Klei kƀĭn kñăm bi trông lehanăn brei klei blŭ kơ Klei čih mkra Klei bhiăn mă bruă mơ̆ng Anôk kriê dlăng bruă Đảng čar wưng thŭn 2020 – 2025 lehanăn lu bruă yuôm bhăn mkăn. Klei čih mkra mâo 5 mta, 25 klei, kčah mtrŭn klă klei dưi, bruă đua klam, klei bi mjĕ hlăm dŭm anôk bruă ti čar lehanăn Gưl dlông, rơ̆ng hdră mă bruă tŭ dưn, khuăt.

Blŭ gĭt gai knăm anei, Khua bruă Đảng čar Nguyễn Đình Trung mtă kơ phung khua hlăm Anôk dlăng bruă mđĭ lar ai tiê đua klam, ba akŏ, bi hgŭm mguôp lehanăn hluê ngă kjăp bruă klam mâo jao. Ti anôk bi kƀĭn, Anôk dlăng bruă Đảng bi mklă leh bruă mkŏ mjing Anôk gĭt gai hdră mđĭ kyar bruă kreh knhâo, kdrăp mrâo, mlih mrâo lehanăn bi mlih mrô mơ̆ng čar; brei klei blŭ kơ bruă klam mơ̆ng Anôk bruă gĭt gai, ksiêm dlăng hdră Klei bi kƀĭn tal sa Anôk kriê dlăng bruă Đảng čar lehanăn hdră knuă druh mbĭt hŏng lu bruă mkăn./.