Măng 7/5, Tổng Bí thư, Kruanh dak Tô Lâm ndrel mpôl ntơh măt gưl têh Việt Nam tă bah Ấn Độ, ntơm hăn khâl gưl Ngih dak tât Sri Lanka tĭng nău jă bah Tổng thống Anura Kumara Dissanayake. Aơ lah hăn khâl lor bôk năp bah du Tổng Bí thư, Kruanh dak Việt Nam tât Sri Lanka, geh nkô̆ hôr khlay mha êng tâm boh bar dak.

Hăn khâl lah rjăp Việt Nam way uănh khlay tâm boh tâm rnglăp way ơm đah Sri Lanka, nkre pơk luh trong tâm boh bar ding ta âk trong kan let năp tay. Ndrel đah trong hăn khâl Ấn Độ, nău kan tâm boh dak bah dih rơh dja mpơl tay nău nsrôih bah Việt Nam tâm nău n’hao dăng tâm boh đah nkual Nam Á, rgop ntrŭt ntrôl đăp mpăn, tâm boh n’hanh hun hao ta nkual, yor ma nău geh bah ƀon lan bar dak.