Ti anôk bi kƀĭn, dŭm alŭ wăl msĕ si Hà Nội, ƀuôn prŏng Hồ Chí Minh, Bắc Ninh, Nghệ An, Dak Lak… hưn mdah leh boh tŭ mđĭ kyar 6 mlan akŏ thŭn lehanăn dŭm klei ƀuăn hluê ngă hdră msir čiăng dưi mâo mta kñăm đĭ kyar 8% hlăm thŭn 2025. Bi ala dŭm anôk bruă hưn mdah leh klei dleh dlan hlăm bruă ba yua anôk bruă knŭk kna 2 gưl, boh nik kƀah anôk bruă ksiêm dlăng, akâo mđĭ ênoh mnuih thơ̆ng kơ bruă.

Klah čŭn, Khua knŭk kna Phạm Minh Chính bi mklă, hdră duh mkra – ala ƀuôn dôk mâo klei bi mlih siam, hŏng 3 krĭng wăl dôk đĭ kyar pral, Ƀuôn prŏng Hồ Chí Minh đĭ 7,82%, Hà Nội 7,63%. Khua knŭk kna mtă brei ba yua kjăp bruă nŭk kna dua gưl, amâo lui mnuih ƀuôn sang, anôk bruă duh mkra tuôm hŏng klei kpăk gun hlăm bruă ngă hră mơar, rơ̆ng klei êđăp ênang ala ƀuôn lehanăn wưng hluê ngă dŭm hdră duh bi liê./.