công an nhoz hâur  C03, Phongx Cảnh sát kinh tế zuôr tror fuô uô ntâu faz tsưr ziv, hâux lưv. Heik txos trâu tas nro canr bôv, chiến sĩ hâur taz viv cux li lưv lươngv cảnh sát kinh tế hâur tas nro tỉnh lok ntâuk grê, qênhz yuôx nênhs uô cxâuv, đhâu ntơư chiê uô truôx jông luôs hâux lưv phax tar têx hax huv chuôr, hax huv tsi jông”.

           Công an tỉnh Yên Bái heik tsôngv pêx xênhv sơưr đơưk thiêz côngv thôngx doanh nghiệp tsuv chênhr phax, tsi chuôz têk, tsi đros tuôr tsưr ziv tsiv uô, zuôr muôs hax huv chuôr; iz chas ntơư sir jos đros qênhz pov, yơưz phơưz têx lênhx nênhs uô cxâuv chei têz qơưk. Luôs hâux lưv siz chos cxiv tsa iz tênhx qơư hur jông, truôx tuk tsi tiêk paz tsưx phưv đas jos trâu lênhx nênhs sir zôngv, tsênhv zos qơư jông chiê tênhx qơư yưv pênhr huôv tsar truôx./.

     Thừa Xuân-Riê Lâux cxeik, nhênhv

Tsưr ziv tu zus nhux zuôr greix

         Chiê chuôz tsar tu zus tâu nhux kaz greix, tsuv zus cov nhux tros. Ntu chiê zus cov nhux tros zos thâuv nhux tâu 24 luz hlik, thâuv co greix nhux thiêx li kaz, zus cov tros cux zôngx ziv đuô. Viv nhix tưv hlzo lox seiz, câus hniêr truôx jông viv li thâuv nox jâuz cux nox tâu ntâu đuô.

          Taz sik, thâuv nhux lâuk cux zus cov tros tâu, tiv zix zos têx tul nhux tsi muôx pênhr xưv sha nhuôk thiêz uô hâux lưv. Chor nhux no khênhr nzâus, tsi muôx ntâu greix. Zus cov tros chor nhux no chiê chuôz cxaz 15-20% greix nhux. Tsưr ziv tu zus phênhv ntâu zos tso muk nox jâuz, puz nox cxaz tâux, hnhaz blêk thiêz krâur.

          Đros têx tỉnh faz Bắc, zus cov nhux tros jông tiv zix zos hâur cheix ntux lax viv thâuv no muôx ntâu jâuz, qiv hơưv lax khiêv. Đros têx tỉnh faz Nam, zus nhux tros tâu hâur yênhx shông, taz sik thâuv cheix ntux lok nas txix hli 5 txos hli 10 mak jông tiv zix.

          Six hơưv zus cov nhux tros khênhr zos 3 luz hlik.

          - Luz hlik xuz thơưx: qêz suô guôx hur đu, tuô chaz trâu nhux, puz nox hnaz blêx, jâuz tâux....Đros têx tul nhux nzâuk, puz nox cxaz krâur chiê muôx jos hloz lox hâur têx luz hli lơưr co.

          - Luz hli tiv 2: tso nhux muk nox jâuz, tso jê qơư cơư nhux thiêz taz por puz hâuk txâuk đêx.

          - Luz hli tiv 3: puz nhux nox cxaz krâur, tso nhux jê qơư cơư lok sik cơư chiê puz cov nhux tros.

          Nhoz pêz têz qơưk hâux lưv tu zus cov nhux tros khênhr muôx 2 tsưr ziv:

          - Tso nhux: tso nhux muk nox jâuz 8-10 six hơưv iz hnuz chiê nox têx jâuz nhôngs kaz. Hmo ntux puz nox cxaz krâur thiêz cuô njêr. Tsưr ziv tu zus no tâu uô ntơưv têx qơư muôx qơư tso nhux nox jâuz đar thiêz muôx ntâu jâuz, taz por nhux nox 20-25 cir jâuz iz hnuz.

          - Tu zus lơưr tsưr ziv cê tso nhux cê cơư puz nox jâuz: Uô ntơưv têx qơư muôx tsi ntâu qơư tso nhux. Nhux tsuôk muk nox jâuz tâu iz phênhv, chor tsênhv yuôr zos puz nox caz jâuz, krâur cxuô zav./.

Thanh Thủy-Txâur Vax cxeik nhênhv