Lào Cai muôz têx vax tsêr, cxuô zav sênhv hlôngr yênhx têx kror qơư uô hâux lưv yiêz

           Hâur ntu zuôr txos no, 3 xar Vĩnh Yên, Nghĩa Đô, Tân Tiến nhoz huyện Bảo Yên, tỉnh Lào Cai tâu lok uô hâux lưv uô cê, tsênhv qơư chinhr triv-hành chính tâu nhoz ntơưv Nghĩa Đô. Lơưr zơưv Đỗ Văn Lưu, Bí thư Đảng ủy xar Nghĩa Đô, hâux nov 3 xar tưz cơưv txix nzor, thôngx ziv hâux lưv sir zôngv qơư uô hâux lưv cov huv đros: “Cux tsês iz cxiê lênhx nếnh nhoz ntơưv qơư uô hâux lưv kuz Tân Tiến chiê uô têx ntâuz ntơưr hành chính. Tsênhv yuôr mak chiê khối uô hâux lưv têz qơưk uô hâux lưv ntơưv qơư uô hâux lưv xar Nghĩa Đô (kuz), khối đảng-đoàn thêv mak uô hâux lưv ntơưv xar Vĩnh Yên thiêz cux muôx iz chor nênhs txêik jênhv paz uô têx ntâuz ntơưr hành chính ntơưv no cov tâu truôx jông”.

           Nhiv no, ntơưv Tân Tiến muôx qơư uô hâux lưv xar tsênhv sir zôngv tưz tsik jông tas thiêz iz qơư uô hâux lưv yiêz tsênhv tâu cxiv tsa tsik tâu tâu tiêr nhiv no tưz tso tsês tsik kriz uô nzir. Zuôr txos no, tas nro 2 côngz trinhx no zuôr tâu tror kriz uô cov tiêr chiê phưx vưv trâu côngz xưv zoz zux ntơưv thax tsav qơư.

             Thâuv pâuz tâu xor mông no, cưk kriê ntơưr Vàng Thị Hiển, Phưv hiệu trưởng Tsêr cơưv Phôv thông Mênhx cxưx niêv txir zus mor cxênhx iz Tân Tiến lok six shir phaz viv sâuv luz xar thax tsav pêz no muôx 2 luz tsêr cơưv niêv txir zus mor, lok six chôngz shux xênhz nhoz nox ntơưv tsêr cơưv ntơưr txix thưr 2 txos thưr 6; đuô li, chor cưk kriê ntơưr lok cux zos chor nênhs nhoz têx qơư txơưr tuôx kriê ntơưr ntơưr no. Hok vax tsêr cxuô zav mak nhiv no tsênhv muôx tsik tâu txâuk: “Zos cxaz nzir chor vax tsêr txix qơư uô hâux lưv xar nhiv no thiêz kror qơư tsênhv cxiv tsa, chor tsêr cơưv ntơưr zuôr sir zôngv tâu chiê uô tsêr nhoz uô hâux lưv trâu chor cuk kriê ntơưr, qar cơưv chức năng, lok sik qơư nhoz trâu chor shux xênhz niêv txir zus mor, txix co zuôr paz gra siêz đuô tsơưr lươngv kriê thiêz cơưv ntơưr”.

             Lơưr zơưv Trần Công Hoàng, Phưv Trưởng phòng Tài Chính-Tsưr ziv huyện Bảo Yên, đhâu thâuv Tổng Bí thư Tô Lâm muôx jax sâu lok “phax tar tuôr xuôv”, Thủ tướng Chinhr phuv muôx công tênhv 112 lok đơưk kho cov tiêr chor dưv anr uô tsik tâu tiêr, truz ntêr, lơưr tỉnh li chox kriê, huyện Bảo Yên tưz nzor uô hâux lưv xưv lik têx vax tsêr cxuô zav sênhv, thiêz txos hli 4/2025 tưz muôx tâu tsưr ziv đơưk kho tsênhv tsênhz: “Thâuv tsênhv tsik tâu cik txos hâux lưv kho đuô, tas nro huyện tưz qênhz shuôk thiêz tso tơưv tsưr ziv xưv lik têx vax tsêr cxuô zav sênhv no, Đhâu co, thâuv txos ntu kho đuô qơư uô hâux lưv, xuz thơưx zos xêir tsov qơư chiê uô hâux lưv trâu chor xar yiêz, lơưr co xav txos têx vax tsêr sênhv zos chiê uô đaz tsi, tas nro puôr lênhx tâu uô lơưr tsưr ziv tưz tâu njuôk xav xuz thơưx”.

