Kêng măng 7/5, n’gor Dak Lak ƀư Đại hội lor bôk năp Hiệp hội Logistics n’hanh Ndrâm dak lêng năm kan 2026-2030. Aơ lah mpôl kan rêh jêng kon nuĭh – nău kan wăng sa lor  bôk năp tâm trong kan logistics, nchuăn rdeng n’hanh rhŏ dŏng ndrâm dak lêng bah n’gor lôch n’glăp nsum đah Phú Yên n’hanh Dak Lak.

Hiệp hội kan tĭng nău way ŭch râng êng, mât njrăng êng, rlak êng tơm prăk, gay rgum, ntop kơl hội viên, mât njrăng nău dơi n’hanh nău geh tâm di bah doanh nghiệp, nkre ntrŭt ntrôl hun hao logistics n’hanh rhŏ dŏng ndrâm dak lêng bah n’gor. Nău njêng hiệp hội ƀư tâm rnôk n’gor Dak Lak pơk hvi ntŭk hun hao bah dor yôk jŭr dak lêng, nta trong dơh buăt nthoi rêng pă an tơm ndơ tăch, nchuăn rdeng, tăch n’gluh n’glăp n’hanh rhŏ dŏng logistics ntêng lêng nkual. Aƀaơ hiệp hội hŏ wăch rgum rlău 50 mpôl kan tâm ăp trong kan logistics, kho mât prăp ndơ, nchuăn rdeng, tăch rgâl n’hanh ƀư njêng đăng ký râng.