Uô nzir têx hâux lưv siêz jông hâur côngv thôngx

             Uô lơưr sik côngv têk paz kho đuô chor tsêr đaz tuôs, lav nhoz sâuv thax tsav, zơưv Đặng Bá Văn, nhoz jok Trái Hút, xar An Bình, huyện Văn Yên, tỉnh Yên Bái tưz muk sêiz yuô thiêz paz ciês 30 triệu đêiv đros iz cxiê chuôz zênhx sir zôngv hâur chuôz zis trâu pos Lý Thị Phương, nhoz jok Khe Rồng. Pos Phương trâus sêv khiz luz chêr, ho iz lênhx tu zus oz tuk mê nhuôv tsênhv zâu. Kror paz tsênhv tsênhz no tưz tsik zos paz đơưk kho têx phiv liv lok tsêr nhoz mak tsênhv paz trâu pos Phương chuôz zis muôx njir siêz njênhs thiêz sir jos hâur luz nênhx. Zơưv Văn hêik pâuz: “Zuk mak têx tuz nhuôs cux tưz hloz lox tas lơưv, iz shông oz niêv txir uô tâu mê njil mak hêik trâu pox niêv mê nhuôv tiêk tsês têx kror co chiê paz trâu xar hôiv, paz trâu chor chuôz zis pluôs cov lơưr luz nênhx tsik yuô txov nhêv”.

            Tâu pâuz, hâur 7 shông đhâu, zơưv Đặng Bá Văn tsik so khơưk muôz chor hax huv siêz jông puz trâu chor shux xênhz muôx luz nênhx txov nhêv. Txos thâuv chor jiês ntênhk, tsiêz cxôngx nzor, zơưv Văn chuôz zis ho bax ntâu kror hax huv muôx cxur, grêix, nduôr txâuv puôz, nduôr thax chox muk puz trâu chor ziv chuôz zis pluôs hâur xar. Zơưv Văn têx hâux lưv siêz jông tsênhv tâu pov đhâu kror zơưv jênhv tu zus iz lênhx mê nhuôv nxêik xênhz shông 2011, ntơưv jok Khe Rồng txix shông 2018 txos nhiv no. Tiv zix zos zơưv Văn ziv chuôz zis tưz paz nhiêx txiêx cxiv uô tsêr trâu 3 ziv chuôz zis muôx luz nênhx txov nhêv sâuv thax tsav xar, đros tas nro chor nhiêx paz muôx 120 triệu đêiv.

            Zơưv Nguyễn Văn Hồng, iz lênhx bôv đôiv lâul tâu zơưv Văn paz chiê cxiv uô luz tsêr khor truôx jông nhoz puz pâuz, zos tsik muôx kror paz siêz jông co, zơưv chuôz zis đros muôx chôngz lênhx nênhs trâus moz têx zav moz hnhar, phênhv sâu tsik truôx zuôr uô tsik tâu têx luz tsêr khor truôx li no chiê nhoz hlo: “Hmôngr jông tâu tix lâus Văn paz trâu chuôz zis, cur tsik pâuz hêik li chak hlo tsuôk pâuz uô tsâus txos tix lâus Văn chuôz zis ntâu hênhr xưz, luz nênhx cux tsik yuô txov li thâuv ntêx lơưv. Zos tis lâus Văn chuôz zis tsik paz mak zuôr uô tsik tâu luz tsêr jông li no chiê nhoz hlo”.

               Hêik txos zuk txơưx jênhv thiêz têx kror paz trâu chor chuôz zis txov nhêv, zơưv Đặng Bá Văn puz pâuz, đrâuv paz lok cxuô zav, chuôz zis xar đros đrêiv, phêiz kênh cxuô zav cov chor chuôz zis muôx luz nênhx txov nhêv zuôr hlôngr yiêz tâu lơưr luz nênhx: “Côngv têk paz trâu chor ziv chuôz zis pluôs, chor chuôz zis txov nhêv mak cur chuôz zis sir jos uô trơưk cxuô kror tsưr ziv, zuk xar đros chinhr quyền sik côngv têk paz trâu lơưr. Tsênhv uô tâu mak tsênhv zuôr đros thax tsav qơư paz trâu chor nênhs muôx luz nênhx txov nhêv”.

