Tsuv uô jông têx cui tinhv, tsưr ziv truôx tuk cxiv tsa tsêr meir tênhv hâur cheix nas chuô

            Sâuv tox trôngz siêz-qơư muôx txuz poz jêz xưz poz uô 5 lênhx nênhs trâus tuôs thiêz 4 lênhx txơưr đuô trâus saz ntơưv côngz trênhx đêx tênhv Tả Páo Hồ 1A nhoz jok Lả Nhì Thàng, xã Sì Lở Lầu, huyện Phong Thổ, tỉnh Lai Châu lok six nxaz hênhr. Pêv kâuv tsas poz jêz zos txox cêr muk lol hâur xã tsênhv cxiv uô thiêz đrav kaz zos qơư cxiv tsa njưs tar đêx tsênhv taz tov cxiv puôz. Đhâu coz nas lox, 2, 3 hnuz tov kaz txơưv trâus xưz poz. Zơưv Phí Văn Hưng, Tsar ban seiz car dưv anr đêx tênhv Tả Páo Hồ 1A heik pâuz: “Tas nro têx lênhx công nhân sâuv côngz trênhx puôr lênhx tâu taz viv sir zôngv lox tôngv cir ntâuz ntơưr uô hâux lưv thiêz thêv bảo hiểm, tsi zos têx lênhx công nhân njiz trâus tsi jông li heik sâuv xưz”.

           Huyện Phong Thổ nhiv no muôx 33 dưv anr tsêr meir tênhv mê thiêz tov thơưx tâu Bộ Công thương cir tso chei cxiv tsa thiêz tâu Thủ tướng Chính phủ cir tso hâur tỉnh Lai Châu tsưr ziv ntu 2021-2030, uô txos shông 2050, hâur co muôx 12 dưv anr tưz uô tiêr thiêz tso tênhv trâu sơưr đơưk tơưk. Hâur 33 dưv anr tâu cir, nhiv no muôx 7 dưv anr tsênhv tâu chor nênhs yưv pênhr cxiv uô côngz trênhx sir jos fuô uô nhoz thax tsav tox siêz đêz đrôngs, qơư riêz nênhs phiv liv muk lol. Zơưv Trần Bảo Trung, Chủ tịch Ủy ban huyện Phong Thổ, tỉnh Lai Châu heik pâuz: “Txix ciês hâur cheix ntux nas, pêz cux tưz muôx côngz tênhv heik chor tsưr yưv pênhr uô, têx taz viv sir zôngv lox tôngv sir jos taz por truôx tuk cxiv tsa hâur cheix ntux nas chuô. Taz sik, hâur ntu đhâu muôx têx côngz trênhx sir zôngv lox tôngv kênh jiês tsi uô jông trơưk cui tinhv, viv li muôx nas chuô tưz uô tsi truôx tuk lox tôngv. Pêz zuôr sir jos uô jông đuô luôs hâux lưv qênhz yuôx, xưv bluô chor taz viv tsi uô trơưk cui tinhv truôx tuk lox tôngv”.

             Sở Công thương tỉnh Lai Châu thôngz sâu, nhiv no tas nro tỉnh muôx 160 dưv anr tsêr meir tênhv tưz thiêz tsênhv njuôk hov, xav hur si muôx zuôr xar 4.300 MW; hâur xo muôx 122 dưv anr tưz tâu thôngx ziv tso chei yưv pênhr uô thiêz 60 ntâu dưv anr tưz uô tâu tiêr, muôx tênhv tênhz tơưk. Zơưv Vương Thế Mẫn, Giám đốc Sở Công thương tỉnh Lai Châu heik pâuz: “Pêz Sở Công thương tưz muôx ntâuz ntơưr chox kriê, heik tas nro chor nênhs yưv pênhr uô qênhz shuôs đuô tsưr ziv, hâux lưv phax tar têx tsi jông ntơưv côngz trênhx thiêz lar heik zos hâur ntu cheix ntux nas chuô shông no cov truôx tuk côngz trênhx. Tiv 2 zos heik trâu chor tsưr yưv pênhr uô tsi so qênhz yuôx, seiz kaz têx lok sâuv sir zôngv lox tôngv ntơưv côngz trênhx. Tiv 3, qênhz shuôs chor kỹ sư, nênhs muôx txux chi tsưr ziv lês uô jông hâux lưv tsuv cir ntơưr chos luk sir zôngv lênhx nênhs uô nuv trơưk li tưz đas cir đros cơ quan lês uô hâux lưv têz qơưk, thâuv choz hâux lưv cxiv tsa côngz trênhx”.

           Txuz xưz poz ntơưv tsêr meir tênhv Tả Páo Hồ 1A iz jiês thiêz uô trâu hâu nov thiêz cơ quan seiz car ntơưv qơư tsuv uô truôx jông đuô cxuô luôs hâux lưv zok muôz, tsi chiê yưv siv têx tsi jông, tsi truôx tuk trâu nênhs lox tôngv. Hâu nov ntơưv qơư thiêz cơ quan seiz car tỉnh Lai Châu tsuv sir jos, moz siêz uô jông têx hâux lưv chiê huôv tsar ngênhx công nghiệp tênhv tênhz, paz ntơưv qơư huôv tsar kinh tế xã hội truôx tuk./.

