Kho đuô chor tsêr đaz tuôs lav nhoz-zos hêik txos Đảng tsưr ziv uô, pêx xênhv siêz xar

            Tix lâus Đỗ Văn Phóng đros pox nhuôs nhoz jok Liên Hưng, xar Tô Múa, huyện Vân Hồ, tỉnh Sơn La thâuv hnor mông hâur zuk jok muôx ziv chuôz zis pluôs zos pos Trần Thị Thật thiêz zơưv Nguyễn Hữu Cường oz niêv txir tâu têz qơưk paz kho đuô tsêr đaz tuôs lav nhoz, tix lâus thiêz pox nhuôs sơưr đơưk lênhx tưs cux shir phaz xưk li chuôs zuk chuôz zis tâu paz: “Hnor mông tâu paz li co tas nro pêz sơưr đơưk lênhx tưs cux shir phaz hur si, lênhx tưs cux jông siêz. Chôngz lênhx nênhs paz tsik tâu mak cux tuôx nus txos, paz đros chuôz zis shir phaz”.

            Ntơưv huyện ntux đriv Yên Châu, nriêr pâuz hâur shông 2025 muôx 98 luz tsêr đaz tuôs lav nhoz tsuv tâu kho đuô, hâur co 90 ziv chuôz zis zos chuôz zis pluôs, zuôr xar pluôs; tsênhv yuôr zos chor chuôz zis nênhs muôx côngz trâu têz qơưk. Xav txos 30/4, tas nro 98 luz tsêr tưz tâu kriz uô tiêr thiêz tưz choz zok trâu chor chuôz zis tâu paz lok nhoz.

            Zơưv Lù Văn Cường, Chủ tịch Ủy ban huyện Yên Châu puz pâuz, txix cêr siz hluz thiêz txơưx jênhv, cấp ủy, chinhr quyền thiêz pêx xênhv hâur huyện tưz sir jos đros uô tsaz yênhx txix têx tsưr ziv uô xar tơưv jông: “Pêz phêiz chor tôv côngz xưv huyện sêiz car chor xar thiêz choz tas nro vax huôv trâu chor tôv co txix nriêr pâuz, njuôk xav txos sêiz lax đros trâu chuôz zis zos tsuv bax jông chiê kriz uô. Tiv oz zos pêz choz zok hâux lưv trâu chor tsưr tsix xar hôiv, iz zav li Đoàn hluôk nênhs mak khơưz plas tsêr; pox niêv mak thâux xa chor suôz jêz; chor hâux lưv hnhar đuô mak pêz hêik chor lưx lươngv tự vêv paz… Muôx nênhs mak paz đas jos, muôx nênhs mak paz cxuô zav, iz lênhx paz mê njil chiê luz tsêr yiêz tâu uô lox jông đuô”.

           Zơưv Nguyễn Duy Dũng, Phưv Giám đốc Sở Mênhx cxưx thiêz Tôn giáo tỉnh Sơn La hêik pâuz, xav txos hnuz 15/5, tỉnh Sơn La tưz uô tiêr kho đuô chor tsêr đaz tuôs, lav nhoz trâu 3 cxênhz ntâu ziv chuôz zis lơưr tsưr ziv tưz tso tơưv. Chênhr muôx chor tsưr tsix, đoanx thêv thiêz pêx xênhv sik côngv têk đros paz tưz zos kror đas jos paz trâu tỉnh tox siêz txov nhêv li Sơn La uô tâu têx vax tsêr, paz trâu chor nênhs pluôs muôx tâu têx qơư nhoz truôx, chiê lơưr sir jos huôv tsar uô nox.

            Sik côngv siêz zos kror đas jos lox, zos kror paz trâu uô tâu cxuô kror. Zơưv hloz Hôx li kror siêz xar, tsưr ziv co tưz tâu tỉnh Sơn La sir jos uô trơưk, uô lơưr têx tsưr ziv xar tơưv jông. Khov co, 3 cxênhz ntâu ziv chuôz zis pluôs, zuôr xar pluôs, chuôz zis tâu sơưv cêr chêi tưz nzor muôx tâu têx vax tsêr khor truôx jông chiê nhoz.

