Tui hăng Anom bruă Tơjŭ pla hăng Pơgang phun pla, hơbô̆ bruă pla plah amăng đang kơphê hăng phun tiu, sâu riêng ră anai glăk hơmâo mơnuih ngă hmua kual Dap Kơdư ngă tui kiăng huăi lui lŏn soh wơ̆t hăng pơđĭ tui prăk pơhrui. Hơbô̆ bruă anai brơi ƀuh boh tŭ yua biă, plai ƀiă hlăt kman ƀong.

Khă hnun, ƀơi lu anih, mơnuih ƀôn sang ăt pla kơphê đôč mơn anun ngă phun pla amuñ răm rai biă ƀơi anăp hlăt kman ngă. Bơ hăng bruă pla plah, ƀu ƀiă ôh mơnuih ngă hmua aka ƀu thâo mă yua ia jrao pruih phun pla lăp djơ̆. Sem lăng ƀơi Kon Tum, Dak Lăk, Lâm Đồng brơi thâo hơdră sinh học ăt ƀiă đôč hơmâo mă yua. Amuñ ngă rơgao đơi ia jrao pơkă. Jơnum bruă kơphê ƀơi đơ đam jar kmar ƀuăn djru ba boh thâo hơdră ngă bruă hăng pơtô lăp djơ̆ hăng tơlơi pơkă jar kmar, djru bruă ngă kơphê Dap Kơdư đĭ kyar kjăp hăng mut dlăm bruă pơkra gơnam sĭ mơdrô ƀơi rŏng lŏn tơnah./.