Hêir nênhs Bana bax xaz tsês hâur kaz tsêr lơưx: Xaz lưx, lênhx nênhs moz tror jông

            Trơưk li hêir nênhs Bana chax chêk, luôs hâux lưv bax xaz tsês trâu lênhx nênhs hâur chuôz zis thâuv muôx moz gênhk hnhar, zos hêir nênhs co tsưr ziv, siêz xar njôngr cov lênhx nênhs moz jông moz gênhk, uô luz nênhx yar ntux đris. Zơưv Klưnh, 45 shông hnuz nhôngs, nhoz xã H’Ra, huyện Mang Yang, tỉnh Gia Lai cux hêik pâuz tiêk: Hêir nênhs Bana chax chêk muôx txix cxôngx nzor lok thiêz thâuv ntêx uô luz nênhx txov nhêv, chuôz zis muôx lênhx nênhs moz gênhk hnhar, tsuv muk hâur har jôngr chiê txiêr nto chor ntông chox lok txâus tho uô xaz. Zos lênhx nênhs hmoz hâur chuôz zis tsik jông moz, tâu tas siv nênhx, tsuv muôz ciêz luz xaz co chox lok sir zôngv, tsik tas nhiêx txiêx zuôr xaz thiêz tsik tas muk zok nruôr hâur har jôngr ntor ntông uô xaz. “Hâur ntu đrav ntêx, chor lâuk uô niêv, uô txir thiêx uô xaz tsês trâu hâur kaz tsêr tsar lơưx rông chiê tsês trâu hur si côngv thôngx sđ hâur jos. Txos thâuv njiz trâu têx phiv liv, muôx lênhx nênhs tâu tas siv nênhx, tsuv muôz luz xar co chox lok zôngv trâu tus nênhs tâu tas siv nênhxx ntơư”

           Hêir nênhs Bana cux chêir tiêk, tsik zos lênhx nênhs tưs cux bax tâu tsês uô ntêx; zos muôx hâux lưv zov chênhr, lơưr cux hêik zos uô đaz buôk puz buô. Taz sik, hâur ntu đrav ntêx, ntâu jêx jos hêir nênhs Bana puôr lênhx bax xaz tsês uô cêr hâur tsêr tsar lơưx jông côngv thôngx, txos thâuv muôx iz lênhx nênhs tưs tâu tas siv nênhx thiêx muôz lok sir zôngv thiêz co cux zos hêir nênhs Bana iz vênhx huôv jông cxôngx nzor. Zơưv Suk, nhoz đrôngl Đắc Đoa, tỉnh Gia Lai hêik pâuz: “Luôs hâux lưv bax xaz uô ntêx, cux zos uô tsês trâu lênhx nênhs moz gênhk hnhar truz ntêr hnuz. Uô li co cov lênhx nênhs moz jông moz gênhk “Hêir nênhs Bana muôx lo luk, luz xaz trâus yưv caz lưx, lênhx nênhs moz tror jông moz chiê đros sđ uô nênhx shir phaz lul”. Muôx ntâu jiês, uô tâu luz xaz, lênhx nênhs moz ho jông moz gênhk”; đhâu co, thiêx muôz luz xaz chox muk tsês trâu hâur kaz tsêr tsar lơưx”

            Uô ntêx thâuv zuôr muk uô luz xaz ntông, hêir nênhs Bana tsuv muôz iz luz kê, iz kro mor chiê thor đaz hâur tox, hâur har chiê por hưv sđ tsik muôx moz gênhk. Taz sik, nhiv no, têz qơưs hlôngr yiêz ntâu, hêir nênhs Bana chax chêk uô xaz cux tsik zôngv, thâuv muôx iz lênhx nênhs tưs tâu tas siv nênhx, tsuôk zos muk zuôr hâur ciêz đrôngl chox lok sir zôngv; tso tsês tsik muk ntor jôngr ntông li đrav ntêx. Zơưv Yung, Phưv Chủ tịch UB xã H’Ra, huyện Mang Yang, tỉnh Gia Lai hêik pâuz nzir:  “Nhiv no tsôngv px sđ luz nênhx hlôngr yiêz ntâu, tsik muôx chuôz zis tưs uô xaz tsês li đrav ntêx; zos hmôngr tsik jông muôx lênhx nênhs tâu tas siv nênhx, tsuôk zos muk zuôr hâur ciêz đrôngl chox lok sir zôngv xưz”

           Hêir nênhs Bana chax chêk uô xaz tsês trâu hâur kaz tsêr tsar lơưx cux zos hêir nênhs co iz vênhx huôv jông cxôngx nzor; taz sik hâur têx hnuz no, hêir nênhs Bana luôs hâux lưv uô xaz tsêr hâur kaz tsêr tsar lơưx tưz trâus pôngz plox hâur côngv thôngx tox siêz faz Tây Nguyên./.