            Zơưv Hoàng Quốc Khánh, Bí thư Tỉnh ủy Sơn La puz pâuz, ntu zuôr txos, Sơn La zuôr tror uô jông sik côngv siêz mênhx cxưx chiê tror uô cov tâu jông tsaz yênhx huôv tsar kinh têr xar hôiv, paz trâu Sơn La nzor zos yênhx tỉnh huôv tsar hâur thax tsav xưk li tsưr ziv tâu Nghị quyết Đại hội tỉnh jiês tiv 15, six cxiv 2020-2025 tưz tso tơưv: “Zơưv hloz Hôx tưz hêik “Côngv siêz, côngv siêz, niêv côngv siêz, yênhx côngz, yênhx côngz, niêv yênhx côngz”, Sơn La hâur têx shông đhâu, đros sik côngv siêz li co tưz jux juk cxiv tsa Sơn la zos yênhx tỉnh bluô nux thiêz jông jav; hâur kriz uô kho đuô chor tsêr đaz tuôs lav nhoz cux jông li co. Zuôr txos no, pêz zuôr tror phuôx huiz sik côngv siêz chiê lênhx tov, chox kriê chor jênhv vưv. Thiêz chiê muôx tâu sik côngv siêz mak uô ntêx zos tsuv muôx tsưr ziv huv đros, tsuv huv Đảng tsưr ziv, pêx xênhv siêz xar, co chênhr zos muôx sik côngv siêz thiêz zos nênhs lênhx tov mak pêz cux tsik so phuôx tôngv, uô ntêx hlo chiê muôx sik côngv siêz, thôngx ziv hâur Đảng; đros co zos hêik pêx xênhv phuôx huiz têx kror tưz uô tâu thiêz đơưk kho têx kror tsênhv uô tsik tâu tâu chiê sik đros huôv tsar. Đros sik côngv siêz, thôngx ziv siêz li co, cur njênhs tiêk Sơn La zuôr uô tâu têx tsưr ziv, jênhv vưv tưz tso tơưv”./.

Thanh Thủy, Thu Thùy-Lik Thox cxêik nhênhv

Thox cxov hâux lưv trâu nênhs chiv zênhk zênhz: paz lơưr tror lok đros côngv thôngx uô nênhx

           Muôx ntu tưz muôx tâu iz chuôz thênhx shir phaz đros muôx iz tul pox niêv siêz jông, 2 tul mê nhuôk ciêz nhoz thax tsav 6, thị trấn Than Uyên, tỉnh Lai Châu, têx hnuz tsi muôx hâux lưv uô, tix lâuk Phan Văn H tưz trâus fôngx zưs hâuz zâuv hâuk zax zênhz, hâuk cov jông iz fâuv li chor fôngx zưs. Tix lâuk H tsi pâuz muôx zênhk txix pok thâuv tưs. Jux jus tsi yênhx nênhs thiêz đhâu têx jiês muôx zênhk zênhz, tix lâuk H tưz uô pos zơưs, pox niêv tsuv muôs tas têx chuôz zênhx muôx tsiv grê hâur tsêr chiê chox muk chơưv kho, taz sik cux tsi jông.

          Hli 10/2024, tix lâuk H tâu chox muk qơư chiv zênhk zax zênhz tỉnh Lai Châu, thâuv chuôk li tsi pâuz uô tul tsi thiêz. Taz sik đhâu têx hnuz txiêr tâu zênhk zênhz, tix lâuk shưv jux jus đros têx chuôv cơưv shâuv hâux lưv uô xuz thơưx. Txơưx tuôr chiêx, xor tôngx chiê uô điện tưv, tix lâuk H thiêx li jênhv pov zuk cux zuôr nriêr tâu hâux lưv uô đhâu thâuv chiv zênhk zênhz yênhx côngz. “ Hâur ntu cơưv shâuv cur tưz tâu cán bộ công an thiêz cán bộ kỹ thuật nhoz công ty tuôx heik kriê jông. Cur pov hâux lưv no lok six huv đros thiêz cur. Cur zuôr sir jos cơưv shâuv chiê tov kaz no tror lok tsêr, đros côngv thôngx nhoz uô nênhx cur zuôr muôx tâu iz hâux lưv uô”.

          Chiê học viên thâuv chiv zênhk zênhs tâu tror lok tsêr muôx hâux lưv uô thiêz muôx phênhv sâu tuôx, uô ntêx thâuv krêz têx lớp lox tôngv kho moz thiêz cơưv shâuv hâux lưv uô, qơư chiv zênhk zênhz tỉnh Lai Châu tưz seiz shuôk, sâu zuôr yênhx học viên li ziv chênhv. Viv li, lớp kriê hâux lưv uô tâu krêz taz por huv đros yênhx học viên li hnuz nhôngs, zoz qơưx thâuv tâu tror lok đros côngv thôngx nhoz uô nênhx.