              Zơưv Trần Thống Nhất, Chủ tịch Ủy ban xar An Bình puz pâuz, cxuô kror zơưv Văn sir jos paz trâu chor nênhs luz nênhx txov nhêv zos têx kror lok six muôx tsiv gri, zos têx hâux lưv uô jông hâur xar hôiv: “Txix shông 2018 txos nhiv no shông tưz zơưv cux muôx yênhx puô kror hax huv puz trâu chor chuôz zis puôs, chuôz zis txov nhêv, zơưv cux paz yêz tuôv thiêz paz cxuô kror trâu chor mê nhuôv tâu muk cơưv ntơưr. Nhoz xar mak cux muôx iz cxiê lênhx nênhs siêz jông hêik sơưr đơưk sik côngv paz trâu pêx xênhv, paz trâu chor nhuôv shux xênhz”.

             Hâur jiês uô côngz xưv qênhz yuôx hâux lưv kriz uô “Kho đuô chor tsêr đaz tuôs, lav nhoz” ntơưv xar An Bình nhiv kruôr đhâu, Bí thư Huyện ủy Văn Yên-Hà Đức Anh thâuv hnor hêik txos zơưv Văn têx hâux lưv uô siêz jông no tưz sâu ntơưr hlôngr njêx muôs Huyện ủy, Hôiv đồng, Ủy ban huyện kruôk txos thiêz sâu jênhv txos zơưv Văn têx gôngr côngv muôx tsiv gri thiêz siêz jông co. “Zơưv têx hâux lưv uô tưz tsik zos paz muôx tâu têx tsiv gri tsênhv tsênhz, paz trâu chor nênhs muôx luz nênhx txov nhêv mak tsênhv zos iz kror hâux lưv uô jông thiêz cxơưz cxiz sơưr đơưk sir jos uô têx hâux lưv siêz jông hâur côngv thôngx. Cur njênhs tiêk, têx hâux lưv uô jông no zuôr gôngr phênhv đros Đảng bôv thiêz chinhr quyền huyện uô tâu jông côngz xưv ngaz tuk xar hôiv, txo grêk yêiz pluôs truôx đrênhk thiêz cxiv tsa thax tsav qơư ziv hnuz ziv jông jav, vav mênhx đuô”, Bí thư Huyện ủy Văn Yên hêik li co./.

Đinh Tuấn-Lik Thox cxêik nhênhv

Sơn La uô truôx hâux lưv hlôngr yiêz hành chính gôngr phênhv cxơưz tiês huôv tsar kinh têr

         Thị xã Mộc Châu zos tiv phaz sơưr tiv 3 hâur têx huyện sơưr thơưx lok Chỉ số hlôngr yiêz hành chính khối têx huyện, thị xã, thành phố nhoz tỉnh Sơn La, txix shông 2021-20224. Tiv zix, đhâu seiz shuôk lok tsôngv box, doanh nghiệp li siêz thôngx ziv, Mộc Châu tsênhv sơưr thơưx chỉ số pênhr xưv tơưv txênhz cấp huyện nhoz tỉnh Sơn La shông 2024.

          Txos nhiv no, thị xã Mộc Châu tưz cungz 300 ntâu jix vuv công trực tuyến thiêz iz phênhv đros ntâuz ntơưr cấp thị xã, 100 ntâu ntâuz ntơưr jix vuv côngz trực tuyến đros cấp xã, phường. Cxix luôk thôngz xor mông điện tử tâu krêz uô txos tas nro têx xã, phường; chor ntâuz ntơưr tâu yưr lir tax 80% ntâu...

          Zơưv Lê Trọng Bình, Chủ tịch UB thị xã Mộc Châu, Sơn La puz pâuz: “Pêz tưz seiz jông trơưk tsôngv box li siêz xar; muôx têx kênh chiê tror sâu jênhv tsôngv box li ziv chênhv. Thôngx cxix chox kriê cán bộ công chức nhoz pưv phênhv car chêx ntâuz ntơưr uô jông hâux lưv; tiv zix zos têx ntâuz ntơưr hành chính txix trực tuyến taz por txix thâuv jênhv txos car chêx trâu tsôngv box lok six hơưv, siêz xar, zoz qơưx...hâur ntu krêz uô zos muôx têx hâux lưv txơưr muôx yưv tsuv heik kriê tsôngv box, doanh nghiệp pâuz tâu”.

          Đros têx tiv phaz, ntâu sở, nganhx hâur tỉnh Sơn la cux muôx ntâu tsưr ziv uô jông, xar tơưv jông hâur hlôngr yiêz hành chính. Li Sở vênhx huôv, thiv thao thiêz ju lix Sơn La- taz viv sơưr thơưx lok chỉ số pênhr xưv tơưv txênhz cấp sở nganhx hâur tỉnh tox siêz SƠn La shông 2024.

