Muk Rơ Chăm H’Phít, Bi thu Ndang uy xa Ia Khươl, brei thau bhap bini rah rah di palei taduan rok bruk pagam jabat karja tỉnh baru hu ralo caong khin tal bruk siam makre jang. Mada ieu lac sa baoh tinh praong yang ka 2 di dalam nagar, hu ralo yaom kaom taneh riya ngak nong min kurang pambuak saong bhum tasik meng halei mai ngak ka nyu kan si tagok. Urak ini bruk kan kandah praong nan mada oh daok kandaong, Gia Lai mada hu tasik yaom kom praong ini mada daong ka bhum taneh ceik car praong hu jlan tagok:  

“Hadei di pagam, bruk pambuak bhum ceik mbuan glaong bhum taneh ngak nong saong bhum tasik ye tinh Gia Lai mada pambuak hu gah logistic dalam bruk ngak nong, ngak tabiak ndap nda ngak mbang tasik… Dahlak sahneng lac bruk pagam ini daong ka jalan brei Gia Lai sa jalan tagok bahrau.”

Ong Nguyễn Danh, sa urang hu labaih 40 thun ndam gam saong Gia Lai, mboh bruk ini yau ya sa yam nao atah dhua. Gia Lai saong Binh Định mada pagam hu glo akaok praong, jalan nao atah... tapa di nan taoh lang dom cuang kandah brei ka patagok. Dom bruk brei patagok pabak nang luong, patagok bruk ngak kong ngak tabiak ndap nda kaya ngui di bhum ceik glaong Gia Lai, nao tapak meng pabah Lamnge tagok tapa jalan raya mada kan si ngak. Dom janih ndap nda praong mada mbuan sanang tagok trun jalan. Ong Nguyễn Danh ndom meyai lac:

“Hadei di pagam Gia Lai mada daong dom janih ndap nda kaya tamo, kaya ngak tabiak dan saong pablei tabrak langiu ngagar tapa tabah tasik, tapa jlan kapal ahaok, tapa jalan raya dom nagar di bhum dunya Dong Duong daong ralo kein lagaih ka ngak mbang ngak tabiak ndap nda, ka pablei tabiak langiu jeng ye ka majam logistic di tinh bahrau meng Brak – Mraong tui jalan nagar angka 1 saong jalan Pun – Pai tapa jalan nagar 19”

Tui brei yaok mboh, tinh Gia Lai barau hu taneh praong 21.000 km², bhap bini rahra labaih jaik 3,6 triệu urang – daok dalam tinh hu bon bhap rahra ralo di abih dalam nagar. Akaok UBND tỉnh, Ong Phạm Anh Tuấn pok sap lac, piah ngak siam dalam bruk pok praong pok pok dom janih siam makre di dalam tinh hu glai, hu tasik,  tỉnh mada pataom prein tame bruk brei ka klau janih praong meng bruk pasalih glo akaok sangka iek glang maong iek tapa daong tame bruk ngak karja tapa ngak barau ngak krah dah dan saong mek bhap bini ndap nda – urang ngak mbang blei salih dang kreih pasak di dalam taong abih sarak karja..

“Tinh Gia Lai bahrau pagam di dua taneh hu ilamo, hu angan katmang praong, hu ralo janih ilamo. Praong glaong abih di dalam nan hu bruk yak yum jum pataom dan saong hatai kham marat sa hatai jai saong gauk brei ka harei meng anak siam makre praong glaong bahrau”.

Gia Lai bahrau padang tuk thun 2025 nao tapa blaoh 6 bilan, jalan akaok mbram nao tal 80% dalam thun oh lac mbuan.  Tapi tui ong Hồ Quốc Dũng – Bi thu Tinh uy tinh Gia Lai bahrau – Gia Lai jeng khik akaok mbram yau ini, piah khik ka masa meng 2026–2031 mek hu tagok dua angka. Ong Dũng jia hatai lac, Gia Lai bahrau ganap kham marat jeng ye prein khang brei mek hu tanut yau hatai khin caong:

“Hadei di pagam tinh nen kinh te di Gia Lai barau labaih 250 ribau ty, hu bak sa bhum ceik mbuan praong, hu labaih 134km jalan tasik, sa baoh bhum taneh taneran praong siam, dau mblang kapal haok, pabah tasik, hu jalan pasei jalan raya … ganap dunya langik tasik manuac urang siam lagaih, bruk daok veik ngak yau habar paraong paglaong bruk ngak mbang patagok tinh Gia Lai jeng sa labik khang dalam bhum taneh ini”.

Meng dom janih gheih ghang mbuan lagaih siam makre brei ka jalan mbak, mblang kapal haok, pabah tasik jalan pasei jalan nagar raya..., tal ralo janih siam makre di taneh riya bhum bhaok padaok dar brei ka bruk ngak mbang – kinh te: tasik, bhum tanehran, bhum mbuan ceik, tinh Gia Lai barau caong khin jeng sa labik ba patagok di Bhum Kreih nagar – song - Tay Nguyen di dalam tukvak yang daok mai tal./.