Yên Bái cxiv tsa chinhr quyền sôr phưx vưv trâu pêx xênhv

           Muôx tas nro cxiv luôs chinhr triv đros uô, tỉnh Yên Bái tưz sir jos uô hlôngr yiêz sôr sâuv tas nro 3 kror: chinhr quyền sôr, kinh têr sôr thiêz xar hôiv sôr. Hâur co chinhr quyền sôr tưz jux juk uô hlôngr yiêz hâur côngz xưv sêiz car têz qơưk, hlôngr yiêz hành chinhr cxix cxuô thiêz pêx xênhv thâuv kriz uô têx dịch vuv công trực tuyến zuôr zôngx ziv đuô. Zơưv Vũ Huy Toan, nhoz jok Bình Sơn, xar Văn Phú, thành phố Yên Bái hêik pâuz: “Hnuz no cur tuôx uô têx ntâuz ntơưr, pov uô lok six sêi, têx chuôz zênhx cux yiêz jông, uô tâu sêi li no mak shir phaz hênhr”.

            Xav jênhv hlôngr yiêz sôr zos kror zov chênhr hâur qênhx shênhx hlôngr yiêz thiêz hôiv nhập ntiêx têz, Sở Nội vụ tỉnh Yên Bái tưz sir jos kriz uô ntâu tsưr ziv chiê paz thơưz qênhx shênhx no, paz trâu hâux lưv cxiv tsa chinhr quyền điện tử cov tâu truôx jông thiêz tsênhz mênhx. Hâux lưv sir zôngv công nghệ thôngz mông tưz paz uô hlôngr yiêz chor hâu nov, công chức uô hâux lưv lơưr saz khoa học, sêi đrơưv; tưz tsik zos paz gra siêz tsơưr lươngv chor hâux lưv mak tsơưr lươngv phưx vưv tsưr tsix, pêx xênhv thiêz doanh nghiệp cux tâu uô jông. Tix lâus Nguyễn Giang Lam, chuyên viên Sở Nội vụ tỉnh Yên Bái puz pâuz: “Nhiv no têx ntâuz ntơưr hành chinhr tâu uô iz phênhv lok sik tas nro txix trực tuyến taz sik cux tsênhv yuôr iz cxiê pêx xênhv tsik tâu pâuz, tuôx ciês ntơưv no chiê nus. Cur zuôr kriê trâu pêx xênhv muôz đhâu trực tuyến. Đros chor ntâuz ntơưr pêx xênhv tsuv muôz ciês mak thâuv tuôx txos ntơưv kror qơư uô nhoz Sở Nội vụ mak sir jos uô trâu lơưr…”

             Cxiv tsa chinhr quyền sôr, tỉnh Yên Bái tsênhv jux juk hlôngr yiêz txix “sêiz car” trâu “phưx vưv, txix “cungz têx dịch vuv hành chính” trâu “tênhv qơư sôr thiêz huôv tsar”. Hâux lưv sir zôngv công nghệ tsuôk zos iz kror xưz, uô kaz ciês zos huv đros trâu pêx xênhv thiêz doanh nghiệp siêz xar. Zơưv Trần Trí Dũng, Phưv Giám đốc Tsênhv qơư Phưx vưv hành chính công tỉnh Yên Bái puz pâuz: Shông 2025 zos shông sir jos gra siêz tsơưr lươngv thiêz uô tâu jông hâur cungz têx dịch vuv công trực tuyến; jênhv vưv tsênhv njiêz, zov chênhr hâur huôv tsar chinhr quyền điện tử, chinhr quyền sôr zos muôz pêx xênhv, doanh nghiệp uô tsênhv njiêz, zos chor nênhs tsuv phưx vưv. Iz cxiê kror tsuv uô zos: muôz thiêz uô đhâu trực tuyến sâuv Cổng dịch vuv công trực tuyến tas nro tax tâu muôx 80%; thêv đhâu trực tuyến sâuv Cổng dịch vuv công têz qơưk tsơưs tiv zix 60%; uô chor ntâuz ntơưr hành chinhr sôr tsơưs tiv zix muôx 90%; muôz chor ntâuz ntơưr hành chinhr uô đhâu điện tử tax tâu muôx 100%... “Shông 2024 tỉnh Yên Bái sơưr tiv 7 hâur 63 tỉnh, thành phố đros chox kriê thiêz sêiz car phưx vưv trâu pêx xênhv hâur uô têx ntâuz ntơưr hành chinhr cux li cungz têx dịch vuv công trực tuyến sâuv tênhv qơư điện tử. Hâur shông 2025 tỉnh Yên Bái zuôr sir jos hlôngr yiêz đuô têx ntâuz ntơưr hành chinhr. Tsênhv qơư hành chinhr công cux zuôr hêik trâu Ủy ban tỉnh, văn phòng Ủy ban tỉnh pâuz kriz uô jông chor luôs hâux lưv mak Chinhr phuv choz”.

               Cxiv tsa chinhr quyền sôr tưz tsik zos hêik txos công nghệ, mak tsênhv zos hêik txos txux chi quản trị, tsênhz mênhx hâur huôx tôngv. Yên Bái tưz thiêz tsênhv zuôr tror chiê pêx xênhv uô tsênhv njiêz, tưz tsik zos chiê phưx vưv mak chiê sik đros uô cov tâu jông luz nênhx hlôngr yiêz sôr hâur ntu hlôngr yiêz thiêz huôv tsar./.

Đinh Tuấn-Lik Thox cxêik nhênhv