            Đros hâux lưv kho đuô nhoz cấp xar, Lào Cai tsênhv tsuv njuôk xav đơưk kho têx vax tsêr cxuô zav nhoz cấp tỉnh. Lơưr tsưr ziv, jiês xuz thơưx zuôr muôs 800 ntâu lênhx canr bôv ntơưv Lào Cai txar lok trâu tsênhv qơư hành chính yiêz ntơưv Yên Bái. Kror no uô trâu tsuv muôx iz tsưr ziv kho đuô chor qơư uô hâux lưv tsuv tâu njuôk xav jông, khoa học. Zơưv Phan Trung Bá, Giám đốc Sở Tài chính tỉnh Lào Cai puz pâuz: “Thâuv txar qơư lơưv, zos chor vax tsêr tưs huv đros trâu zoz zux mak pêz zuôr choz zok trâu chor qơư zoz zux, tsênhv yuôr zos choz zok trâu chor taz viv y têr”.

            Lơưr Sở Tài chính tỉnh Lào Cai hêik pâuz, qơư uô hâux lưv khối 6 trâus sênhv mak tâu njuôk xav zuôr muôz trâu Tsêr cơưv Cxênhx pêz Chuyên Lào Cai sir zôngv. Qơư uô hâux lưv Sở Khoa học thiêz Công nghệ (kuz) đros Tsênhv qơư Kiểm định thiêz Kiểm nghiệm hax huv zuôr tâu zôngv chiê kriz đar tsêr kho moz nội tiết tỉnh Lào Cai. Thiêz Tsêr cơưv Chinhr triv (kuz) zuôr choz zok trâu Tsênhv qơư Kỹ thuật Tổng hợp Hướng nghiệp kriê uô hâux lưv thiêz Zoz zux Thường xuyên tỉnh Lào Cai.

            Sở Tài chính Lào Cai cux tưz cxiv tsa tsưr ziv tsênhv tsênhz xưv lik têx vax tsêr công sênhv txos shông 2026, 2027. Đuô li, đros 300 ntâu luz yêz ô tô công vụ sênhv cux tưz muôx tsưr ziv xưv lik tsênhz mênhx; hâur co, zos tsov cưv txos muôz paz trâu chor xar, phường yiêz chiê nzor kriz uô tâu ciês têx hâux lưv./.

An Kiên-Lik Thox cxêik nhênhv

Hla đhâu cxuô phêv liv, paz tsôngv box ntus đriv Lai Châu cxiv uô tsêr nhoz

          Uô lơưr UB tỉnh Lai Châu tsaz yênhx cxiv uô tsêr trâu chor chuôz zis pluôs, Bộ chỉ huiz Bộ đội pênhz phax tỉnh tưz sik côngv seiz shuôk, xav tênhv têx xã ntus đriv tsênhv yuôr 2 cxênhz 300 luz tsêr lav uô lav nhoz, tsêr xơư nas hâur tas nro 7 cxênhz 400 luz tsêr sâuv tas nro tỉnh zuôr trâus tâu cxuôv por tsês. Tsuôk xav txix hâur shôngk shông 2025 txos nhiv no, lưx lươngv pênhz phax tưz uô tiêr 180 ntâu luz tsêr, tsênhv uô zuôr xar 1 cxênhz 300 luz txơưr. Sir jos txos hnuz 25/6 shông no, tsaz yênhx zuôr uô tiêr lơưr tỉnh li tsưr ziv tso tơưv.

          Đại tá Lê Công Thành, Phưv chính ủy Bộ chỉ huiz Bộ đội pênhz phax tỉnh Lai Châu puz pâuz: hâux lưv ntâu, qiv hơưv muôx ntâu txơưr txar, cêr muk lok phêv liv, lênhx nênhs muôx tsơưs... taz sik đros chinhz yênhx viv tsôngv box phưx vưv, yênhx puôk jiês cán bộ, chiến sĩ pênhz phax tưz muk txos têx jêx jos, côngv đros tsôngv box, tiv phaz, uô trơưk jênhv vưv; đros tsôngv box nhoz, đros tsôngv box uô, đros tsôngv box thav luk mênhx cxưx: “Ntu xuz thơưx qiv hơưv tsi jông, viv li hâux lưv thâux chuôz zênhx, uô plas tsêr njiz ntâu phêv liv. Iz cxiê ziv chuôz zis nhoz têx qơư đêz, yêz thâux tsi tâu chuôz zênhx muk txos, phênhv ntâu zos tsôngv box chiv chir thâux viv li pôngz ntâu six hơưv; tiv zix zos thâux môngr jêz siz, poz jêz, thưx chiz...Taz sik bộ chỉ huiz bộ đội pênhz phax tỉnh cux chox kriê têx zênhx pênhz phax truôx siêz khưx phưx têx phêv liv chiê uô tsêr nhoz trâu têx chuôz zis pluôk lơưr tsưr ziv tso tơưv”

