Hdră bruă mâo ênoh bi liê hlăm brô 500 êklai prăk, hlăm anăn wưng tal êlâo bi liê hlăm brô 200 êklai prăk hlăm ênhă 2,9 ha. Dŭm bruă mâo wăl dôk jưh bungalow ktuê ênao êa, wăl mdei msăn, wăl hiu dlăng dlông êlah êa hŏng hdră bruă hiu čhưn ênguê, mnơ̆ng ƀơ̆ng leh anăn check-in.

Wăl mdei msăn dưi tă hdră jing wăl mdei msăn mdê hjăn, anôk phung tue dưi hlai mbĭt hlăm dliê kmrơ̆ng, duah klei bi kna hlăm klei hdĭp. Hlue su Knơ̆ng bruă sang čư̆ êa să Măng Đen, grăp hdră bruă srăng đru mjing bruă mă, mđĭ prăk hrui wĭt kơ mnuih ƀuôn sang, mbĭt anăn mđĭ kyar bruă duh mkra- ala ƀuôn hlue si hdră kjăp. Bruă ba hdră bruă hlăm klei ngă bruă amâo djŏ knŏng đru bi leh anôk bruă nah gŭ ôh ƀiădah lŏ pŏk thiăm wăl mdei msăn, lông dlăng kơ tue hiu čhưn tơdah truh ti Măng Đen, boh nik hlăm gưl mdei, têt.