Hluê si phung thơ̆ng kơ bruă, phung kreh knhâo kơ bruă hluê ngă dŭm klei mĭn anei čiăng lŏ dơ̆ng hrăm mbĭt, čŏng pô leh anăn găl guôp hŏng boh sĭt hlăm wưng mrâo. Dŭm klei mĭn leh anăn hdră tă kơ bruă mkŏ mjing, mđĭ kyar dhar kreh mơ̆ng klei kƀĭn Prŏng Đảng tal 14 mñă klă dŭm klei đĭ kyar hlăm klei mĭn hlăk mblang leh anăn boh sĭt klei gĭt gai mơ̆ng Đảng hŏng bruă dhar kreh.

Dhar kreh lŏ dơ̆ng jing tur knơ̆ng ai tiê mơ̆ng yang ƀuôn, jing ai ktang mơ̆ng lam mtrŭt mđĭ klei đĭ kyar leh anăn hơĭt kjăp mơ̆ng lăn čar. Mbĭt anăn anôk jưh knang čiăng krơ̆ng kơ knhuah gru djuê ana hlăm wưng ñu kma tar rŏng lăn. Dŭm hdră tă anăn mkŏ mjing tur knơ̆ng čiăng kơ dhar kreh klă sĭt jing boh kdrŭt ai tiê, đru ngă klei hmăng hmưi mđĭ kyar leh anăn gru kruăk mrâo hlăm wưng đĭ kyar mơ̆ng djuê ana.