Ênoh mâo mnơ̆ng dhơ̆ng hlăm alŭ wăl (GRDP) čar đĭ leh truh 7,49%. Anei dưi yap jing klei năng bi mđi ai, boh nik leh čar bi mŭt mbĭt, čiăng bi mâo wưng bi hơĭt jih jang bruă. Ênoh mâo ba wĭt kơ knŭk kna djăp 13.656 êklai prăk, đĭ 37,3% mkă hŏng wưng anei thŭn dih, hlăm anăn knŏng alŭ wăl Bình Định mâo hlăm brô 10.000 êklai prăk. Klei mnia mblei hŏng ala tač êngao kluôm čar truh 1,686 êklai USD, đĭ hĭn truh  21%.

Khua knơ̆ng bruă sang čư̆ êa čar Phạm Anh Tuấn mtă lŏ mđĭ hĭn bruă kiă kriê hŏng kdrăp mrô, čiăng bi leh ênŭm ênoh čuăn kơ bruă duh mkra ala ƀuôn mâo hlue ngă hlăm gưl čar hlŏng kơ nah gŭ. Phung khua kiă kriê dŭm knơ̆ng dhar bruă mâo klei đua klam kơ boh tŭ dưn hlăm bruă pô ngă, lehanăn mâo klei ktrâo atăt klă ênŭm bruă čuăn kơ alŭ wăl, bi năng hŏng klei mđĭ kyar duh mkra ala ƀuôn lehanăn mă bruă kơ mnuih ƀuôn sang./.