Khua gĭt gai Đảng Tô Lâm leh anăn Khua mil čhil Mi Donald Trump bi trông hlăm đĭng blŭ
Thứ năm, 10:06, 03/07/2025 VOV TAYNGUYEN VOV TAYNGUYEN
VOV4.Êđê- Mmăt mbruê (2/7), Khua gĭt gai Đảng Tô Lâm mâo leh klei bi trông hŏng
Khua mil čhil Mi Donald Trump kơ klei bi hgŭm Việt Nam - Mi leh anăn bi trông kơ jia plah wah dua ala čar.

 Hlăm klei bi trông, dua khua gĭt gai bi êdah klei mơak ti anăp klei mlih mrâo ktang leh anăn jăk siam mơ̆ng klei bi hgŭm dua nah. Khua mil čhil Donald Trump bi mni kơ bruă Việt Nam ƀuăn rơ̆ng mă klei dưi ba čhĭ mnơ̆ng dhơ̆ng Mi, hlăm anăn mâo êdeh ôtô hnơ̆ng prŏng.

Ñu bi mklă Mi srăng khăt bi hrŏ lu jia kơ lu mnơ̆ng dhơ̆ng ba čhĭ kơ ala tač êngao mơ̆ng Việt Nam leh anăn srăng lŏ dơ̆ng bi hgŭm hŏng Việt Nam hlăm klei msir mgaih klei gun kpăk hmăi kơ klei bi hgŭm mnia blei dua nah, boh nik hlăm dŭm bruă dua tĭng mđing. Khua gĭt gai Đảng Tô Lâm akâo kơ Mi hnưm yap Việt Nam jing ala čar mâo anôk ba čhĭ leh anăn lăm lui klei mkhư̆ ba čhĭ kơ ala tač êngao hŏng dŭm mta mnơ̆ng dhơ̆ng mrâo mrang. Khua gĭt gai Đảng Tô Lâm leh anăn Khua mil čhil Donald Trump ăt bi trông kơ dŭm hdră êlan mđĭ klei bi hgŭm kluôm hlăm dŭm thŭn ti anăp.

VOV TAYNGUYEN

Viết bình luận

TIN CÙNG CHUYÊN MỤC