Dalam dom baoh sang bahrau padang gheih ghang, ong Y Tơn, bangsa M’Nông, daok di bon Đắk Sắk, xa Đắk Sắk biak bui sambai kayua raidiuk di boh sang salih bahrau. Ong Y Tơn brei thau, bruk ini hu siam mai meng kham marat patruh eik patruh kathaot gam saong bruk hu daong ba di karja pakat palei, dalam nan hu bruk daong ba di dom urang ndang dalam chi bo palei. Dom thun dahlau, labaih 2ha apuh pala sa janih baoh bei, oh raong truh dom pabah mbang. Min urak ini, jeng 2 hecta taneh ini, brei salih ngak kaphe, durian, panat, baoh sang di drei hu tanat karo.

“Hu karja caik hatai, hu chi bo mbon palei daong pato saong daong masraiy jien gilang sarak karja yau nan ye sang danaok hu patagok mboh mata raidiuk jeng ye jalan ngak mbang. Urak ini pala kaphe saong kayau mbang baoh karaoh blaoh, jeng hu labik brei mek jien hu, rai diuk jeng tagok, hu jalan patagok.”

Gam saong danak dak, patruh eik patrun kathaot, dom phun jien sarak karja, bruk dom pakat uy ndang saong abih majam poliktik tame bruk daong dom baoh sang kathaot tui jalan, tui cara njauk brei daong bruk ngak patruh kathaot di Lam Dong ngak hu jeng. Ieu lac sa urang ndang, urang bol lin dahlau urang hu angan, yau ye harei halei taha palei Y Bleng, urang bangsa M’Nông, daok di bon 9, xa Krông Nô, jeng biai saong dom adei sa-ai dang iek glang nao rivang dom baoh sang kathaot dalam mbon, ndom mayai biai bruk ngak di rai jeng ye bruk ngak mbang padang raidiuk. Ong Taha palei Y Bleng brei thau lac, yaok 5 urang ndang, 5 baoh sang kaya ya daong ka sa baoh sang kathaot. Dom baoh sang kathaot hu daong patacei ba tangin gam hu prein ka kaya ngui gam hu daong pachreih hatai ngak mbang patagok:

“Adei sa-ai jak ba gauk, jak ba adei sa-ai mikva bhap bini jum pataom gauk, patagok kinh te. Oh lac sa janih bol lin meng kal sa drei ngak, urang bol lin daok jak ba mikva bhap bini, jeng njauk nao rah iek mikva urang kathaot. Sang halei kan ye drei pataom prein jak gauk daong, sang adei saai halei hu kaya mada ye daong ka sang kan".

Bruk ngak di dom urang ndang daong urang kathaot veih rup tagok blaoh brei pambak praong paralo mbon palei di tinh Lam Dong. Di xa Đắk Song, yaok rituh baoh sang kathaot hu kapul ndang pakat palei, dom chi bo, dom urang ndang di palei, mbon daong tame brei aval truh kathaot. Muk Vương Thị Hiền, UB Mat tran Negar xa Đức An brei thau lac, gam hu tame bruk di urang ndang di dom pakat meng xa, huyen, gam tame bruk di dom urang ngak mbang blei salih, urang ngak dhar phol, yau nan ye phun prein brei tapak ka urang kathaot. 

“Raidiuk di bhap bini daok kan, bhap bini doak kurang ralo janih yau nan ye oh brei nduac tui baoh ralo blaoh njauk caik hatai ngak ka nyu siam. Kayua lac sang urang kathaot drei njauk daok ralo janih kadha oh lac sa gah janih daong phun truh kathaot hu. Piah caga klah gilac kathaot ye njauk ngak ka nyu tantu, tal labik dhua piah kanyu patruh hu kathaot.”

Dalam bahrau, Tinh uy Lam Dong brei mboh bruk patrun kathaot, dalam nan hu caik hatai tal dom baoh sang daok di dalam, daok atah bayah, bhum urang bangsa takik ralo kan daman kandah kandaiy. Sarak patacei 05 thun 2021 di Mban Bi thu lac, bruk patrun kathaot karo ieu lac jan ngak praong, oh hagait karei di jaman salih barau dalam bruk padang taneh ia nagar. Bruk ngak di Dak Nong brei mboh, jalan kham marat di Sarak di Tinh uy tal dom bruk ngak di palei, di palei daong ka bruk patrun kathaot hu siam. Bruk salih bahrau meng bruk ngak di urang pan akaok pakat palei di Ndang patambak tal urang ndang ba mai ralo baoh siam makre ka bruk truh iek trun kathaot./.