Pok brei peih ngak dom janih cara, nao mai lang yah dom janih daok kurang, daong ka gah pala phun durian tagok karo, ralo panuac brei thau, durian ieu lac kaya pablei asal, pablei tabiak jien “ty do” dalam janih baoh karaoh di Viet Nam. Dalam dom thun jaik di ini, taneh pala durian tagok praong samar, baoh karaoh dak harei dak tagok siam ralo, siam abih di dalam nan hu bruk pablei tabiak langiu negar meng di tuk hu Sarak tut tangin brei ka pablei ndap nda kaya tabiak langiu di duan baoh nagar di Việt Nam saong Trung Quoc. Min, gam saong kein lagaih jeng ye mada hu kan kandah: mai meng khin caong di darak pasar brei ka baoh karaoh, yaom asal, yaom gok, lek taka labik pala nyu, tal bruk pambuak dom majam mon yaom kaom, tuk tagok trun oh thau dalau, jamo hagao tuk tamuh jit, langik tasik salih dih gah jeng ye gam pambak tame sa baoh darak pasar.

Yau ye di dom bhum palei – mada hu taneh njom ia Cadimi meng tukvak blaoh, ong Võ Tấn Lợi, Akaok Pahasa Kapul durian tinh Dong Thap brei mboh lac, bruk ini mada pambak praong tal bruk ngak tabiak janih ndap nda ka urang ngak mbang blei salih:

Urang ngak mbang blei salih gaok njauk ralo kan daman tuk bilik jabat ieik glang taong yaom daok kurang dalam tuk urang ngak mbang blei salih tamuh biak ralo, njauk dak cang gauk piah taong yaom dang dui atah tukvak suai 1 chruh container meng hu tapa nagar Trung Quoc ye gah Viet Nam lahik bih 4 tal 5 harei meng taong yaom blaoh.  Yaok harei hu yaok rituh chruh radaih yau nan, dom chruh radaih dang gah likuk cang taong yaom durian pe pet calah tapa Trung Quoc blaoh gilac akaok palai kurang biak ralo ka urang ngak mbang blei salih.

Khao tin brei ka durian njom ia Kanyik O saong njom ia Cadimi, ong Nguyễn Quang Hiếu, Phaok akaok kuc Pala saong Caga phun kayau, Mintri ngak Nong saong Alam langik brei thau:

Kuk jeng mboh dom bhum palei mada gam ndam saong Cadimi tame taneh kayua taneh ngak lavik, bein pala oh padeih “padei” di dom mbang pala drak gam tui pandar jru cavao tame pala drak oh lagaih, dalam nan hu dom janih khak brei ngak di bhum glaong dalam nan hu ralo di nyu di dalam bilan urang nong ngak karei bilan.

Jia abih di gah ngak baoh durian kayua pandiak hatai dalam bruk ngak durian, ong Đặng Phúc Nguyên, Pan akaok Thu ky Kapul njam patam Viet Nam brei thau lac, tuk Thai Lan njauk Trung Quoc brei thau hu njom janih ia kanyik O hu dalam baoh durian, nyu brei drah samar iek glang tal dom labik pala nyu jeng ye labik papak nyu:

Thai Lan brei peih 307 jabat labik iek glang taong yaom bhum durian jeng ye jien bayar ye po pein bayar. Dom jabat ieik glang taong yaom baoh karaoh ini blaoh brei angan brei lak taka bhum pala saong brei harak mboh tra brei thau labik dhua gok asal ka Pabah mbang tame nagar Trung Quoc. Langiu di nan, po bein durian njauk hu harak brei angan oh hu Kanyik O jeng ye lek taka bhum pala bahrau pablei hu ka urang papaok atau ba tabiak darak pasar. Tuk urang blei tame saong papaok baoh karaoh durian njauk brei dut iek glang mbang ka 2 di jabat iek yaom hu Thai Lan saong Trung Quoc brei adat.

Sa hatai sahaneng yau ini, muk Nguyễn Thị Thành Thực, Akaok kapul quan tri gam Taong yam ndok kongti co phan Ngak kong phan mem Auto Agri caong lac:

 Khin caong di bhum Tay Nguyen njauk hu padang Pasak pasang iek saong jamraik bahrau, siam. Klau janih gah ngak kong caik hatai di abih hu ilamo kong nghe vi sinh; ilamo kong nghe khik caga hadei mek baoh saong ilamo kong nghe jamraik brei ka gah durian brei ka gah ngak nong .

 Tui jru gru, khol drei njauk hu jalan cara ngak ka drah samar, njauk pasalih akaok iek glang, hu kadha iek glang tantu meng akaok tame tal iku tabiak piah njauk hatai urang pandar nyu./.