          Lơưr zơưv Trần Xuân Việt, Phưv giám đốc Sở vênhx huôv, thiv thao thiêz ju lix Sơn La, nhiv no nganhx tsov cưv tiv zix txos hâux lưv hlôngr yiêz số, tưz số hóa dữ liệu lok ju lix thiêz tsênhv krêz uô cxiv tsa ju lix yiêz, chiê paz têx doanh nghiệp, kruô ju lix thiêz paz seiz car ju lix jông đuô. “Muôx lok six ntâu njiêz luv tâu paz txưv sâuv hệ sinh thái ju lix yiêz no; co zos cungz cxix cxuô xor mông, thax tsav qơư, xiv huv, qơư muôv muôs jix vuv ju lix trâu tsôngv kruô; cungz cxix cxuô bản đồ ju lix yiêz thiêz têx jix vuv zuôr trâus...tiv zix zos chox công nghệ AI lok paz kruô ju lix, doanh nghiệp ju lix. Phần mềm no cux zuôr sik côngv đros têx nganhx kôngz nuv thiêz tênhx qơư, nhiêx txiêx, zaoz thôngz vênhv teiv... tso tơưv canhv pov lok zaoz thôngz, ntux nas, qiv hơưv, txiv ngaz, heik kriê thiêz tso tơưv têx njuôs xav dự án zaz zâuv yưv pênhr”.

          Chiê hlôngr yiêz tênhx qơư yưv pênhr, muôv muôs, muôz siêz tsơưr lươngv seiz car kinh têr thiêz paz tsôngv box, doanh nghiệp, hâur têx shôngk đhâu, tỉnh Sơn La tưz sir jos muôz siêz chỉ số pênhr xưv tơưv txênhz cấp tỉnh; thôngx cxix, cxiv tsa thiêz tuôr truôx Bộ chỉ số pênhr xưv tơưv txênhz cấp sở, nganhx thiêz cấp huyện. Shông 2024 nhiv kruôr đhâu, Sơn La tưz uô hâux lưv seiz shuôk 1 cxênhz 300 ntâu doanh nghiệp, HTX thiêz ziv chuôz zis muôv muôs, chiê njuôs xav doanh nghiệp, HTX thiêz ziv chuôz zis muôv muôs li jông siêz đros têx tiv phaz, taz viv sâuv thax tsav li huôx tôngv seiz car.

          Zơưv Lê Hồng Minh, Phưv Chủ tịch UB tỉnh Sơn La puz pâuz: “ Pêz chox kriê têx sở, nganhx, tiv phaz tsov cưv txos têx vênhv thix tiv zix zos têx chỉ số tsênhv kis li chỉ số lok ar têz, hâux lưv uô ntâuz ntơuar ar têz trâu têx ziv chuôz zis tsênhv txov nhêv, car chêx thax tsav qơư, ntâuz ntơưr sâu ar, pâux nzir ar, nhiêx txiêx, six hơưv...Thôngx cxix phuôx huiz chính quyênx, cấp tỉnh, huyện, zuôr txos zos 75 chính quyênx cấp xã li sei đrơưv, zuôr jê tsôngv box đuô, tsuv muôx tsưr ziv chiê khưx phưx têx tsi tâu uô tâu thiêz phưx vưv tsôngv box jông đuô”.

          Lơưr tsưr ziv hlôngr yiêz hành chính shông 2025 mak UB tỉnh Sơn La tưz thôngz đhâu, muôx 7 jênhv vưv tsênhv thiêz 75 jênhv vưv zov chênhr. Têx sở, ban, nganhx, UB têx huyện, thị xã, TP tso tơưv 1 cxênhz 200 ntâu jênhv vưv thiêz pheiz côngz tsênhz mênhx txơưx jênhv, six hơưv krêz uô txos yênhx chiz coaz, taz viv chiê tsưr tsix uô...Sơn La tsênhv tso tơưv tsưr ziv đros têx huôx tôngv tsênhv tsênhz, chiê txu grês 30% six hơưv car chêx ntâuz ntơưr hành chính, tiv zix zos ntâuz ntơưr muôx lênhx coaz txos tsôngv box./.

Lê Hạnh-Txâur Vax cxeik nhênhv