Hlăm klei bi kƀĭn, phung bi ala kƀĭn ksiêm dlăng kơ bruă hâo hưn  răng mgang tur knơ̆ng klei mĭn mơ̆ng Đảng; boh tŭ êdah êdi hlăm klei păn kjăp boh klei gang mkhư̆, bi kdơ̆ng lăm lui, gang mkhư̆, msir mgaih klei hâo hưn  jhat, boh nik hŏng dŭm anôk bruă duh mkra ala tač êngao brei lăm lui dŭm boh phŭn ngă soh; kčĕ dŭm hdră msir klei dleh dlan, gĭr thâo ƀuh ksiêm dlăng, bi mklă phung ngă soh, hdră srăng msir; Hdră kčah ngă bruă mơ̆ng Anôk bruă gĭt gai 35 Gưl dlông hlăm boh klei mrâo.

Klah čŭn klei bi kƀĭn, Anôk dlăng bruă Đảng, Khua Anôk bruă gĭt gai 35 gưl dlông Trần Cẩm Tú mñă klă mơ̆ng ară anei truh jih thŭn jing kluôm Đảng, jih jang phung lĭng kahan, jih jang mnuih ƀuôn sang dôk gĭr bi lông ngă tŭ dưn  Hdră mtrŭn klei bi kƀĭn tal 13 mơ̆ng Đảng leh anăn dŭm hdră mtrŭn yuôm bhăn mơ̆ng gưl dlông, mkŏ mjing Klei bi kƀĭn bruă Đảng dŭm gưl mđing kơ Klei bi kƀĭn phung bi ala kluôm ala tal 14 mơ̆ng  Đảng.