Khua gĭt gai Đảng Tô Lâm bi myuôm ai tiê mă bruă, klei gĭr mơ̆ng phung bi ala leh anăn bi mni kơ dŭm boh tŭ dưn dưi mâo hlăm bruă mtrŭt mjhar klei mlih mrô hlăm wưng êgao, mñă ktang anei jing boh tŭ mơ̆ng klei duh myơr mơ̆ng bruă kđi čar, mnuih ƀuôn sang leh anăn knơ̆ng bruă.

Hlăm wưng kơ anăp, Khua gĭt gai Đảng Tô Lâm mñă brei kñăm hluê ngă 8 bruă klam phŭn, bi myuôm bruă klam pô ba anăp, mđĭ hĭn klei đua klam, klei gĭr bruă kđi čar leh anăn dưn yua klei mrâo mrang, klei čih pioh čiăng kriê dlăng tŭ dưn, boh nik hlăm wưng bruă sang čư̆ êa dua gưl. Mbĭt anăn, Khua gĭt gai Đảng Tô Lâm mñă kơ Êpul bruă hâo hưn leh anăn čung ba mnuih ƀuôn sang mtrŭt mđĭ klei hâo hưn kơ klei mlih mrâo mbruă, boh nik jing hdră tŭ klei đua klam čiăng bi kjăp klei đăo knang  yang ƀuôn leh anăn knơ̆ng bruă hlăm klei kreh knhâo mrâo mrang.