Tàm ală anih tờm drơng broă sră pơ àr gơnoar atbồ dà lơgar kâp sàh, ală mpồl ơruh pơnu lơh broă dong kờl is pơlam làng bol tơmut phan yal mat điện tử, cih mat tài khoản làng bol điện tử… Mờ kung pơlam, mblàng lơh loh mờ dong kờl ală jơnau tơnggit pal geh bè ală sră pơ àr gơnoar atbồ, broă drơng ala dà lơgar pờ tơlik tơn tàm internet. Ai cau lơh broă bơh ngai 01/7, tus tŭ do, ală đoàn viên ơruh pơnu bơh càr Lâm Đồng dê neh dong git nđờ jơt rbô dơ̆ làng bol ală jơnau git wă pal geh nàng git broă drơng ala dà lơgar. Do là broă lơh geh kuơ ngan ngồn, pơgồp bơnah dong broă lơh ală anih tờm drơng broă sră pơ àr gơnoar atbồ dà lơgar geh lơh broă ƀuơn ƀuài, tơrmù ƀà tŭ jơ dờp mờ bơsong sră nggal, ngan là gơ wèt mờ ală tiah sar lơgar ngài, tiah làng bol jơi bơtiàn dồ êt nă cau gam ờ hềt niam tàm broă ngui măi mok sồ.