                        VOVTN-Tsu Vưx cxeik, nhênhv

Jos Har Tâux zos pêz hêir nênhs Hmôngz qơư ndis uô si nhoz Sơn La

            Nhoz đêz tsênhv qơư thị xã Mộc Châu 20 cêik cêr, Har Tâux zos pêz hêir nênhs Hmôngz jos Tà Số, xã Chiềng Hắc, thị xã Mộc Châu, tỉnh Sơn La thax tsav qơư tsêz chos kôngz lôngk, taz sik nhiv no tưz yênhx qơư nto bê jông jav, cxơuz cxiz tâu chôngz lênhx kruô tuôx sêiz shuôk. Zơưv Nguyễn Văn Viết, iz lênhx kruô nhoz Nam Định tuôx ndis shuôk têz qơưs shir phaz lul hêik pâuz:  “Cur tưz muk ndis uô si, sêiz shuôk têz qơưs trâu ntâu thax tsav qơư; taz sik tuôx sêiz shuôk thax tsav qơư no jông jav, lax chuô nziês huv đros tsôngv kruô siêz nhiêv thiêz qơư co tênhv tênhz cux tsik tâu muôx. Zos huôv tsar-cxiv uô pêz hêir nênhs Hmôngz cxuô qơư ndis uô si, zuôr cxơưz cxiz tâu chôngz lênhx kruô tuôx sêiz shuôk”

            Har Tâux zos pêz hêir nênhs Hmôngz 20 chuôz zis qơư tsêz chos kôngz lôngk. Hâur ntu đrav ntêx, thâuv tsik tâu huôv tsar uô qơư ndis uô si, tsôngv px nhoz no tsuôk khưr uô liêx têz tsêz chos lôngk, luz nênhx njiz ntâu cêr txov nhêv. Iz thênhv jux juk hlôngr yiêz tsưr ziv, siêz xar chiê cxiv uô cxuô qơư jông jav txuôk đros huôv tsar truôx têx txux chi, vênhx huôv jông cxôngx nzor, cxơưz cxiz tsôngv kruô tuôx sêiz shuôk, hli 8/2023, xã Chiềng Hắc tưz cxiv tsa hợp tác xã ndis uô si Har Tâux, muôx 20 chuôz zis đros uô. Cxuô lênhx đros uô co, zos tok kruô muk lok ndis uô si hâur thax tsav txuôk đros chor chuôz zis muôx tsêr tsês trâu tsôngv kruô tuôx nox nhoz, so muk lok hâur jos Tà Số. Zơưv Châu x Muôk, sêiz car HTX ndis uô si Har Tâux, xã Chiềng Hắc, thị xã Mộc Châu, tỉnh Sơn La hêik pâuz nzir: “Uô ntêx thâuv zuôr cxiv uô cxuô qơư ndis uô si, px ntơưv no tsuôk zos khưr uô têz tsêz chos poz cưk, chos txir khơưz; taz sik tov kaz no thiêx kriz cxiv uô cxuô qơư ndis uô si, cxơưz cxiz tsôngv kruô tuôx sêiz shuôk têz qơưs. Thiêz tsôngv kruô cux hêik, nhoz no zos muôx tênhv tênhz, muôx cêr yêz muk lok tâu đhâu, thiêx zuôr cxơưz cxiz tâu chôngz lênhx kruô tuôx ndis uô si, sêiz shuôk têz qơưs, tsôngv px thiêx muôx phênhv sâu tâu nhiêx txiêx chox lok cxiv kho chuôz zis, muôx luz nênhx tsâu sor jux juk”

          Trơưk li pos Nguyễn Thị Hoa, Phưv Chủ tịch UB thị xã Mộc Châu, tỉnh Sơn La, txix hâu nov huyện, tỉnh tso tơưv luôs hâux lưv cxiv tsa jos ndis uô si côngv thôngx Tà Số, thax tsav Har Tâux tưz tâu chôngz lênhx pâuz txos thiêz ziv hnuz ziv muôx chôngz lênhx kruô nhoz cxuô thax tsav qơư tuôx ndis uô si, sêiz shuôk têz qơưs thiêz pâuz txos tsôngv px Hmôngz no no têx txux chi, vênhx huôv jông cxôngx nzor. Xav txos trâu nhiv no, hâur iz luz hli, Har Tâux muôx txos 3 cxênhz lênhx kruô tuôx ndis shuôk, muôx phênhv sâu nhiêx txiêx tax tâu 100 triệu đêiv. “Tà Số zos iz hâur chor jos tâu cxuô lênhx nênhs nhênhz chơưv thiêz hâu nov tỉnh moz siêz paz max cxiv uô cxuô qơư ndis uô si côngv thôngx. Tsôngv px Hmôngz nhoz jos no, tsênhv tuôr tâu tsês têx txux chi, vênhx huôv jông cxôngx nzor. Chênhr zos li hêik ntơư, pêz tưz cxơưz cxiz cxuô tsưr tsix, têx lênhx nênhs siêz jông muôz pênhr nhiêx tuôx cxiv uô cxuô qơư ndis uô si, qơư tsês chiê pêz hêir nênhs Hmôngz têx txux chi, vênhx huôv jông cxôngx nzor, cxơưz cxiz tsôngv kruô tuôx ndis uô si txos thax tsav qơưk”

              Tâu hâu nov ntơưv qơư paz max, tsôngv px nhoz no sik côngv đas jos tsưr ziv huôv tsar uô, txơưv li chas Har Tâux cux yênhx qơư ndis uô si côngv thôngx jông jav hâur thax tsav thị xã Mộc Châu, paz phênhv trâu tsôngv px txo grêik yêiz pluôs, jux juk muôx luz nênhx bluô nux, tsâu sor./.

                                Trấn Long-Tsu Vưx cxeik, nhênhv