Anun lĕ: Anom mă bruă hrŏm pơkra jrao Hoàng Hiểu Tu Mrông ƀơi să Đăk Hà, tơring glông Tŭ Mrông; Grŭp mă bruă hrŏm pla Sâm Ngọc Linh Đăk Xây ƀơi să Xốp, tơring glông Đăk Glei; sang anô̆ ơi A Sỹ, A Chung ƀơi să Tê Xăng hăng Măng Ri, tơring glông Tu Mrông ră anai glăk pla 5.800 ƀĕ phun sâm Ngọc Linh mơ̆ng 6 thun hăng lu hloh. Ơi Huỳnh Trung Kim, Kơ-iăng Khua Gơnong bruă kơsem min bôh thâo phrâo hăng hơdră mă yua măi mok tơring čar Kon Tum, brơi thâo, truh ră anai anom hmâo pơsit laih Hră tŭ yap tơlơi dưi mă yua anăn anih anom “Ngọc Linh” akha sâm brơi kơ 13 bôh anom hăng mơnuih.

Hlâo kơ pơsit anih anom gum hrŏm hăng Gơnong bruă đang hmua hăng rơhuông adai lŏn mơnai, Jơnum min mơnuih ƀôn sang hơdôm bôh tơring glông, să pơphun pel ĕp, pơsit mrô ñu, hnưr thun rim kual sâm pioh rơkâo pơsit anăn anih anom. Hrŏm hăng anun mă čơđeh pơčrang ADN lơm hmâo bôh tơhnal pơtŏng sit djơ̆ lĕ sâm Ngọc Linh anun kah mơ̆ng pơsit mă yua anăn anih anom “Ngọc Linh”./.