Ti knăm anei, Kơiăng khua lăn čar mtă kơ dua tĭng lŏ dơ̆ng mtrŭt mđĭ hdră bi trông dŭm gưl mơ̆ng Đảng, Knŭk kna lehanăn Anôk bruă kƀĭn ala, pŏk ngă tŭ dưn dŭm klei bhiăn hgŭm bruă dôk mâo lehanăn mđĭ klei bi mguôp ti dŭm anôk bi kƀĭn trông lu ala čar, msĕ si Êpul hgŭm lu ala čar lehanăn Hdră ASEAN – Êpul hgŭm Ơrôp (EU).

Kơiăng khua lăn čar mtă kơ Anôk bruă kƀĭn ala Alemang lŏ dơ̆ng sa ai lehanăn mtrŭt mđĭ klei bi mjĕ hgŭm bruă Việt Nam – EU; ksiêm dlăng, hnưm bi mklă Klei kuôl kă răng mgang bruă duh bi liê Việt Nam-EU čiăng mjing boh kdrŭt mrâo kơ hdră mnia mblei – duh bi liê plah wah dua ala čar; mbĭt anăn mtrŭt Knơ̆ng bruă Ơrôp hnưm lui “hră kñĭ” IUU hŏng mnơ̆ng rông hlăm êa ba čhĭ kơ ala tač êngao mơ̆ng Việt Nam. Dua tĭng ăt tŭ ư mđĭ hdră bi hgŭm hlăm bruă lĭng kahan – răng mgang klei êđăp ênang lehanăn ti dŭm anôk bi kƀĭn trông lu tĭng, kñăm rơ̆ng kjăp klei êđăp ênang, hơĭt lehanăn đĭ kyar hlăm tar rŏng lăn./.