          Ntơưv qar cơưv shâuv hâux lưv uô, qơư chiv zênhk zênhz tỉnh Lai Châu têx hnuz no puôr lênhx tsês 5 six hơưv iz hnuz chiê 130 lênhx học viên tuôx cơưv shâuv hâux lưv uô. Chêx chôngk cơưv shâuv, đros cán bộ kỹ thuật tuôx txix Công ty CP chuôz zênhx điện tử Vcoils Hà Nội li sir jos heik kriê. Tix lâuk Dương Văn Huy, cán bộ kỹ thuật, Công ty CP chuôz zênhx điện tử Vcoils Hà Nội puz pâuz: “ Cur tâu công ty pheiz côngz tuôx kriê kỹ thuật trâu học viên chiê tsiv uô chuôz zênhx điện tử. Hâur ntu kriê trâu học viên chiv zênhk zênhz, cur pov lơưr cơưv shâuv sei thiêz uô tâu têx xiv huv tax zoz qơưx”

          Qơư chiv zênhk zax zênhz tỉnh Lai Châu tâu pheiz txix Sở lox tôngv thương binh thiêz xã hội trâu Công an tỉnh Lai Châu seiz car txix kaz hli 2/2025 thiêz txos nhiv no tsênhv muôx 238 lênhx học viên. Hâux lưv thox cxov hâux lưv uô trâu học viên chiv zênhk zênhz nhoz hâur tsưr ziv kho moz, cơưv shâuv hâux lưv uô chiê học viên bax trâu hâux lưv tror lok đros côngv thôngx uô nênhx. Lớp kriê tsiv uô chuôz zênhx điện tử tsênhv huôx tôngv cux zưs lớp xuz thơưx tâu Qơư chiv zênhk zax zênhz tỉnh Lai Châu cir đros Công ty CP chuôz zênhx điện tử Vcoils Hà Nội thiêz qir uô txix hli 3 nhiv kruôr đhâu.

          Thôngz sâu txix chiz coaz muôx txơưx jênhv tỉnh Lai Châu, txos tas shông 2024, tas nro tỉnh Lai Châu muôx 5 cxênhz 700 ntâu lênhx nênhs muôx zênhk zax zênhz, hâur co muôx 2 cxênhz 500 ntâu lênhx muôx zênhk zax zênhz, 859 lênhx sir zôngv tsi trơưk chei zax zênhz... Học viên tror muôx zênhk zênhz tâu cơưv shâuv hâux lưv uô đhâu thâuv chiv zênhk zax zênhz tror lok đros côngv thôngx uô nênhx txu grês ntâu. Hâux lưv co tso pov, đrâuv hâux lưv chiv zênhk zênhz, bax tsưr ziv pênhr xưv uô hâux lưv zos tsưr ziv uô tsênhv tsênhz thiêz jông, paz têx lênhx nênhs no tror sir jos uô đuô luz nênhx yiêz thâuv chiv zênhk zênhz yênhx côngz. Thiếu tá Bùi Văn Tường, Tsar qơư chiv zênhk zênhz, Phongx cảnh sát qênhz yuôx nênhs phamv cxâuv lok zax zênhz, Công an tỉnh Lai Châu puz pâuz: “ Hâux lưv thox cxov hâux lưv uô nhoz hâur tsưr ziv chiv zênhk zênhz, zos ntu tiv 3, đros njiêz luv heik kriê hâux lưv uô trâu học viên. Tov kaz no thâuv tror lok đros côngv thôngx uô nênhx mak học viên cux zuôr nriêr tâu hâux lưv uô thiêz muôx phênhv sâu cxơưx trâu luz nênhx”.

          Thox cxov hâux lưv uô tsi taz zos tsưr ziv paz nênhs chiv zênhk zênhz tâu muôx hâux lưv uô, mak tsênhv zos kror paz lơưr njênhs njôngr đuô lok zuk tiz nênhs, tâu chuôz zis njênhs njôngr thiêz paz chiê tror uô đuô luz nênhx jông đuô. Ntơưv Lai Châu, têx lớp kriê hâux lưv uô nhoz têx qơư chiv zênhk zênhz tsênhv paz têx lênhx nênhs muôx ntu muk zuôv cêr tror njênhs njôngr, truôx siêz đuô tror lok đros côngv thôngx uô nênhx, yênhx lênhx nênhs muôx liv trâu xã hội./.

Khắc Kiên-Txâur Vax cxeik nhênhv