          Iz hâur têx chuôz zis nhiv kruôr tâu paz txưv tsêr nhoz zos tix lâuk Zax A Chức, nhoz jos Pô Tô, xã Huổi Luông, huyện Phong Thổ. Tix lâuk luz tsêr kuz trâus puôk tsuôxx ntâu, xơư nas, tsi taz por hâur cheix ntux nas. Thâuv tâu têz qơưk paz 60 tsov đeiv, têx chiến sĩ zênhx pênhz phax Huổi Luông tưz muk paz uô plas tsêr, thâux chuôz zênhx, cxiv tsa tsêr yiêz... “Thâuv krêz uô tsêr nhoz mak têx cán bộ zênhx pênhz phax thiêz têx lưx lươngv li CÔng an, cán bộ xã tuôx paz chuôz zis lok six ntâu. Cán bộ tưz thâux thưx chiz, bê tông....lok six jông siêz paz pêz chiê nzor muôx tâu tsêr nhoz”

          Tsi taz muôx tix lâuk Chức li chuôz zis, mak yênhx puôk ziv chuôz zis txơưr nhoz têx huyện ntus đriv Phong Thổ, Sìn Hồ, Mường Tè....cux tsênhv tâu Bộ đội pênhz phax paz hnuz côngz lox tôngv chiê cxiv uô têx luz tsêr yiêz. Zơưv Hoàng A Dọ, Chủ tịch UB xã Huổi Luông, huyện Phong Thổ pheiz kênh: “Tas nro pênhr nhiêx xã tâu choz zuôr tâu thêv trâu tsôngv box. Nhiv no xã tưz muôx 36 ziv tâu muôz nhiêx uô tsêr thiêz tas nro cán bộ, công chức, viên chức, têx lưx lươngv sâuv thax tsav cux gôngr côngv tâu zuôr xar 80 tsov đeiv. Nhiv no cán bộ xã thiêz tas nro têx lưx lươngv sâuv thax tsav tưz sik côngv uô, truôx siêz uô tiêr tsưr ziv tso tơưv”.

          Sik côngv đros lưx lươngv pênhz phax tsênhv muôx ntâu tsưr tsix, doanh nghiệp, li Tổng công ty Tân Cảng Sài Gòn, Tsêr kho moz phụ snả TW, đros ntâu lênhx nênhs siêz jông tưz gôngr côngv nhiêx txiêx thiêz chuôz zênhx. Tas nro puôr lênhx gôngr phênhv paz muôx iz phongz yaox lox, paz uô hlôngr yiêz tas nro têx jêx jos nhoz ntus đriv.

          Thượng tá Trương Minh Đức, Chỉ huy trưởng Bộ đội pênhz phax tỉnh Lai Châu puz pâuz: “ Bộ đội pênhz phax tỉnh tưz chuv tôngv krêz uô đros siêz xar chinhz yênhx siêz tiv zix, viv tsôngv box phưx vưv. Đros tsưr ziv cxuôv tsêr lav uô, tsêr xơư nas trâu tsôngv box nhoz thax tsav ntus đriv li cxiv tsa chênhr zuk li tsêr nhoz. Pêz seiz no zos jiês chiê chuôz cxaz cêr sik côngv siêz jông hâur tsôngv box thiêz bộ đội ntus đriv. Iz luz tsêr pêz cxiv uô tâu zos txix cán bộ, chiến sĩ li siêz jông, txơưx jênhv đros tsôngv box. Hâur ntu zuôr txos pêz pheiz côngz jênhv vưv tsênhz mênhx trâu yênhx đồng chí hâur thax tsav, reik jênhv vưv tsênhz mênhx trâu yênh đồng chí paz hâux lưv nhoz yênhx tiv phaz, yênhx taz viv; chuôz tsar côngz xưv qênhz yuôx, seiz car tsơưr lươngv têx côngz tsinhx, tsi uô lav phêv; sik tưr hitk uô tiêr hla đhâu têx tsưr ziv cxuôv tsêr lav uô, tsêr xơư nas”.

          Iz luz tsêr yiêz tâu cxiv uô tâu tsi taz zos luz tsêr their ntux yar ntux nas mak tsênhv zos têx tso pov cêr sik côngv siêz jông hâur tsôngv box thiêz bộ đội nhoz ntus đriv têz qơưk. Txix siêz sir jos uô, lưx lươngv bộ đội pênhz phax tsênhv paz tsôngv box uô tâu lơưr li têx siêz xar njôngr muôx tâu luz tsêr truôx jông chiê nhoz uô nênhx, gôngr phênhv cxiv tsa ntus đriv Lai Châu truôk tul, bluô nux./.

Khắc Kiên-Txâur Vax cxeik nhênhv