Hdră anei jing anôk mkŏ knhal tuič mơ̆ng hdră êlan êran pral Dầu Giây – Liên Khương, mkŏ Ƀuôn prŏng Hồ Chí Minh – Đồng Nai – Bảo Lộc – Đà Lạt mâo boh taih dlông 74km, ênoh duh wưng tal 1 êbeh 17.700 êklai prăk, wưng hluê ngă tĭng 30 mlan.

Leh ngă ruê̆, hdră anei dưi ba yua lehanăn hrui prăk tăk êlan hlăm 19 thŭn 10 mlan. Blŭ ti knăm anei, Kơiăng khua knŭk kna Nguyễn Hòa Bình mñă, hdră anei srăng đru msir mghaih klei lu đei êdeh ti Êlan dơ̆ng prŏng mrô 20, mtrŭt mđĭ hdră mđĭ kyar ƀuôn prŏng, logistic, bruă lŏ hma ba yua kdrăp mrâo lehanăn hiu čhưn ênguê mâo hnơ̆ng tŭ jăk kơ Lâm Đồng; mtă kơ alŭ wăl bi mklă anei jing bruă klam kđi čar phŭn, mtrŭt mđĭ pral hdră msirmghaih anôk ala êbeh 600 ha, rơ̆ng mkŏ anôk dôk mrâo kơ mnuih ƀuôn sang hmăi djŏ./.