Yên Bái truôx siêz huôx tôngv chính quyênx tiv phaz oz cấp

          Têx hnuz no, khôngz qiv uô hâux lưv nhoz xã Trạm Tấu, huyện Trạm Tấu, tỉnh Yên Bái lok six sei đrơưv, thâuv cxuô cán bộ, viên chức nhoz no tsênhv sir jos uô tiêr têx hâux lưv lơưr kaz ciês chiê taz por choz thiêz chox bộ meir cấp xã yiêz huôx tôngv txix hnuz xiêz 1/7 zuôr txos.

          Đhâu hnuz xiêz 1/7, xã Trạm Tấu yiêz (tâu yênhx lix thâuv sik côngv 4 xã: Trạm Tấu, Pá Hu, Pá Lau thiêz Túc Đán), qơư uô xưv yiêz zuor tâu tso ntơưv xã Pá Lau….Tiv zix, hâur ntu bax trâu hâux lưv sik côngv, côngz xưv tos jênhv thiêz car chêx têx ntâuz ntơưr hành chính cux zuôr tâu uô fênhx yax chiê phưx vưv tsôngv box, doanh nghiệp. Tix lâuk Zax A Dê, cán bộ Mặt trận Tổ quốc xã Trạm Tấu puz pâuz: “Tas nro pêz tưz chêx chôngk seiz car, seiz shuôk têx ntâuz ntơưr, hlôngr yiêz chiê uô ntêx thâuv muk qơư uô xưv yiêz mak pêz zuôr choz. Hâur ntu hlôngr yiêz tas nro têx ntâuz ntơưr mak muôx lok six ntâu, taz sik đros chinhz yênhx sir jos viv li txos nhiv no têx ntâuz ntơưr tưz uô tiêr, tos chiê choz thiêz huôx tôngv xưz”

          Zơưv Lâux A Kỷ, Bí thư Đảng uỷ xã Trạm Tấu, huyện Trạm Tấu thôngz xor mông cxaz: “Tas nro cxuô hâux lưv bax uô cux tưz uô tiêr, ntâuz ntơưr, chuôz zênhx chuôz tas cxuô zav tưz bax uô jông chiê tos txos ntu sik côngv. Đros cán bộ, công chức thiêz đảng viên mak tas nro puôr lênhx thôngx ziv. Tsi viv hâux lưv no mak trâus zênhr shar txos hâux lưv uô”.

          Uô đề án sik công, hlôngr yiêz tsưr tsix taz viv hành chính têx cấp thiêz cxiv tsa trâur nuv tsưr tsix tiv phaz 2 cấp, huyện Trạm Tấu tưz txu grês txix 12 taz viv hành chính cấp xã nhiv no tsuôk yuôr 4 xã:

          Zơưv Zax A Vừ, Bí thư Huyện uỷ Trạm Tấu, tỉnh Yên Bái puz pâuz: “Hâux lưv hlôngr yiêz tâu njuôs xav chiê taz por huv đros hâur têx nganhx, têx vênhv thix; huv đros têx cán bộ xã thiêz cán bộ huyện; thôngx cxix taz por zôngx ziv muk lok trâu cán bộ, công chức thâuv muk uô hâux lưv. Pêz njênhs njôngr thâuv sik côngv thiêz huôx tôngv mak zuôr jông đuô. Đros co, huyện cux bax cxix cxuô cơ sở cxuô zav trâu cán bộ thâuv muk uô hâux lưv ntơưv xã yiêz chiê taz por têx huôx tôngv tâu tsưr tsix jông”.

          Đros tas nro cxix luôk chính trị thiêz tsôngv box li siêz sir jos thiêz chuv tôngv, huyện tox siêz Trạm Tấu heik taz thiêz tỉnh Yên Bái heik cxuô tưz truôx siêz hla trâu iz ntu hlôngr yiêz tas nro hâur tsưr tsix bộ meir chính quyênx tiv phaz. No tsi taz zos iz hâux lưv lix xưv, mak tsênhv zos đas jos chiê têx tiv phaz sir jos huôv tsar KTXH, hlôngr yiêz tsôngv box li luz nênhx hâur ntu hlôngr yiêz thiêz huôv tsar./.

Thừa Xuân-Txâur Vax cxeik nhênhv