Sik đros paz têx shux xênhz Điện Biên truôx siêz “thik ntơưr” hâur jiês thik cơưv tiêr cxênhx 3 zuôr txos

Hâur luz tsêr mê nhoz tuêv 9, phường Mường Thanh, TP Điện Biên Phủ, tỉnh Điện Biên, tsâus ntux hnuz tưs, niêv lâuk Nguyễn Thị Mai cux đros niêv lâuk tul nhuôv nxeik tsênhv cơưv lớp 12 tror cơưv shâuv bax trâu jiês thik cơưv tiêr cxênhx 3 zuôr txos. Đros niêv lâuk Mai, kror coaz tsôngv tiv zix đrâuv yênhx tưv tsênhv zos chinhz yênhx thiêz đas jos thiêz chiê mê nhuôk hla trâu jiês thik jông tiv zix:“Hâux lưv bax trâu mê nhuôk yênhx tưv lok six coaz tsôngv, taz sik lok chinhz yênhx thiêz đas jos cux lok six coaz tsôngv. Viv li niêv txir thâuv tưs cux seiz jông mê nhuôk li đas jos, heik mê nhuôk cơưv ntơưr taz sik cux tsuv tsoz phưz jông đas jos cov muôx tâu chinhz yênhx jông tiv zix muk thik ntơưr. Niêv txir cux tsi cxoz uô trâu mê nhuôk cxơưx lok điểm số”.

          Ntơưv chuôz zis, niêv txir li cêr hluz zos qơư chiê mê nhuôk khov txos paz truôx siêz đuô trâu jiês thik, nhoz ntơưv tsêr cơưv, cưk kriê zos têx lênhx nênhs cxaz nzir yênhx tưv txux chi trâu têx mê nhuôk shux xênhz. Tsêr cơưv phổ thôngz mênhx cxưx nội trú huyện Điện Biên- qơư muôx phênhv ntâu zos shux xênhz mênhx cxưx tsơưs nênhs tsênhv cơưv ntơưr, hâux lưv kriê cxaz cux tsênhv tâu sir jos uô. Hâur yênhx lớp cơưv, cưk kriê tsi taz zos lênhx nênhs kriê yênhx tưv mak tsênhv zos “lênhx niêv, lênhx txir tiv 2” thâuv tưs cux sik côngv đros têx shux xênhz hâur yênhx chuôv cơưv ntơưr. Shux xênhz Ly Thị Huyền Thương, shux xênhz lớp 12B pheiz kênh:“Jiês thik shông no muôx lok six ntâu hlôngr yiêz, pêz cux lok six cxơưx. Taz sik đrâuv co pêz tsênhv muôx têx cưk kriê sik côngv, têx cưk kriê thâuv tưs cux tsov cưv, tôngv vênhx thiêz kriê cxaz trâu pêz têx yênhx tưv tsênhv chiê pêz truôx siêz đuô thik tâu chêx cuk siêz hâur jiês thik zuôr txos”.

          Cưk kriê Lò Thị Hương, Cưk kriê Tsêr cơưv phổ thôngz mênhx cxưx nội trú THPT huyện Điện Biên pheiz kênh: Đhâu ntâu shông kriê ntơưr hâur tsêr cơưv, cưk kriê thâuv tưs cux tsov cưv sir jos chiê shux xênhz hla đhâu jiês thik tơưv tiêr cxênhx 3, cưk kriê tsi taz kriê yênhx tưv mak tsênhv tsov cưv pheiz kênh, car chêx têx phêv liv thiêz paz shux xênhz truôx siêz đuô chiê cơưv ntơưr jông tiv zix:“Ban giám hiệu tsêr cơưv đros tas nro têx cưk kriê têx bộ môn puôr lênhx lok six tsov cưv txos têx shux xênhz txix cơưv ntơưr txos xênhz huôx niêx hnuz. Tôngv vênhx shux xênhz hâur cơưv ntơưr thiêz xênhz huôx niêx hnuz. Thâuv phêv liv mak têx shux xênhz zuôr heik cưk kriê bộ môn sik đros nriêr tsưr ziv chiê khưx phưx têx phêv liv co, txix co tôngv vênhx shux xênhz cơưv shâuv”.

          Shông cơưv 2024-2025 zos shông xuz thơưx uô tsaz yênhx zaoz zux phổ thôngz 2018 hâur jiês thik cơưv tiêr cxênhx 3. Têx hlôngr yiêz hâur njiêz luv thiêz tsưr ziv thik tưz uô shux xênhz thiêz cưk kriê lok six cxơưx. Taz sik, têx tsêr cơưv sâuv thax tsav tỉnh Điện Biên tưz chuv tôngv cxiv tsa tsưr ziv cơưv shâuv jông, muôx chêx cuk chiê paz shux xênhz hla đhâu phêv liv, tax chêx cuk siêz li têx shông tov ntêx.

          Cưk kriê Lê Trường Giang, Hiệu trưởng Tsêr cơưv THPT huyện Mường Nhé heik:“Đros têx cưk kriê thiêz shux xênhz puôr lênhx lok six cxơưx, viv jiês thik uô tsaz yênhx cơưv 2028 muôx têx hlôngr yiêz đros cán bộ cưk kriê thiêz shux xênhz. Txix qênhx shênhx co mak tsêr cơưv xav tênhv tsuv uô li chas chiê shux xênhz thiêz cưk kriê, tiv zix zos shux xênhz truôx siêz bax jông trâu jiês thik. Txix co, tsêr cơưv cux cxiv tsa tsưr ziv tsênhz mênhx chiê yax mông trâu shux xênhz, paz shux xênhz pâuz tsênhz đuô lok jiês thik zuôr txos”.

          Chiê taz por jiês thik tsưr tsix uô jông thiêz yênhx côngz, nganhx zaoz zux tiv phaz nhiv no tsênhv sir jos sik côngv đros têx sở, nganhx muôx lênhx coaz bax cxuô zav trâu 28 qơư tsưr tsix thik thiêz 22 qơư thik dưv phax sâuv thax tsav tas nro tỉnh./.

                                                                                                      Vũ Lợi-Txâur Vax cxeik nhênhv