Mơnuih pla sầu riêng tơring čar Gia Lai glăk pơphun pĕ bôh sầu riêng 2025.  Khă hmâo lu tơlơi pơhing kơ tơnap tap amăng sĭ gơnam kơ dêh čar arăng, samơ̆ kơnang kơ pơhlôm anô̆ klă ñu, hơdôm mơnuih pla sầu riêng ƀơi tơring čar Gia Lai ăt dưi sĭ mơn hăng nua mơ̆ng 55 rơbâo truh 70 rơbâo prăk sa kg tui hluai djuai, jing gru nam klă kơ bơyan sầu riêng truh kih.

Ră anai, đơ đam tơring čar Gia Lai hmâo năng ai ñu 8.200 ektar đang sầu riêng, lu biă ñu ƀơi tơring glông Ia Grai, Čư̆ Sê, Čư̆ Pưh, Đăk Đoa, Mang Yang, Čư̆ Prông, Đức Cơ... Mrô bôh hơnong ñu hmâo 14,8 tơn sa ektar, hăng hơdôm blah đang dưi wai lăng klă, mrô anai amra hmâo mơ̆ng 20 truh kơ 30 tơn sa ektar. Amăng mrô anun, năng ai ñu 5.000 ektar amăng rơwang hmâo bôh pĕ sĭ, pơkă hlâo mrô sầu riêng hmâo đơ đam tơring čar 75.000 tơn. Biă ñu, Gia Lai hmâo pơsit brơi laih mrô kual pla hăng abih bang 1.281 ektar, djru sầu riêng ƀơi anai sĭ kơ lu anih anom prong kah hăng Khač, Mi, New Zealand hăng Australia. Truh thun 2030, tơring čar pơkă hlâo pok prong lŏn pla sầu riêng truh 10.000 ektar, hăng tơhnal pơkă pơjing mrô kual pla kơ rim 10 ektar hăng mă yua tơhnal pơkă GlobalGAP pioh djơ̆ tui tơlơi kiăng sĭ kơ dêh čar arăng./.