Khắc Kiên-Riê Lâux cxeik, nhênhv  

Sơn La uô li chak chiê paz muôs tâu truôx chor txir ntông?

           Hlôngr trâu sâu zuôr muôs chor txir ntông ntơưv têx ciêz, chor txir khơưz đuz ntơưv Phiêng Khoài, huyện Yên Châu, tỉnh Sơn La têx shông jê lok no tưz tsêx trung chos thiêz tu lơưr công nghệ siêz chiê zaz zâuv chor nênhs sâu zuôr muôs lox tuôx sâu zuôr, đros co zos muôz chor txir khơưz tso trâu sâuv sàn thương mại điện tử chiê kriz đar qơư muôs… zơưv Nguyễn Văn Toàn, Chủ tịch Ủy ban xar Phiên Khoài hêik pâuz: “Shông no Ủy ban xar tưz sik côngv đros Tổng công ty bưu điện Việt Nam, muôz chor hax huv kôngz nuv tso trâu sâuv sàn thương mại điện tử; cir đros bưu điện tỉnh chiê paz thâux xa; cir đros sàn kôngz nuv bưu điện chiê  muôz chor txir khơưz đuz no muk txos trâu 2.400 qơư muôs hâur hur si têz qơưk, muôx livestrema chiê paz thơưz zuôr muôs…”

            Đros txir khơưz đuz, ntâu thax tsav txir mo môngk nhoz Sơn La cux tsênhv txos chêix sâu đê, đros shông no tâu xar muôx 77.000 tấn txir mo môngk. Đrâuv muôs hâur têz qơưk thiêz muôs muk trâu saz têz qơưk Trung Quốc, njuôk xav muôx nhos 1/3 chor txir mo môngk tâu muôz lok uô hâur tsênhv qơư uô chor jâuz txir kok Doveco Sơn La. Pos Nguyễn Hằng Nga, Giám đốc Tsênhv qơư uô chor jâuz txir kok Doveco Sơn La puz pâuz: “Pêz sâu zuôr txix oz tsưr ziv, iz zos cir hux thôngx sik côngv đros HTX, zuôr ciês ntơưv tsêr mêir; oz zos sâu zuôr ntơưv chor qơư chos nhoz huyện Mai Sơn, tsêr mêir zuôr tso ciês nênhs tuôx zuôr ntơưv chor vax txir ntông”.

            Tỉnh Sơn La nhiv no muôx 85.000 ntâu héc ta ntông no txir thiêz txir tuôz ziz, shông 2025 njuôk xav tâu muôx 510.000 tấn. Ntâu hax huv tưz tâu muôs tơưv trâu saz đrâuv têz qơưk, hâur co muôx têx têz qơưk li Mỹ, châu Âu, Nhật Bản, Hàn Quốc, paz muôx ntâu kror liv trâu chor txir ntông Sơn La.

            17 tsêr mêir thiêz 540 ntâu kror qơư uô têx kôngz nuv sâuv thax tsav tỉnh Sơn La li huôx tôngv cux tưz paz txo grêk tsơưs têx phiv liv hâur sâu zuôr muôs chor txir ntông thiêz tsar ndê tsiv gri trâu chor hax huv. Ntâu zav txir ntông tưz tâu chor doanh nghiệp thiêz HTX sâu zuôr, uô yênhx têx hax huv li txir ntông kra kruôr, jov uô cuô hâuk… Hâur co muôx ntâu hax huv OCOP, muôx côngz bê sâuv ciêz đrôngs. Zơưv Nguyễn Thành Công, Phưv Chủ tịch Ủy ban tỉnh Sơn La puz pâuz: “Iz zos muôs hâur têz qơưk, muôs ntơưv têx ciêz, chor qơư muôs huv lox chiê paz muôz tâu chor txir mo môngk, txir khơưz đuz chox muk muôs trâu hâur têx siêu thị hâur têz qơưk Việt Nam. Tiv oz zos Sơn La tsênhv sir jos muôz chor hax huv lok uô hâur têx tsêr mêir, chiê paz đơưk kho tâu têx phiv liv li thâuv sâu tâu ntâu, uô tâu jông chiê tsar ndê tsiv gri trâu chor hax huv”.

            Nhiv kruôr đhâu, chor ntênhk hôiv kôngz nuv, txir ntông đros cxuô thax tsav qơư nhoz Sơn La li sâu zuôr muôs chor txir ntông ntơưv thax tsav qơư tưz tâu tsưr tsix li: Hnuz hôiv đê txir khơưz đuz xar Phiêng Khoài, ntênhk hôiv txir mo môngk Yên Châu, hnuz hôiv đê txir khơưz đuz Mộc Châu… Tỉnh Sơn La cux tsênhv tsưr tsix jiês muôz chor txir khơưz đuz tso trâu sâuv Vietnam Airline chor jiês yêz za thiêz tso trâu hâur cxiv luôs muôs hax huv SaiGon Co.op ; Go! Thiêz WinComerce. Chor ciêz hax huv kôngz nuv, txir ntông Sơn La ntơưv têx qơưk muôs sâuv tas nro têz qơưk ntu jê lok no tưz zaz zâuv chôngz nênhs sir zôngv, paz kriz đar qơư muôs, tiv zix zos ntơưv thax tsav faz Nam./.

Lê Hạnh-Lik Thox cxêik nhênhv